خَبْئني خَلف أجْنحتِك

30

قبل تقرون البارت نصيحه خلو جنبكم مويه بارده
واي شي يبرد على قلبكم🌚

الكومنت ؛ 200 كومنت بارت جديد🤍!

~

~

~

وقف مسفر عند الباب والتفت لـ لليث
وقال:انزل

تنهدت وانا اناظر الباب وبعدين رجعت له
وقلت:بدخل من الباب الخلفي

قال مسفر
:وليش ان شاءالله لا يكون غريب تراك من اهل البيت

لويت شفايفي وبسخريه مبطنه
:لا ابد بس م امون على اهلك

استغفر مسفر بداخله وهو يحاول يتجاهل مسخرت ليث
وقال:ادخل ادخل مردك بتتعود ويصير هذا عادي عندك

تأفأف وفتحت الباب بنزل
وقال:لا تتأفف تراك ماتنعطى وجهه

نزلت وانا اناظر الباب وداخلي تردد كبير احس اني دخيل على
هالناس وللحين ماتقبلتهم غير هالانسان قدامي اللي فرض نفسه
علي غصب

مسك يدي
وقال:ندخل؟

بلعت ريقي وقلت له
:طيب فك يدي ابي ادخل لوحدي

تنهد وتقدم مسفر للباب وهو ماسك يد ليث ودخل من الباب
ومن بعدها فلت يده وتقدم قدامه

حسيت من هالنقطه انه واثق فيني وعارف اني ماراح افشله
وارجع واتركه

من غير احساس مني تبعته وانا اناظر ظهره المستقيم والشامخ
واصوات الجميع بدت تقترب مع كل خطوه اخطيها لهم

تحمحم مسفر
وقال:طولنا عليكم

ناظروه بستغراب من كلامه وسرعان مافهموه من شافوا ليث وراه

تقدم ليث وصار جنب مسفر اللي قال
:روح سلم عليهم

حسيت ان اللي اسويه فوق طاقتي
وهمست له:فوق م انك جابرني ادخل لهم بعد تبيني اسلم

قال مسفر
:ولد تبون يشرهون عليك

قلت بسخريه
:لا تخاف الشرهه بيشرهون م على تربيتك لا على تربيت الشوراع
اللي حصلتها

ناظرته بعتب وصديت عنه واقبلت لهم اسلم وانا بالغ الغصه داخلي
من احس فيهم يسلمون علي ببرود م كأني ولدهم

سمعت صوت
يقول:سلم على جدك وبوس راسه

لفيت على هالمعتوه ولا رديت عليه وقبل اصد قال ابوي
:ليث بوس راس جدك

رفعت نفسي وبسته على مضض وابتعدت عنه وشفت مكان خالي
وجلست فيه متجاهل نظراتهم

ناظر الجد لمسفر بلوم وجلس مكانه والكل بعده جلس