نظر مراد لأثرها ببلاهة ثم نقل بصره لرائد الذي يقف أمامه ضامماً زراعيه لصدره : مالها البت دي يالا.
قلب رائد عينيه يسير نحوه وما كاد يتحرك حتى توقف مرة أخرى بتذمر يرفع البنطال يغمغم في عبوس : يوه يا مراد شكلك تخنان والبنطلون بتاعك دا خلاني فرجة النهاردة.
صرخ مراد به متذكراً ما فعله : بس متفكرنيش يا كلب .. بقا تاخد بنطلون البدلة وتحطلي مكانوا تشيرت يا معفن.
صعد السلالم نحوه وهو يتمسك بالبنطال بتذمر : خلاص هتزلني يعم وبعدين اروح اخود من ابوك عشان ينفخني صح.
هبط مراد الدرجتين اللتان تفصلان بينهما يلتقط تلابيب ملابسه في يديه صارخاً بوجهه : ولما انت بتخاف من ابوك مش عامل حساب للحلوف الكبير ليه.
ربت رائد على كتفه وهو ينهره : بس عيب متقولش ع نفسك كدا دانت ولا أحسنهم جموسـ .. يوه قصدي دانت سيد الناس.
جز مراد على أسنانه : انطق قول البت دي جت ازاي ومالها ضاربة بوز.
_ عشان سيادتك مروحتش تجيبها.
زفر مراد بغضب ينظر نحو غرفتها صائحاً : وهي السنيورة مش عارفة تستنى خمس دقايق.
ابتسم رائد بسخرية وهو يسير متجاهلاً اياه : خمس دقايق اه قول ساعة ساعتين .. وع العموم آية وجاسر اللي جابوها.
ولج رائد لغرفته بينما الاخر لا يزال يقف على درجات السلم يفكر في طريقة لمصالحة ابنته .. خرج رائد مرة أخرى من غرفته وهو يقول : بقولك.
رفع مراد بصره تجاهه فاسترسل الاخر : انا خدت طقم الفنلات الأسود اصلهم جامدين وعجبوني.
ركض مراد نحوه بسرعة كبيرة : يابن ال**.
بينما ولج رائد غرفته سريعا يحتمي بداخلها.
ــــــــــــــــــــــــــــــــــــــــــــــــــــــــــــــــ
ولج الاثنان للداخل فجلس جاسر على الاريكة يحرك قدمه بعنف بانتظار ان تنتهي هي من خلع حذائها .. وقفت أمامه باستغراب فأشار هو لجانبه : اترزعي هنا.
نظرت لجانبه ثم قالت بتهكم : اي اترزعي دي بتكلم كلبة انت.
ابتسم باصفرار لا يزال يشير لجانبه : اه بكلم كبيرة الكلاب .. ولو مقعدتيش هخليكي تقولي ياريت اللي كان ما جرا.
عقدت زراعيها أمام صدرها بعناد : مش قاعدة.
عم الصمت لثلاث دقائق فصرخ هو فجأة : اتزفتي بقولك.
جلست بسرعة لجانبه فابتسم مربتاً على خصلاتها : كلبة مطيعة .. قوليلي بقا تعرفي مراد منين وملاك بنته اي صلتها بيكي ها .. عارفة لو كدبتي شايفة الجزمة اللي انتي شاريها ليا بخمسة وخمسين هناك دي هتلاقيها بترقع فوق نفخوك.
قلبت عينيها لتبدء في قص ما حدث منذ البداية : اول يوم في الحضانه قابلت ملاك وقعدت معها زيها زى اى طفل في الحضانه ومن خلال الحديث وال كده عرفت قد ايه للبنت دي عانت مع انها خمس سنين .. كنا بنضحك وبنهزر فسالتها بتقولي ايه لماما قالتلي لا وحشه فسألتها ليه بتقولي كده قالتلي ماما كانت بتضربني ولما سالتها ليه قالتلي انا كنت عطشانه .. زعلت قوي عليها وما علقتش يوم ورا يوم عدوا عادي....
وفي يوم كنت بشرح في الحضانه ثلاث رجال معهم مسدسات دخلوا علينا قالوا عايزين اللي في يدك وكان ساعتها معي ملاك خدوها منى بالعافيه ومشوا .. وانا مشيت وراهم عرفت انهم خطفوها لمامتها .. اول ما وقفت سمعتها بتكلم حد في التليفون طلعت بتكلم مراد اللي هو والد ملاك وطلبت منه كذا مليون علشان ترجعله ملاك تاني .. ضربتها ع راسها بس للاسف محصلش حاجه .. قمت ضرباها في رقبتها لحد ما اغمى عليها واخدت ملاك وطلعنا وقفنا على الرصيف نستنى مراد....
الشرطه قابلتنا وفكروني انا اللي خطفت ملاك ودخلوني السجن ومراد ما كانش مصدق ان مش انا اللي خطفتها .. وبعد كده لما عرف ان انا بريئه طلعوني وانا قررت وقتها اني اعامل ملاك زيها زى اى طفل مع اني كنت بدات اعاملها بمعامله خاصه شويه لقيتها زعلت فمرضتش ادخلها في الموضوع بقا .. بس يا سيدي.
انتهت من قص كل شئ بإستثناء اتفاقها مع ملاك بمنادتها ب"أمي" .. فوجدته يجز على أسنانه فوقفت بسرعة متحججة : اي دا الرز ع النار هقـ
جذبها للجلوس مرة أخرى صارخاً بها : رز اي يابنت الهبلة احنا لسة جايين من برة .. وبعدين تخشي السجن ومهنش عليكي تعرفيني .. تصدقي وتؤمني بالله ماعت هقولك الا يارد سجون .. ويبقى رد سجون راحت رد سجون جت.
صرخت بالمقابل : ايوة عشان تقوم هابب فيا زي في التلفون زي انبوبة الجاز صح .. وبعدين انا كبرت واقدر ادافع ع نفسي كويس جداً.
ترك زراعها يسترسل الصراخ : راحة تضربيها بالعصاية ع دماغها لييييه ولا هو خلاص شوكي وانراف لحسوا دماغك.
صرخت مجددا : بس يا جاهل قال شوكي وانراف قال .. اخ اي دا بس يارب.
ـــــــــــــــــــــــــــــــــــــــــــــــــــــــــــــــ
... في الساعة الرابعة والنصف عصراً ...
ولج رائد لداخل منزل إسراء برفقة ملاك التي أصرت على الذهاب برفقته وهو يقوم بشراء "الشبكة"
جلست إسراء برفقتهم بعد أن انتهت من ارتداء ملابسها لحين انتهاء شقيقتها كذلك .. وبعد مدة خرجت إسراء ترتدي فستان ابيض اللون بعض الورود الصفراء نقشت عليه .. يصل لما بعد الركبة بدون أكمام.
خرجت والدتها فاطمة من المطبخ في حين قال رائد بمرح : اش اش اش .. اش على الحلاوة.
شهرت سبابتها أمام وجهه : ما تتلم كدا.
جذبتها والدتها سريعاً وهي تقول بخجل : اصلها كدا تحب تهزر قلب امها.
التفتت لوالدتها باستنكار : هزار إيه دا بيقولي اش اللي ينشك في بطــ
قاطعتها سارة التي نهضت عن مجلسها تمنعها من استرسال حديثها وهي تضع يدها على فمها .. فنظرت ملاك لعمها مردفة بفخر : كانت هتقول اللي ينشك في بطنه يا انكل.
برقت عين سارة بينما ابتسمت إسراء تومئ لها .. هتف رائد وهو يقف عن مجلسه : يلا يا إسراء البسي الچاكت عشان منتأخرش برة.
قطبت جبينها تنظر لذاتها : جاكيت اي.
أشار عليها : انتي هتيجي كدا.
_ لا لا طبعاً هتلبس الچاكت الچينز القمر دا.
قالتها سارة التي خرجت من غرفتهما وبيدها تحمل سترة زرقاء فرفعت إسراء حاجبها باستنكار صائحة : دا بيتأمر يعني بجــ
قاطعها صراخ والدتها التي تعلم حديث ابنتها جيداً تنقذ الوضع : اسراااااااء البسي الچاكت يللا.
ــــــــــــــــــــــــــــــــــــــــــــــــــــــــــــــــ
... مساءاً ...
كالعادة تقف بشرفة منزلها إضافة لجاسر بجانبها .. رفعت بصرها عالياً تطالع سطوع القمر : تفتكر لسة عايش.
ابتسم بسخرية وهو ينظر للسماء : الله أعلم .. بس اللي متأكد منه انه بني آدم من غير قلب ومش بيحس.
امتلئت عينيها بالدموع : احنا ازاي هونا عليه.
نظر لها قالباً عينيه : يا الله منك يا آية بتموتي في النكد.
ــــــــــــــــــــــــــــــــــــــــــــــــــــــــــــــــ
التفوا جميعا حول طاولة العشاء فنظر محمد لولده هاتفاً بتساؤل : ها يارائد عملتوا ايه وجبتوا ايه.
ترك الطعام صارخاً بمرح : يختااااااااي بتفكرني ليه .. لييييييييه.
عقد حاجبيه يسأله بضحك : اي حصل
بدء بقص ما حدث اليوم على مسامعهم بغضب ممزوج بمرح : اول ماوصلنا لقيت الست ملاك.....
استرسل حديثه يقلد طريقتها في الحديث : انكل هاتلى ده .. انكل الاااااه دي حلوة اوي وهتعجب سوسو .. انكل هي دي ممكن تبقى على قدي .. انكل ممكن تشتريلي دي.
صاحت ملاك بتذمر : ايه المشكلة يعني .. ام إنك عم بخيل.
تجاهل حديثها مستكملاً : والست إسراء .. يارائد مش عايزة دي أصلها غالية اوي .. لا يا رائد عايز حاجة رقيقة .. ايه يا رائد ده دي مكعبرة اوي .. لا يارائد عايزين حاجه في المعقول .. اقولها يبنتي خودي اللي عايزاه وملكيش دعوة .. تقولي لا يابا عشان ترجع تزلني بيهم .. ايه البنات دي .. على رأي اللي قال مش قد النيلة بتتنيلوا ليه.
حركت ملاك رأسها وهي تقول بتعاطف : والله معرف ياخويا ايه البخت المايل ده.
ــــــــــــــــــــــــــــــــــــــــــــــــــــــــــــــــ
❤️❤️❤️