- روايَـة : يوميات جَيران.
- عَائشة أحمد المنصّوري.
- الحَلقة : الواحـــــــد والثلاثون " 31 "
-----------------------------------
في الحلقة السابقة 30 :-
خلود تضم في دارها سمعت صوت باتها ينادي مشت تجري ل المربوعة لقت جنبه بلال وامها : نعم بابا
عبدالمنعم : قعمزي ي بنتي نبي نحكي معاك في موضوع.
خلود قربت قعمزت جنبهم بتوتر : خير إن شااء الله؟
عبدالمنعم : جبريل ولد عمك طلبك مني مرة ثانية.
خلود : 😨
عبدالمنعم : وانا من رأيي مافيش احسن منه لكن مانبيش نغصبك ع شي
خلود تحشمت ونزلت راسها.
نجاح : وافقي ي بنتي الله يربحك اهي اختك يلي اصغر منك اسقدتك ومزلتي انتي فرحيني بيك
عبد المنعم فنص فيها .
نجاح سكتت.
خلود رفعت راسها في بوها : بس انا ي بوي خاطري نحضر دكتوراه ونقرا برة
بلال تعصب : دكتوراه شنوووو؟مُستحيييل
خلود : عليش
بلال : هك وخلاص ماعندناش بنات يسافرن لما تقعدي عند راجلك ديري يلي يريحك
خلود شافت ل بوها
عبد المنعم : كلام بلال صح.
خلود سكتت حست انه هلها يضغطو عليها.
عبدالمنعم : فكري وردي علينا انتي عارفة انم مش هاتلقي احسن من ولد عمك.
خلود هزت براسها وصبت خشت دارها تشوف ل اوراق الطلب متاع الدكتواره قعمزت ع السرير جنبهن وهي تفكر : هلي حطوني في اختيار صعب.. انا بجد نبي نحضر الدكتوراه...بس بلال قال لما تقعدي عند راجلك ديري يلي يريحك...زعما لو اجوزت جبريل هانسافر نقرا؟ ...شن فيها جبريل مُحترم وكويس وغير هذا كله انه يحبني....طبست راسها وتنهدت : زمان لما انحطيت في مقارنة بين جبريل يلي يحبني وعلاء يلي نحبه.. اخترت علاء وتوا قعد راجل اختي.. خلنصلي صلاة استخارة ونفكر شوي بعدين ساهلة.
نجاح : قولتك توافق؟
عبدالمنعم : ماتضغطيش عليها بس خليها براحتها
نجاح تنهدت : ياااارب توافق وتطلع من كلمة عانز يلي تنقال ليها في كل مكان.
عبدالمنعم : جميلة كلماتك؟
نجاح ابتسمت : ديما تكلم وتنشد
عبدالمنعم : وشن امورها؟
نجاح : تقول تمام
عبدالمنعم : باهي ربي يهنيها
نجاح : ياااارب ويهنيني ع جميلة وبلال
بلال ابتسم وشاف ل السقف
عبدالمنعم تلفتله : شن صار في موضوع انت
بلال شافله : اسكر ولا كأنه في يوم انفتح
عبدالمنعم : وعليش؟
بلال : مش عارف
نجاح : غير لهو بس من عملية مُعاوية ل بنيته توا قاعد يبني
عبدالمنعم : باهي ربي يوفقه رايد بنت رشاد هو صح؟
نجاح ابتسمت : اها وطلبها ومشيت انا تذكر
عبدالمنعم : اها صح ...وشاف ل بلال : عقبالك
بلال ابتسم : يااااارب
نجاح : ماشالله شباب الشارع واحد ورا واحد بدو يجوزو مزال غير عُمر
بلال شافلها : ماهو خاطب عُمر
نجاح شافتله : مدرعنه موضوعه حسيته طول مع انه واتي شكله في أنّ ماحكالك شي انت
بلال طبعاً عارف سبب خطبة عُمر : لا الحق
......
عُمر خش ل حوشهم سكر الباب وراه وهو وجه مايبشرش بخير كأنه يفكر او في شي .
YOU ARE READING
يوميات جيران 💓.
General Fiction- رواية يَوميات جيران ; رواية من الخيال عائلية اجتماعية تطرح عدة مواضيع بعيدة كُل البعد عن بعض ، تحكي ع 4 بيوت كل بيت هانحكو عَ جميع إفراده يلي عايشين فيه ، هانشوفو فيه ألفة الجيران وحبهم ل بعض وكيف يعتبرو نفسهم اهل مش جيران 💓. لِـ عَائشـة احمد ال...
