CLAIRE
Hindi ko akalain na darating ako sa point ng buhay ko ngayon, na gumigising ako na hindi na puro problema ang inaalala sa twing imumulat ko ang mata ko sa umaga. May pera na akong pambili ng gamot ni Nate, ng pagkain namin sa araw araw at iba pa naming pangangailangan. May maayos kaming bahay at may permanente akong trabaho.
Sinagot din ng Foundation nila Ian ang halos 80% ng gastos ni Nate sa operasyon niya. Kaunti nalang ang utang na dapat kong bayaran sa kanya. Ayaw niya sa totoo lang na tanggapin ang hulog ko buwan buwan, pero sinabi ko sa kanya na gusto kong matahimik ang loob ko kaya sana ay pagbigyan niya na ako at sa huli ay napapayag ko naman ito.
Mahirap magkaroon ng utang na loob lalo na sa mayayaman at galit ako dapat sa mga taong pinanganak na para bang pagaari nila ang mundo. Pero unti unti ay binago ni Troy at ng pamilya niya ang pananaw ko sa mga may kaya sa buhay. Sila ang patunay na iba iba padin ang tao at dapat hindi nilalahat, sadyang may mabubuti at masasama lang talaga sa mundong ito. At napakaswerte ko dahil nakilala ko ang isang Troy Adrian. Siya ang dahilan kung bakit maayos na ang buhay namin ni Nate.
"Claire!" napasimangot ako kay Diane. Ang lakas ng pagkakahampas niya sa braso ko.
" Bakit ka ba nananakit?" asar na tanong ko sa kanya.
" Nakatulala ka kaya, kanina pa kita kinakausap. Mamaya matuluyan kang tumira dyan sa utak mo." natatawang sagot niya.
" Bakit kasi? Tsismis na naman? Sino na naman ang topic this time?" kung sino sino kasi ang napapansin niya sa mga katrabaho namin.
" Ay dyan ka nagkakamali Mams, truelalo is this. " ibinalik ko sa storage ang mga panlinis ko. Maaga ko kasing natapos linisin ang mga check out rooms ko.
" Ano naman yan? " walang interes na sagot ko.
" Ay grabe siya, wala manlang excitement? Type ka daw ni James, yong nasa F and B. Balita ko nga liligawan ka daw. Ayiehhhh! ganda mo Teh!. . " napaisip ako kung sino yong tinutukoy niya.
" Sinong manliligaw kanino!? "
Pareho kaming nagulat ni Diane kay Sir Ian. Hindi manlang namin napansin na nasa likod namin ito. At teka, anong ginagawa niya dito sa storage?
" Good morning Sir, may kailangan po ba kayo?" unang nakabawi si Diane sa pagkakagulat.
" Wala ng tissue sa cr ko, galing ako sa kitchen kaya dumaan nalang ako dito. Now, sino yong manliligaw kay Claire? I mean kay Ms. Gomez. " bakit ako kinabahan? Si Diane naman ang tinatanong niya.
" Ah eh, narinig po kasi kanina ni Maya na nagagandahan daw po si James kay Claire at balak niya daw po itong ligawan. Mauna na nga pala ako Sir, may tatapusin pa pala ako sa taas. " mabilis itong umalis at iniwan kami ni Sir Ian.
Outside work at kapag kaharap ang pamilya niya, natatawag ko siyang Troy paminsan minsan pero madalas Sir Ian sa trabaho, malamang nakakahiya naman na ganon parin tawag ko sa kanya.
" Totoo ba? " baling niya sakin. Nagpanic ako. Teka bakit ba ako kinakabahan kasi..
" Uhm, hindi, e-ewan ko. Hindi ko alam. Kakasabi lang din sakin ni Diane." pinakatitigan niya ako. Problema ba niya?
" Should I announce to them na boyfriend mo ako?" nameywang ito. " Pwede din namang sesantihin ko nalang siya, should I fire him? " naalarma ako. Bakit niya naman gagawin yon?
" Teka lang ha, bakit mo naman siya tatanggalin sa trabaho?" kumunot ang noo niya.
" Why? Ayaw mo ba? Gusto mo bang ligawan ka niya? Do you like him? " sunod sunod na tanong niya.
" Hindi ko siya kilala okay. Pero mali naman yata na tanggalin mo siya sa trabaho without any valid reason. " naglakad siya papalapit sa akin.
" Liligawan ka niya, dito sa Resort ko, right under my nose? Sapat na dahilan na yon. Hindi ka niya pweding ligawan, hindi niya pweding ligawan ang girlfriend ko. " sobrang lapit na niya sakin. Ang bango niya talaga. Lalong kumabog ang puso ko.
" Sir, FYI lang ha, hindi mo naman talaga ako girlfriend diba? " nangunot ang kilay niya. Maingat niyang hinawakan ang mga kamay ko saka dinala sa dibdib niya.
" I... I like you Claire."
" Ha?" gulat na sagot ko sabay bawi ng kamay ko.
" Gusto kita, I want you to be my girlfriend, yong totoo at hindi kunwari lang. " napansin ko na nagpapawis na ito. Kinakabahan ba siya?
" Gusto mo ako? Bakit ako?" pero sa totoo lang hindi ko maipaliwanag ang tuwang nararamdaman ko ngayon.
" What's not to like Claire. " namula itong muli.
" Pero hindi parin yon rason para sesantihin mo yong balak manligaw sakin." napangiting sabi ko.
Nagseselos ba siya?
" I'm serious Claire. Ako ang manliligaw sayo. Dapat ako lang." possessive ba ang term don? Yon na nga yata yon.
" Payag ka ba?" mas matindi pa siya magblush kaysa sakin.
Tumango ako. Wow hindi manlang ako nagpakipot mga Bes...
" Talaga?! " nagliwanag ang mukha nito.
" Unli? Kailangan ulit ulit? " sagot ko.
" Yes!! " sabay halik niya sa labi ko.
Pareho kaming napalayo sa isat isa ng marealize ang nangyari. Wow may lahi ba siya ni flash??
" Oh my god!" bulalas niya.
Huh?! Siya pa talaga ang may ganang magulat.
" Ligaw palang ang usapan natin Mister Troy Adrian. Ang bilis mo!" saway ko sa kanya.
" Sorry, na carried away lang." sabay kamot sa batok niya. Halatang guilty ito sa nagawa.
" Hindi ako galit okay. Pero mangako ka, walang mawawalan ng trabaho dahil lang gusto mo ako. " iniabot nitong muli ang kaliwang kamay ko saka dinala sa labi, sabay dampi ng halik.
" I promise." nakangiting sabi niya.
Tinulak ko na siya palabas ng storage baka may makakita pa samin na magkausap.
Pagkasara ko ng pinto, napahawak ako sa labi ko.
Gusto niya ako?
Liligawan daw niya ako?
Totoo ba to?
Kinurot ko ang pisngi ko.
" Aray.. " gising naman ako.
Kahit lutang dahil sa mga nalaman ko naitawid ko naman na matapos ang duty ko sa araw na ito. Nag aabang na ako ng taxi ng tumigil sa harap ko ang sasakyan ni Troy.
Bumaba ito saka inalalayan ako sa pagpasok sa front seat. Gentleman diba? Matagal naman na.
" Hindi mo naman ako kailangan ihatid." saway ko sa kanya pagpasok niya ng kotse. Araw araw niya na kasing ginagawa to.
" Mas lalo kitang dapat ihatid at sunduin araw araw, baka maunahan pako ng iba. Mahirap na." sabay kindat niya.
Ang gwapo! sigaw ng utak ko. May pagkindat na siya ngayon.
" Mahirap naman yon. Baka ma issue tayo sa trabaho. Diba bawal ang magkaroon ng relasyon sa work place? " paalala ko sa kanya.
" So payag ka na magkaroon tayo ng relasyon? Kasi pinoproblema mo na yan." may panunukso sa himig niya.
Inirapan ko siya.
" Don't worry Claire, ako parin ang Boss. Pwede ko labagin ang rule na yon. Sunduin natin si Nate tapos kain tayo labas?" date ba tawag don? Pero kasama si Nate.
" Next time tayong dalawa lang, promise. Kawawa naman si Nate kung di natin isasama ngayon. Nag aantay na yon sayo diba? " nabasa niya ang iniisip ko.
Nasa apartment kasi si Nate. Kasama ang anak ng katabi naming unit na dalagita. Nagpresentang magbantay sa kapatid ko habang wala siyang pasok.
Magkakaboyfriend na ba ako? Ulit?
Itutuloy...
Hello guys. Keep safe.
Ate Cha
Skycharm24