بنات رجائا عدم التنمر بالتعليقات على غصون اليوم رادت تنهي قصتها بسبب بعض التعليقات بس گتلها البنات لو ماضايجين ومقهورين عليج جان ماشفتيهن محترگه رواحتهن ومتفاعلات لان يحبنج يحجن هيج من قهرهن عليج بنات خلو نفسكم مكانها شنو ردت فعلكم؟؟
اذا اني وانتي نعرف كلشي لان عايشين ببييئه منفتحه مو ذنب غصون اذا احنه مفتحين باللبن موذنب غصون هي فقط رادت تشاركنه قصتها حتى نتخذ منها العبره مونتهجم ونتنمر على عدم ادراكها وعدم فهمها
تره اكو كثير بنات عايشات ابيئه منغلقه وكلشي ميعرفن تحلف تكول والله مره ابوي لگانه مشغلين فلم اجنبي وطالعه لقطه البطل يبوس البطله حرمنه من التلفزيون شهر كامل ممنوع نشغله
والحسين اكو عوائل واصله بالدراسه وحالتهم اتعس من حاله غصون
خل احجيلكم عن ناس اعرفهم ومتاكده البنات اقاربي ديتابعن حاليا
هنه اربع بنات ابوهن موضف وامهم مدرسه يعني عائله من وجهة النضر مثقفه بنتهم الكبيره اخذت الماجستير يشهد محمد ابوها يگطع عليها الحزام ياالله تروح للكليه بسبب الحاله النفسيه المعيشيهن بيها اهلهن الام والاب منغلقين الابعد الحدود كلشي عدهم عيب وحرام البنت الثانيه نجحت للكليه وبطلت ماداومت بسبب العيشه العايشاتها انصابن بالتوحد بحيث البنت من داومت اول يوم صابتها نوبت صرع ومن يومها بطلت
اتخيلو اذا ابوها كاعد بالصاله وهي تسبح بالحمام معناتها تحبس نفسها لمن يروح ابوها ياالله تطلع من هاي وقيسو شنو المستور بالعوائل؟؟
لحد يحجي على غصون لان اكو ناس اسوء واكو بنات حالتهن اصعب من غصون
رجائا التحبني وتحترمني خل يكون اسلوبها بالتعليقات راقي ك شخصها لان ناس رادت تتخذون من قصتهم عبره لامهزله
واخيرا قبل فتره شفت بالفيس بنت ناشره صوره الوحده من كميه الشبه بينها وبين غصون حسبالي هي بس للاسف مااحتفضت بالصوره
واليوم شفت وحده هم تشبها بس مو مثل الصوره الاولئ يعني اكو شبه بين الصورتين الغصون
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
