جابوها دفع للدار
لاديرم ولاحنه ولاصفكه
ولادف النعر بالسلف
لاهلهلوله لاملكه
سألت الناس عن قصه هالبنيه
شعجب جارو عليها بغير حنيه
ورديت بكلب حزنان من كالولي فصليه
لعنت ضلم التقاليد بالف حركه
عمرها الاخضر الهرفي بسعر اليابس تحركه
احديثه اتكول حوريه بربيع العمر مياله
حرام ادموعها الطيبات ع الخدين هماله
وين العطف والرحمه يفصاله
لاسوت ذنب لاهيه جتاله
جا هيجي حكم ديوانك المهيوب ودلاله
علي تحرم فناجينه وكهوته وكعدت ارجاله
غصبتوها ضلمتوها حرمتوها هضمتوها
وهبتوها الشخص ضالم حتى من العقل مايملك وشاله
يحاجيها بدفرته وكال فصليه
عساها ابخت من فصلو وانطو مهرة الفارس
الوادم ماهي خياله
وحوبتها وراهم دوم تحركهم بكل شهكه
تتحسر تدير العين محد يرحم الشكوى
اسيرة اتكول جابوها بلا رحمه ولاسلوى
ياديوان السلف بسك فحطنه من الفصل والثار والنهوة
..........
زينب..اصوات صريخ اتعالت بجي ولطم وصايح
هاي تنحب وذيج تندعي ع الكان السبب
واني وغصون بنت عمي مانعرف شنسوي
كاعدات بزاويه الغرفه نتراجف مافاهمين شي
ياهو اليجي يضربنه كبار صغار
تكفخ بينه
غصون من الخوف والرهبه وكعت
ترعش بمكانها
رغم حالتها وخوفي عليها بس محد اتقرب
صرت اهمش مثل الغركان اريد واحد بكلبه رحم يشوف حالتها
بس احنه واكعين بنص بشر ماترحم
بشر نسو قول الله تعالى
(ولاتزر وازرة وزر اخرئ)
........
صباح الورد بنات
هذا مشهد من الروايه الجديدة
اذا شفت بيها تفاعل مثل روايه راهب حبدي انزلها
وهم راح يتم نشر الحسابات المتفاعله
اعتذر من الي رادو انشر رواياتهم لان بالله هاي عندي صار شهور مااكدر اتاخر اكثر
وشغله ثانيه بنات ارجوكم اندعولي واندعو لهلي لان الي شكو بيهم ملامسين ضهرت نتائجهم مصابين بلكورونا الله يجيركم و يبعدكم
صرنه بحيرة نروح نحلل يحجروك واذا كان بيك امل قبل الحجر تتشافه بس من تدخل للمستشفى تحلم تطلع تمشي على رجليك
لان كورونا صارت تجارة البعض اصحاب النفوس الضعيفه
اتمنى لتنسونا باادعاء واذا اتاخرت وسمعتو خبر وفاتي امانة الله ورسوله تندعولي بالرحمه والمغفرة
