الصداقة بين الذكر والانثى من أجمل وأقوى العلاقات اللي بتستمر مهما فات عليها من وقت، لما الانثى تلاقي حد تشتكي له وتفضفض له ويسمعها بدون ملل ويناقشها في اللي بتحكيه ويصحح لها الغلط ويتفق معها على الصح اللي هي عملته تقريبًا دي أهم حاجة عندها إن حد يعمل معاها كده، ولما الرجل يلاقي اللي تفضل واقفة جنبه منين ما يحتاج لها يلاقيها معاه وعندها استعداد تكون أم له وتتقبله في أضعف حالاته وتشوفه وهو بيبكي وتستقبله في حضنها بالنسبة له دي أهم حاجة ممكن يحتاجها ومش هيكون عايز حاجة غيرها في الدنيا.
فيه حاجات في علاقة الصداقة بين الذكر والأنثى مستحيل تكون موجودة لو دورنا عليها في علاقة البنت بصديقتها أو في علاقة الشاب بصديقه مستحيل نلاقيها، في علاقة البنت بصديقتها ممكن نلاقيهم بيغيروا من بعض وممكن واحدة فيهم بتكون مش عايزة التانية تبقى أحسن منها دا إذا مكانش الاتنين !
في علاقة الشاب بصديقه ممكن نلاقي واحد فيهم دائمًا في منافسة مع التاني وعايز يثبت دائمًا للناس إنه أحسن وأشجع وأقوى وأكرم من صاحبه دا إذا مكانش الاتنين بيفكروا بنفس الطريقة!
لكن علاقة الصداقة بين الذكر والأنثى بتكون مختلفة وقوية أكتر مفيهاش غيرة ولا منافسة، دائمًا هتلاقي الاتنين بيحاولوا يساعدوا بعض عشان يكونوا أحسن في حياتهم، أنا و رامي كنا كده برغم إني بنت لكن عمري ما حسيت براحة في صداقتي مع البنات دائمًا بلاقي اللي غيرانة مني وبتحاول تقرب مني عشان تحبطني أو تقلل مني وتبين نفسها أحسن لكن رامي كان صديق بجد دا غير جدعنته معايا كـ راجل كل ما بحتاجه بلاقيه جنبي، مبيزهقش ولا يمل من كلامي معاه برغم عصبيتي بيسمعني ويطمني، لو يوم عدى من غير ما نتكلم بلاقي نفسي مضايقة وعايزة اكلمه وأحكي له اللي حصل في يومي، تقريبًا احنا الاتنين عارفين حاجات عن بعض محدش من أهلنا يعرفها عننا، دائمًا بسمع إن الصداقة بين البنت والولد حرام بس احنا عمرنا ما عملنا حاجة حرام تغضب ربنا، بالعكس كنا بنشجع بعض على الصلاة وقراءة القرآن، عرفنا بعض في الكلية في سنة تانية وهو دمه خفيف أصلًا وبيخلي أي حد يحب يتعامل معاه عشان ذوقه وخفة دمه، حتى يوم لما أتقدم لي عريس روحت أحكي له قال إنه شايفه مناسب ليَّ.
حاجات كتير بتحصل بينا وبنحكيها لبعض محدش غيرنا يعرفها محدش بيصدق إننا أصحاب وبس، كفاية إننا مصدقين، لحد سنة رابعة لاقيت رامي بدأ يتغير معايا في المعاملة ولما اتصل بيه مش بيرد عليَّ، كل اللي فكرت فيه وقتها إنه بيحب وقرر يرتبط واللي بيحبها اضايقت مني ومش عايزاه يكلمني!
فضل حوالي أسبوعين يتهرب مني وأول ما شوفته في الكلية معرفتهوش! روحت بسرعة اكلمه عشان افهم كان فين كل ده!
اول ما وقفت قدامه حسيت إن ده مش رامي اللي أنا أعرفه! دا إنسان تاني خالص!
ازيك يا انسة مها
VOCÊ ESTÁ LENDO
حكاوي بالعامية
Contoحكاوي بالعامية ممكن نقول انها اسكربتات بس فيها فكرة شوية بمعنى أنها من أرض الواقع شوية مش خيال زي باقي الاسكربتات و حكاوي بالعامية هي للكاتبة أسماء شميس و لو دخلتم على الفيس هشتاج #حكاوي_بالعامية. هتلاقهوها موجودة.. و صدقوني حلوة جدا و هتتبسطوا لم...
