حياة العمر

الحلقة الثانية

المهم توا بنصلح حاجة لجين هيا نا بعتي لما نقول نا اعرفو اللي تحكي لجين
نا: حرام عليك يابابا والله ماقصقاصة لان مانحبش حاجة مجهولة نبي نعرف كل شي
بابا: فنص في روؤف وكسر عينه وقاللهم خلوني انوض نشبح جدك شن يسلكني منه الصبح طلعت مستعجل
نا : روؤف شن معني شبحة بابا اكيد فيه حاجة
روؤف : فهم نظرة بوه ان لجين ح تساعد ع الموضوع المجهول هذا لكن قاللهم مافهمت شي اكيد قاعد راعش من الحادث مش متحكم ف عيونه
نجلاء : هابا عليك ياكبدي صدقتك وراسك الا عارف شن يقصد فر توزع فينا
علي:هذي مايفوت عليها شي المهم صبي القهوة طالع لشوط كورة ف راس الشارع مع الشباب
اياد: علوش بالله نمشي معاك وحتي جاد شنو
جاد: ياسلام😃نمشي علاش لا
علي: اشي اشي مشاء الله ومتفاهمين من قال بنرفعكم اصلا والبدات انت يادبة كبدي عليك دم كان ماتنقص
جاد:😢 علاش تقول دبة خلي نمشي نلعب باش ننقص وراس علو..
قاعد ماكملهاش جاته عنفقة من علي وقاله معاش تقولها
نا: وين شاهين هالدايح ماريتاش
نور : مشي حوش جدي جايين علي ومجدي حناي تبيهم يشدولها دجاجاتها يمشو للجيران شاكيين منهم
نا: والله وطلع فايدة من شاهين ياخوفي بدل مايشدوهم يهججوهم
وفي عز الهدرزة والقهوة ريحتها تجيب الدايح من وين خش هشام وامهم احلام
هشام:هالله هالله خير ماكلمتوني ولا اني ولد البطة السودة
نا: لا والله انت ولد منصورة مش عارفة هالاسم تقول بيخشو بيها بيها جبهة سموها منصورة
جهاد : هي هي يابنت لمي لسانك حناك راهو
نا : البخت الاسود من وين طلعت وانت شاطر غير ترعد وتمطر علي روسنا لكن مع المدام تقلب ارنب وتحط ودانك لوطا
ماتستغربو فيا طبعا دلالة مع عمامي لدرجة نقول ف اسماءهم طول مانقولش عمي
جهاد : كنت قريب كلموني جماعة علي عشي برا قلت تعالو عندي نبي امبكبكة من يدين نور وكتري قرون الفلفل الخضر الله عليك بنة سمحة
رؤوف : هالساهية يطلع منها هالانجاز المشكلة منظرها يقول ماتعرفش باب الكوجينة وين يفتح
الله أكبر ..... الله أكبر
جهاد : الله اكبر المغرب يأذن نمشي نصلي ويانور بالله كان فيه حاجة ناقصة دزي مسج نجيبه تمام
نور: شوية بس ندير دورة ف الكوجينة نشوف شن ناقص
رؤوف : مش قلتلكم ماتعرف شي ف الكوجينة ياخوي من بكبوكي تلقاه سلاطة ياجهاد
خديت تلفوني وكتبت جيب خيار وزيتون ودلاعة ومشروب وجيبلي شوكلاطة سمحة بلا قرقضة
وبدت عاد في التطييب
وجو جماعة جهاد وتعشو واخر واحد طلع هو شهاب صاحب جهاد وانتيم وكبيدته المهم وهو طالع جهاد بالله صاحب العشي فاضي
جهاد : ان شاء الله خير فر فكنا من الوجيج
شهاب : وراسك ياحب الا طايح عليك ونبيك نسيبي
جهاد : تم ياطيري تو نشوفلك الصيدة فاضية ولا لا
شهاب: ادير فيا معروف وخليفة وعبدالله وكلهم مع بعض من اللاخير تفكني من عمتك خديجة وهيا من عين البلوة واختها وتقولي نخطبلك تي دوقها خاش ف الحيط
جهاد: هههههههههههههههه يعطيك دعوة والله نقولها لها ونذلك بيها
شهاب : مالقيت لمن ندوي غر لكبيدة امي تي تحبك اكتر مني
جهاد : هي سلامتك طير من وجهي وقفة الباب مش باهية
شهاب: تي باهي وانت توزع عارفك بتكلم المدام بنرقدلك بالعرض
جهاد: تي روح حل عن سماي ماتنساش رقبتك عندي كان شكرتك تم موضوعك وكان ذميتك راحت عليك ياباتي
شهاب : تمام تصبح علي خير ياطيري
خش جهاد داخل ويشكر وينفخ في عشي نور ومقعمزين كلهم ف الجنان يهدرزو وابراهيم واحلام موجودين طبعا الشباب كلهم ديما في حوش خوهم فوق ومسيبين حوشهم لان بوهم الحاج سعيد منكد ولازم ينكد عليهم وكل واحد منهم يديرله خدمة برا احفر حوض للزيتونة هديكا برا دير ارفع جيب حط وجيب توا هالصنعة كلها مش خاشة دماغاتهم
هشام: برهوم مش عندك خدمة غدوة شن قاعد ساهر برا ارقد
ابراهيم : الله عندي من يهنيني حتي كان مشيت متاخر العمل يمشي كاني موجود وشبح ل لرؤوف
هشام : باهي خش تريح وحلومة كانت طالعة اكيدة مليانة هدرزة
علي يضحك فاهم عمه علي شن يلمح لكن رؤوف كبيده بوه مش راضي
رؤوف: خير دعوتك ياراجل تقول قاعد علي قلبك باش ضايقك
هشام: طاح سعدك وانت شن خصك فينا راهو خوي قبل يكون بوك
ابراهيم يتفرج وساكت ومرات يبتسم بعدين قال لا مازلت شوي نهدرز عليكم
هشام: من اللاخير نوض ارقد بنهدرزو هدرزة مفرخ ماتمشيش معاك انت تقعدلنا فيها اداب واخلاق وتحشم واستحي تي حل عنا يارا مزطلي كبدي راهو نوض تمرقد .
ابراهيم : ضحك بالقوية وعطاه ضربة علي رقبته وشده من شعره لانه طويل اصلا كان صبرت شوية كنت بنخش نتمرقد علي قولتك لكن انت تحب الاكشن هلبا ووقف هيا تصبحو علي خير يافروخ الله غالب غر جيتو خوتي وكان هذا فيها كلام تاني يامهزبين
جهاد : واني شن دخلني نقانه عالطبع واخده من سعيد كل شي بالجملة مايعرفش قطاعي