يوميات جيران 💓.

الحلقة 12

- روايَـة : يوميات جَيران.
- عَائشة أحمد المنصّوري.
- الحَلقة :  الثــــانية عشّر " 12 " .
-----------------------------------

" قِراءة ممُتعة❤

في الحَلقة السابـــقة 10 :-

السَاعة 10 في الليل.

عُمر طالع يبي يركب سيارته فتح الباب بعدين خبطه بقوة واتكى عليها : يييييي هذا انت !
جلال من الجهة الاخرة ل السيارة : السلام عليكم
عُمر : والمرة هذي مع من تبي ادير عركة ومن جاي تعاكس؟
جلال ابتسم : لا المرة هادي اني جاي ندوي معاك انت
عُمر استغرب : شن تبي؟
جلال : موضوع طويل مش هنايا ينقال
عُمر : مش مطمنلك انا
جلال اتكى ع السيارة وابتسمله : صدقني هادي مصلحة ليك مش انتَ خاطرك تولي مُرشد سياحي ولا؟
عُمر : شن عرفك انتَ؟ 🤨
جلال ضحك بهزوة : مش قتلك موضوع طويل
عُمر : هانسمعلك لكن ي ويلك ادير حاجة هك ولا هك نمسح بيك رصيف الشارع كلت
جلال : لا عيب المرة هادي جايك في شغل
عُمر يشوفله بنظرة متاع مش مطمن ليك : خش
جلال برم ع السيارة وجا جنب عُمر وخشو.
عَائشة أحمد المنصّوري.

بلال مقعمز في الجنان ويفكر يشوف ل السماء ويتخيل في جنى مراااايف عليها لها زمان ماجت سمع بِ قصة انها بتسافر مصر قعد يخطط كيف يخليها تقعد كيف يقنع مُصباح انهم مايسافروش والاهم من هك كيف يقنعهم انه يبي يخطب جنى🤷‍♀ وفرق السن الكبير يلي بينهم ! ورهف ! وهله !  وهلها ....طبس لقا تليفونه يضوي دايره ع الصامت.

رفعه لقاه رقم غريب استغرب ورد : الو
المُتصل : بلال !
بلال : إن شاء الله ، من؟🤨
المُتصل : أنا رهف
بلال : 😨😨😨😨😨
رهف : بلال !
بلال سقم قعدته وقعد يكح : اهو معاك
رهف : كيف حالك؟
بلال : الحَمدلله وانتي؟
رهف : بخير...وسكتت ماعش عرفت ماتقول.
بلال : من وين جبتي رقمي؟
رهف توترت : عطاته ليا خلود اختك
بلال : اها إن شاء الله خير ؟
رهف تنهدت تحاول تجمع في قوتها : نبي نحكي معاك فِ موضوع.
بلال كأنه عرف الموضوع : تفضلي.
رهف : بنقعدو هكَ لعند أمتى ؟
بلال : كيف يعني !
رهف : يعني انا مش فاهمة حاستك مغصوب عليا
بلال : لا مش هكِ بس انا.....
رهف قاطعت عليه : لا ي بلال هكِ مش ع قصة المكالمات بس لأ حاجات واجد يثبتن انك مغصوب عليا وانا مانرضاش نقعد مغصوبة عـَ حد.
بلال : يعني؟
رهف : يعني كل حد فينا يمشي ل طريق احسن
بلال انصدم مايحسبهاش تجي منها.
رهف بصوت مغصوص : تقدر بكرا تجي تاخذ حاجاتك يلي جبتوهن.
بلال ماعش عرف مايقول كان يراجي في اللحظة هذي وبذات لما جت منها هيا ...قعد ساكت ل لحظات بعدين تكلم.
بلال : اسمعي ي ر هف نشهد الله انك بنت ناس ومانعدش عليك شي وانا من البداية خطبتك لأنك على ذوق امي وكنت راضي تمام الحمدلله لعند صارن حاجات غيرن تفكيري في القصة يعني لو ماصارنش احتمال كنت قاري فيك فاتحة توا.
رهف ساكتة.
بلال : عارف انها بايخة واني كسرت بخاطرك معليش سامحيني.
رهف : لا عادي عليش تعتذر كله نصيب.
بلال : عليك نور نصيب ايوا
رهف : زي ماقتلك تقدر بكرا تاخذ حاجاتك وانا هانحكي ل هلي انها مني مش منك
بلال ضحك : لالا شن تقولي جو مش لنا هذا حاجاتك خليهن عندك
رهف : لا كيف ونحن ماعش يربطنا شي مانقدرش نحتفظ بيهن
بلال : لا خليهن ولو ع هلك ي ستي توا نحكي معاهم
رهف : تمام
بلال : ربي يسعدك إن شاء الله ويرزقك ب ولد الحلال
رهف : يااارب وانت إن شاء الله يرزقك ب بنت حلال
بلال ابتسمت وجت صورت جنى قدامه ابتسم : ياارب
رهف : يلا سلام
بلال : فِ أمان الله......