حياة العمر

الحلقة السابعة

نا : تم حاضر معاش تتصل لين نكلمك
رؤوف : نستني علي نار  ماتخلينيش نتهور ونجيك هي اوخيتي الله يحفظك ويرعاك وزي ما قتلك ركزي وحافظي علي هدوءك ومهما استفزك خليك باردة سمعتي شنو باااااردة ركزي في عيونك ماتنسيش انه ذيب مايفوت عليه شي خليه يتطمنلك
نا : اوفي حاضر وخي والله حفظت كل شي وغيرت اسماء العيلة لشفرات خاصة فيه حاجة تانية النهارات المباركات قريب نضربلك التحية تقول في معسكر
رؤوف: وقت تفتريشك ماهو هي استودعتك الله
نا: يارب هي سلام
ومشيت وسألت ع الادارة وين ودلوني عليها وقفت قدام الباب وندعي ف خاطري يارب استرني بسترك واحفظني بحفظك وارعاني بعينك التي لا تنام  كيف حطيت ايدي عالمانيلا متع الباب وينفتح بقوة وانصدمت بحيط طول بعرض ياويلي الله يرحمني وعيون تفنص الصراحة اصبت بشلل بدو رجليا يرعشو وفي خاطري الف سؤال
صاحب الشركة : نعرف بيه
اسمه رشيد عمره 34 سنة نصاب درجة اولي ومافيش حد عنده شركة او محلات الا وناصب عليه ومخولطه يعني جو عصابات ،قاري هندسة  شاطر في شغله عنده مكتب مهندس ويرسم ويخطط في الخرائط والمكتب هذا لا غبار عليه مخليه بعيد عن عمايله السودة  اااه دهشت 😥
رشيد : انتي وعلاش كنتي تتصنتي 👂وشن اسمعتي اعترفي بسرعة
نا:🤚هي هي انت خيرك فصلت هكي وسع بالك يا اخ انا جاية هنا لانه مكتب مدير الشركة ونبي نقدم في شغل مش جاية نتنصت علي أشكالك العفو منك وسع من قدامي ماعنديش جو للمشاكل ع صبح ربي دفيته وخشيت قلت السلام عليكم 😳
رشيد: وعليكم السلام ورحمة الله تفضلي (يادوموزيل )
طبعا بالفرنسية كتبتها بالعربي
انا مدير الشركة تفضلي اي خدمة وطبعا هو يفصل فيها وفي خاطره طرف صاروخ وجاي يشتغل عندي لازم نخليها قريبة مني مش لازم نخليها تشتغل بين الشباب لانه شكلها دمااار
نا: 😒😒 قصدك انت الأستاذ رشيد مدير شركة ال .......
تقول فيها بهزوة
رشيد : خيرك هازية 😡
نا : العفو منك استاذ انا جاية نقدم في طلب للشغل في شركة حضرتك بناء علي الاعلان اللي موجود علي صفحتكم بالفيس بوك انكم محتاجين موظفين في قسم التخطيط لإدارة السفر والسياحة  والحجوزات وترتيب الرحلات طبعا انا نشوف في نفسي كل الصفات المطلوبة وهذا ملفي وفيه  سي في  تام عني تقدر تقراه
لجين تتكلم بثقة وهو دايب فيها
كملت كلامي شفته لقيته فاتح فمه واضح عليه مش مركز تعمدت نخبط الشنطة ع الطاولة انفجع وحك عيونه شن كنا نحكو
رشيد:: اللي قدامي شخصية كاملة مكملة سبحان الخالق كيف خلقها العيون ثابتة بدون توتر تتكلم بثقة وكانها معتادة عالامر وكل يوم مقدمة في شغل قعدت مستوه فيها لين خلعتني علي شوي طحت من الكرسي حكيت عيوني وقلت شن كنا نحكو .
لجين : للأسف معاش عندي قابلية نعاود كل الكلام اللي قلته كله بإختصار انا نبي نقدم في شغل عندكم موظفة حسب طلبكم نشوف في نفسي كافة الصفات المطلوبة وانا نمتلك القدرة الكاملة لهذه الوظيفة وهذا السي في تام تقدر تقراه وحذفت الملف بغيض 
العفو منك كيف نعرف انكم قبلتوني او رفضتوتي
رشيد : ساهلة تحطي رقم تلفونك وعنوان بيتك والبريد الالكتروني عند الموظف في المكتب 4 وتقدري تتفضلي
لجين: شكرا جزيلا علي وقتك وبرمت للباب بكل ثقة عارفته مركز معاي ودقنه طايح
طلعت وسكرت الباب اووووووووووووف واخيرا تنفست
رشيد: مسح وجه بيده واتكا ع ظهر الكرسي يفكر البنت هاذي صاروخ ارض جو وشكلها صعبة لكن حانجيبها للطريق ونروضها هههههههه انا رشيد اصعب بنت خدت مني 10 وكانت خاتم قي صبعي هههههههههههههههههههه انخلع علي فتحة الباب بقوة تقول مداهمة 😳😳
____________________
نمشو لمكان تاني بعيد عن عيلة الحاج تعيس اااه قصدي سعيد
السلام🤭 خيغك( خيرك)  ياماما شن فيه
رجاء: خشي بسرعة دسي اللي في يدك وخشي للحملم نقعي شعرك والبسي واطلعي ع اساس كنتي ادوشي وانتي بسرعة غيري دبشك وخشي ابدي في العشي الله يستركم
هنادي: ووك ياغبي صبغني(ياربي صبرني) وخلاص
مودة: هنو بسرعة الله يربحك فكينا من المصايب اني نبدا في العشا وانتي بسرعة
عمار: رجاااااااء عطك البلاء وينك
رجاء: نعم شن فيه خيرك تصادع
عمار: نبي فلوس محتاجهم هاليومين وتو نردهملك
رجاء : وانا من وين لي الفلوس ياراجل عيب عليك سيب هالبلاء لي تسمم فيه حرام عليك بناتك صبايا وبكرا الخطاب يدقو بابك شن يقولو عليك
عمار مسكها من شعرها ويفنص قتلك عطيني فلوس دبري فيهم وانتي مسكرة فمك وبعدين ريت هالخلفة السمحة ماعرفتي تجيبي ولد نلقاه في عازتي
رجاء والله عندي راس 30 جنيه تبيهم اهم وطلعتهم من الدرج
عمار : شنو تضحكي عليا ولا شنو 30 جنيه شديهم عندك نبي 100 توا
البنات يصنتوا في بوهم سندهم وعزوتهم كيف داير فيهم
مودة: وحق من خلق النعمة القتل حلال فيه مشردنا ومعطب عيشتنا امس بس واخد 200 من منال حرام تعبها
هنادي: اسكتي مودة خلي نعرفو شن يصير حرام ماما يرعش فيها وهيا حامل ما تتحملش
رجاء طلعت 100 غصب ما عليها خداهم ودفها لين طاحت وطلع فتح الباب لقا بناته يخبطو في بعض من الرعشة فنص فيهم وطلع وسيبهم
خشو لامهم
هنادي: خيغك ياماما انتي وبابا شن فيه صوتكم عالي ولما جينا قلتي لمودة اديغ (ادير) العشي واني نخش الحمام فهمينا
ماما: مانبيش نقوله طلعو للمحلات لان بيتسلط علينا ومعاش يخلي عندنا دينار واحد منال بنيتي بري شوفي خواتك كملو واجباتهم ولا لا ونوضي نور ياسرها نوم بعدها معاش ترقد
نعرفكم الام رجاء ربة بيت عندها 6 بنات وحامل في الشهر الثالث راجلها عمار عطال بطال وراقد ريح لا صنعة ولا شي وعصبي يدخن ومرة مرة يروح زانكها دايخ مايدري عالدنيا وين حاطها ربي
البنات
منال خدت الشهادة الاعدادية وبطلها بوها من القراية
مسرة تقرا ثانية ثانوي
هنادي تقرا اولي ثانوي عندها لدغة في لسانها حرف الراء تنطق فيه غ عيونها سود كبار وشعرها طويييل واسود وهيا قزومة
مودة الصف الثامن
غني الصف الرابع
نور عمرها 5 سنوات
هنادي مسغة تعالي شوفي شن شغيت( شريت)
طلعت الكيسة زوز سغاويل وزوز اوشحة واثنين سبوغتات  ابيض ورصاصي
مسرة: واو يافرخة عليك ذوق اني نبي الابيض
هنادي مصح وجهك فوق شينك قوة عينك انتي عطيتيني 80 ديناغ (دينار)حق السغوال (السروال)والويشاح واني خديت السبوغتات الاثين والباقي لمودة
ماما: يابنات دسو اللي شريتوه فكيني من بوكم مش ناقصة رعايش
غني: ماما تعالي شوفي الابلة شن كتبتلي في كراستي قالت خلي امك تشوفها
ماما: ياسموحة انتي تعالي نشوف كان المكتوب
السلام عليكم حضرة ولي امر الطالبة غني عمار انها من افضل الطالبات في المدرسة وسوف يكون حفل تكريم للاطفال المتفوقين الرجاء حظور الوالدين كعامل تحفيزي للاطفال مع احظار 10 دينار غدا
هنادي: ياسلم هالفغخة ( الفرخة) الشطوغة ( الشطورة) احفظها ياغبي(ياربي)
جاء ثاني يوم البنات في مدارسهم
هنادي صحباتها الروح بالروح صفاء وسارة
صباح الخيغ يابنات
صفاء: حظنت هنادي ياسلملي هاللي توغوغ عالصبح محلاه اللدغة في لسانك
سارة : صباحو عسل
المشرفة : يلا انت وهيا منك ليها في طابورك بسرعة بلا دوشة
هنادي: خيغها(خيرها) هادي واخدة في غوحها (روحها)مقلب المفغوض (المفروض)يحطوها في الغوضة(الروضة) احني كبغنا(كبرنا) عالاسلوب هذا
وفات الطابور وخشو للفصول واستمر الوقت بدون شئ يذكر
ملاحظة
اكيد عرفتو هنادي من تكون هيا نفسها البنت اللي خذت الاحذية من محل علي
______________________
رشيد: خير جدك يلعن اصلك ياكلب فجعتني انقطعت خلفتي من وراك
الصيد: مالك ياعم كنت بتفكر في اي وانا جيت وقطعت متعتك
طبعا رشيد عنده  الصيد وبس يحكيله في كل شي 
رشيد : عليك ثقالة دم مش عارف اني اللي بتطيح فيك من داعي عليها
الصيد: وراسك ياغالي اللي ناخدها امها داعيتلها دعوة هني وراحة طول عمرها  تسحاب روحك انت اللي تاخدها تجردها من اصلها وتشردها وتعطب حالها باش مايطولك شي
رشيد: بالله فوتك من هالكلام وخلي نحيلك شن صار معاي وفكني من بصارتك
الصيد: هيا غرد كلي اذان صاغية
خلي نحكيلك الموجز المختصر  اليوم جت بنت اسمها سمر قدمت علي خدمة يومين ونتصلو بيها ونبلغوها ان احني قبلناها لكن هيا مش بنت هيا صارووووووووخ عليك جمال فيها 🤤🤤
الصيد: 🤨 وانت كالعادة ماتبطلش لصلصة لسانك يدي وعيونك فصلو ويخيطو مش عارف هالسراكة امتي تبطلها وتعقل النهارات الحرف بتخش الاربعين وقعد تقول مراهق
رشيد: ضم فمك واحترمني وانت بديت تدوي زي العزايز
الصيد: كلمة نقولهالك من توا طلعني من مصايب ومادخلنيش فيك راهو اعراض الناس مش لعبة والزمان يدور
رشيد وانت خيرك بديت تتفلسف كيف قلنا بسم الله
الصيد : بسم الله متعك اهيا نعرفها باش تنتهي لاحول ولا قوة الا بالله قدر الله وما شاء فعل
هذا كلامك بعد ادير الفالطة
____________________________
رؤوف : الو  ها شن صار معاك عطلتي هلبا خليتيني زي المسطول نهدرز في روحي
نا: الصبر ياربي انت وين واهو جاية
رؤوف : في الكافي اللي ف الشارع الثاي من الشركة مشي علي رجليك لين توصلي مكتب محرر العقود اسمه ....... تلقي سيارتي غادي اوقفي عندها واني اهو جاي
نا: تم تلقاني غادي

اسفة اذا كان فيه اخطاء املائية او مطبعية
نلتقي في البارت الجاي
توقعو شن يصير