السلام عليكم بنات
ادري كل ضنكم بارت
لذلك اعتذر لتخيب امالكم 😁
اولا البعض يضن الروايه فيها مبالغه والبعض يگول بين قوسين (كذب ماكو بالوقت الحالي شي اسمه فصليه)
لا ازيدكم من الشعر بيت حاليا احنه بسنه 2020ولحد الان اكو فصليات. لحد يگول ماكو
لان والدي شيخ ويوميه نسمع منه هاي السوالف
ولحد قبل شهرين نوخذت فصليه من ناس نعرفهم حتئ يوقفون حقن الدم والثارات بين العشيرتين
ولحد هذه الايام لازالت احكام شيوخ العشائر
بما لايرضي. العقل والشرع والقانون
اما باالنسبه لقصه زينب ف الاحداث صارت ب2014
قبل 6سنوات
بااللله العضيم اصعب روايه استلمتها هي ضحيه لمن لايرحم بحيث اكتب وابجي اني اقرة رسائل الابنيه ومصدمه
اكيد انتم هم تنصدمون. مثلي
ولتنسون منو احنه
نحن امه من جهلها ضحكت عليها الامم
المهم هاذا الروايه تختلف عن جمييع الروايات الي قريتوها سابقا
تختلف عن الروايات الي عيشت كثير من المراهقات بااحلام ماتمت للواقع. بصله
لدرجة كثير منهن يتمنن يرحن فصليه
لايعمري موهيج الحجي اصحن ترة التقرنه بعيييد كل البعد عن واقعنه المر
الراح تقرو بالبارتات القادمه راح يصفنكم واتگولون معقوله اكو هيج بشر ماكو بكلوبهم رحمه??
بس الاطلبه واتمنئ من كل متابعاتي المحترمات
انو يسون تاكات الاكبر عدد من متابعيهن وينشرن علئ منصاتهن
لان العبرة والتوعيه بهاي القصه راح تفيد كثير بنات
واكيد ماانجح بدون تفاعلكم
خلال قرائتي لاحداث الروايه صرت مايهمني التصويت بگد مايهمني المشاهدات
لان اريد اكبر عدد ممكن يستفاد وياخذ العبرة منها
روايتي بيها موضوع مطروح
للعشائر التي تغتصب حقوق النساء
بما يدعونه بالفصليه
انا بنضري اعتبر هذا تخلف كبير هذا جهل هذا تغطرس ورجعيه هذه امور ترجعنا الئ الالاف السنين هذه امور مانذكرت لافي كتاب سماوي ولا في دين من الاديان ولاعلئ لسان مرسل او نبي صالح
او ولي من اولياء الله
ف باي حق تفرض ?
وبأي اساس تطبق وياخذ بها?
مثل هذه العادات الوضيعه والقذرة والمتخلفه والمنتهكه لذات المرأة والمستنقصه من كرامتها
والفرض عليها امور مذله ومهينه
اتمنئ ان تكون روايتي بأن تحدث هزة
في المفاهيم والفكر في الجنوب العراقي
من مهزله الفصول العشائريه
الباطله وانتهاك حقوق اللمراة
اتمنئ ان تكون روايتي رسالة توعيه واصلاح
لمجتمع متخلف وجاهل يبخس حق المرأة ويضلمها
ويجب ان تكون مشروع اصلاحي نعالج فيها قضايا التعسف القبلي وضلم السانيات
،،،،،
الي يگول القصه حزينه اكيد كل قصه بدايتها حزن لان هي فصليه اكيد تشبع ضيم
اكو عداله الهيه لابد يجي يوم ينتصر المضلوم ع الضالم
الروايه في بدايتها واتلقت صدئ وانتشرت بسرعه
بفضل الله وفضل تفاعلكم
ارجع واكرر طلبي انو تعملون اكبر عدد من التاكات المتابعيكم
انشاءالله عن قريب جدا راح يكون النه گروب بالفيس خاص برواياتي واكيد مايحلئ الگروب ولاينجح بدون تفاعلكم وتشجيعكم 😘.
هسه انطوني ارائكم بخصوص القصه وبخصوص الاعراف والسانيات العشائريه
شوفوني همتكم 😘
