يوميات جيران 💓.

الحلقة 34

- روايَـة : يوميات جَيران.
- عَائشة أحمد المنصّوري.
- الحَلقة : الرابــــعة والثلاثون 34 .

-----------------------------------

في الحلقة السابقة 33 :-

الدكتورة حاطة جهاز السونار ع بطن جيهان وتشوف ل الحاسوب
جيهان متكية : ها ي دكتورة شني؟
الدكتورة شافتلها : سابع مرة تسئليني السؤال هذا مزال اصبري
جيهان : مش عليا اني على يلي برة لو ماطلعش ولد هاياكلنا
الدكتورة ضحكت وردت عيونها لِ الحاسوب بعدين تغيرو ملامح وجها وشافت ل جيهان
جيهان بخوف : خيرك ي دكتورة ؟
الدكتورة : انتي حامل ب ولد
جيهان ابتسمت وعيونها دمعو : نور الدين❤
الدكتورة نزلت راسها.
جيهان : فيه شي؟
الدكتورة هزت براسها وبلعت ريقها
جيهان قعمزت وشافت ل الجهاز ودموعها ينزلو بهستيرية : شني؟ ميت؟ ميت صح اني حاسة انه في شي من قبل ولدي ميت ي دكتورة؟😭😭
الدكتورة هزت راسها بأسى : انتي انسانة تؤمني ب قدر الله صح؟
جيهان قربت منها. : تِ ادوووووووووي ولدي ميت ولا شني😭💔
الدكتورة : لا بعيد السو بس ولدك مِن مُتلازمة دوان .
جيهان مسحت دمعتها بصدمة : شني؟متأكدة؟
الدكتورة هزت براسها.
جيهان ردت اتكيت ع السرير بهدوء : نبي اميه.
الدكتور صبتلها اميه ومدتها لها ..شربت جيهان بعدين عطتها الكباية : يعني ولدي كويس ؟
الدكتورة : اها بخير والنبض تمام وكل شي .
جيهان : الحمدلله الحمدلله.
الدكتورة انصدمت من ردت فعل جيهان الباردة : تقدري تصبي بنكتبلك ﭬـيتامينات جديدة.

جيهان هزت براسها وصبت معاها وهي خااااايفة موت من ردت فعل مُعاوية.
عَائشـة أحمد المنصــــــــــَّوري.
---------------------------------------------

بعد دقايق :-

طلعت جيهان من الغرفة وهي حاطة يدها ع بطنها وتمشي بشوية.

مُعاوية كان معاطيها بالظهر ويحكي مع راجل لف واول ماشافها مشالها يجري مدلها يدها : حبيبتي.
جيهان رفعت راسها فيه ومسكت يده وابتسمت وهي دموعها ع طرف عينها .
مُعاوية سندها عليه وقعمزها ع كرسي الانتظار وقعمز جنبها وقعد يسقملها في شعرها يلي طالع من الوشاح : كنك؟
جيهان اتكيت ع الساس : تعبانة شوي.
مُعاوية : سلامتك من التعب ..ها؟
جيهان ابتسمتله : ولد❤
مُعاوية ضحك بفرحة ورد شعره لاورا : مش قتلك كنت عارف
جيهان هزت براسها وابتسمت.
مُعاوية قعد يضحك شوي وبعدين سكت فجأة : بس في حاجة صح؟
جيهان هزت راسها بالنفي
مُعاوية : لا في ي جيهان
جيهان دمعتها نزلت : مافي شي
مُعاوية مسحلها دمعتها : راهن مش يومين يلي نعرفك فيهن قتلك في يعني في احكي
جيهان سقمت قعدتها : خايفة من ردة فعلك🥺
مٌعاوية ابتسم : وغلاوتك عندي مايهمني شي الا انتي كان الولد ميت ولا صايرتله حاجة يتعوض لكن انتي وين بنلقى وحدة كيفك؟
جيهان بدو دموعها ينزلو.
مٌعاوية مسك يديها الاثنين بقوة : احكي ي جيهان الله يربحك ماتقهرينيش قولي شن في ونوعدك نتقبل .
جيهان : الدكتورة قالت انه البيبي مُتلازمة دوان.
مُعاوية فتح عيونه بصدمة وتلقائياً طلق يدين جيهان وبعد وهو يشوفلها ومنصدم.
جيهان شافت ل يديه وبعدين شافتله عرفت انه ماتقبلش الموضوع : اني مش قتلك من الأول حاسة بشي ي مُعاوية.
مُعاوية ساكت.
جيهان : معاك حق يعني بعد صبر سنين يجيك بيبي مُتلازمة دوان.
مُعاوية برضو ساكت ويشوفلها بدون حتى مايرمش
جيهان قربت منه وحطت يدها فوق يده : بس هذا طفلنا ي مُعاوية وزرق رد بالك تقولي نزليه وللهِ حرام بعد السنين هادي كله انزله حرام ربي يحاسبني
مُعاوية طبس راسه
جيهان إشرت ع روحها وهي تبكي : ءءءء اني اني  هانتكفل بيه لو انت مش متقبله اني بس بالله عليك ي مُعاوية ماتقوليش نزليه باللهِ عليك 😭😭
مُعاوية شافلها وابتسم وحط يده فوق يدها : توا انا قلت نزليه؟
جيهان تمسح في دموعها : بس خيرك سكتت
مُعاوية : شوفي ي جيهان لما حد تحبيه يقعد ع مدار سنين يهدي فيك في هداية.. هدية ورا هدية نين جت هدية ناقصة بترديها له؟تقوليله لالا مانبيها؟
جيهان هزت براسها : لالا
مُعاوية : خلاص نفس الشي انا من يوم ماعرفتك وربي يهدي فيا اول شي انتي بعدين المُول يلي كنت نحلم بيه بعدين شغلي يلي تطور بكل بعدين بديت نشوف بعدين اجوزتك وبعدين بعد صبر ثلاث سنين يبي يجيني نور الدين يلي نبيه...معقولة نقول لا نعمة ربي؟
جيهان : محلاااااااك وربي😭❤
مُعاوية قرصلها خدها وضحك : لانك شفتيني بعيونك
جيهان : نحبك هلبا ي مُعاوية
مُعاوية باسها ع جبينها : وانا اكثر ....هي صبي نبشرو هلنا
جيهان صبت ومسكت في يده : هيا