عزام كان شوي ويصفقها كف يعلمها الادب بعد ماقرفته بصرارها وقف وراح يبدل وهو يلبس بقرف طلع وراح وشافها جالسه تنتظره كان جوعان ايوه بس متقرف من كل شي وماله نفس اصرت عليه هاله ياكل يا دوب اخذ لقمتين وقف خلاااااص لاعت نفسه خلاص مو قادر يتحملها ولا يتحمل اي شي ركض للحمام ورجع كل شي اكله استند وهو خلاص مايبي يشوف وجهها
هاله : عزام شفيك
عزام بالقوه قدر يسيطر على نفسه وقال: ولا شي شكلي بديت اتعب
هاله: شفيك خوفتني عليك
عزام : ولا شي خلاااااااص
سكتت هاله لما شافته عصب راح يجلس وهو يحاول انه مايرجع يستفرغ بعد شوي كان بيموت من التعب والنوم
قامت هاله وهي تساعده ينام بس عزام بعدها وهو يقول : معليش ي هاله ما احب احد يسندني
هاله : بس انا زوجتك
عزام:اوك بس ما احب
انسدح عزام وهو خلااص قرفان تفاجا لما شافها تقرب لحضنه بتنام فيه ابتعد وهو يقول : هاله لا دخيلك انا انسان ما احب حرارة اي احد حتى رعد ما اخليه ينام بحضني ما احب ي جسم جنبي
هاله : بس مايصير
عزام: معليش دخيلك كل شي الا الحضن
هاله اللي كانت مو مصدقه انه بجنبها: زين
انسدحت وهي تراقبه وعزام معطيها ظهره وخلاص يحس روحه بتطلع ( عزام عنده اعتقاد انه ما تنام في حضنه الا الانسانه اللي هو يحبها وتستاهله ولا يبوس اي احد الا البنت اللي هو يحبها بعد وتستاهل حب عزام وهذا بعيد عن هاله وعن طليقته اللي ما عمرها نامت بحضنه او باسته)
٠٠٠٠٠
اما نور اللي ما باتت وهي تفكر وش مصيرها وش بيصير فيها غمضت وهي تضم رعد بقوه بكت وهي تشم ريحته اللي كانت مثل عزام حبت عزام من كل قلبها طاحت على وجهها وهو مو مفكر فيها ابد كانت تضم رعد وهي تشكي له ابوه اللي ما يدري عنها كل ماضاقت تشكي لرعد اللي مايفهم حكيها بس يحاول يواسيها كان يشبه ابوه عشان كذا كانت اذا فيه شي بقلبها بتقوله لعزام تقوله لرعد وتعتبره وصل عزام
٠٠٠٠
عند تركي اللي جاء لسالم اللي كان جالس بالسياره ويراقب بيت عزام دق الشباك وهو يأشر له ينزله نزله سالم بفجعه
تركي : سالم شعندك هنا
سالم: عم تركي انا انا
تركي : مرسول من جدي صح
سالم توتر : عم تركي الله يخليك وش تبي مني
تركي راح للباب الثاني وركب وقال: وش مصلحتك من ورا ذا كله
سالم بخوف : مالي مصلحه انا عبد مأمور ي دوب ألبي طلباته واخذ قسمتي واروح لعيالي
تركي طلع مبلغ كبير من جيبه وهو يأشر فيه لسالم: عمرك جاك مثل هالمبلغ
سالم وعيونه على الفلوس :لا
تركي : ودك فيه كله
سالم طارت عيونه : ايش
تركي رمى عليه الفلوس وقال: شوف هاذي تعتبرها حلالك تعيش فيها ٢٠ سنه قدام ولا عاد تحتاج هالشغله
سالم: وش المقابل
تركي : بسيط جدا تنسى لي هالبيت ومراقبته يعني بأختصار تسوي نفسك تراقب وجوابك واحد اللي هو( كل الامور سليمه مافيه اي اشتباه ) وبس الين ما جدي يتطمن ويشيلك من هنا
سالم : وليش تبيني ما اقول
تركي : مو شغلك شوف هذا المبلغ معك ان قبلت خذه وعيش واترك الناس تعيش واذا ما قبلت مارح تعيش ولاعيالك بعيشون
سالم : كيف يعني اذا رفضت ماراح اعيش ولا عيالي بيعيشون
تركي : يعني انت ركز على اخرتك لانها بتكون قريبه ولا تحاول تقول لجدي لانه بيوصلك موت عيالك قبل وبعدهم انت وش رايك بالحكي ( تركي كان بس تهديد والا مستحيل يسويها)
سالم : ايش حرام عليك ي عم تركي شسويت انا
تركي : انت لو كملت مع جدي بتروح ارواح من ورا هالمراقبه عالعموم الكوره بملعبك تقدر تقرر وش تسوي والحين انا ما اطلبك شي صعب
سالم بدون تفكير اخذ الفلوس ووعد تركي انه ما يقول اي شي يصير مهما كان وينتبه نزل تركي ببتسامه ودق على يزن وهو يقول : تمت ي ابن العم
يزن: كفوو ي تركي
تركي : تطمن وانا بدق على عزام واطمنه
تركي انفجع لما حس احد يسحبه ويسكر فمه وانقطع الخط
.....
اما عزام اللي كان يتقلب ويتقلب ويتقلب التفت شاف هاله نايمه قام بقرف وهو خلاااص مو قادر يتحمل نهائي طلع وجلس برا قام يغسل وجهه وهو يدعي ربه يبعد عنه الشر ويسخر له الخير ويفتك من العله هاذي قام يدور بالشقه وهو يدور ويدور وكل غرفه يدخلها شد انتباهه في احدى الغرف زي الخزنه صغيره ابتسم وتوجه لها حاول يفتحها ما قدر وقف وهو يقول : هنا كل شي بينقذني بس كيف افتحها
رجع للغرفه وهو يشوفها نايمه رجع لمكانه وحط. راسه دخل بالنوم وهو مو مرتاح بس مو قادر يكمل من التعب ..