- روايَـة : يوميات جَيران.
- عَائشة أحمد المنصّوري.
- الحَلقة : 22 + 21 .-----------------------------------
في الحَلقة السابـــقة 20 :-جى الوقت يلي تخش فيه نادين ل عُمر غيرت بلوزتها ولبست وحدة اطول ومعاها وشاح شالت سفرة القهوة وخشت عليهم : ال...سسسسلام عليككككككم
رفع عُمر راسه فيها وهو من جهة فرحان انه شافها واخيراًَ ومن جهة ثانية فرحان لانه ردلها صوتها ومن جهة ثالثة مشدود ل منظرها وكيف طالعة سمحة اول مرة يشوفها هك : وعليكم السلامقعمزت نادين بتوتر وحطت السفرة
دقايق طلع سالم وتحشم ع وجه.
عُمر : كيف حالك نادين؟
نادين رفعت راسها فيه : الحممممممم.ممدلله واننننننن تتتتتتتَ🥺
عُمر تنهد : الحمدلله....نادين اسمعيي كلام الجاي هذا كويس
نادين خافت وهزت راسها بمعنى به
عُمر نزل راسه وهو لاف يديه في بعضهن : اولاً اسف ع كل شي واني حطيتك في موقف كيف هذا و ...
نادين قاطعاته : ععععااااا...دي
عُمر شافلها وتنهد : لا مش عادي كان عادي راه ماوصلنا ل المرحلة هذي.
نادين استغربت من جملته.
عُمر كمل كلامه : انتي اقرب وحدة ليا الفترة هذي ويمكن عارفة علي كل شي وعارفة اني مش متاع مسئولية وزواج واني رافض الموضوع هذا.
نادين هزت براسها وعيونها مدمعة
عُمر : انا جيت طلبتك اليوم عشان مانطلعش معاك عيل ونسيبك في مُوقف كيف هذا ..... رفع راسه فيها طاحت عينه ع عينها يلي كانت متورمة وواضحة تتهد وكمل كلامه : وعارفة برضو اني نبي نسافر الفترة الجاية ونشتغل ونقعد مُرشد سياحي كيف ماكنت نبي ....تنهد ومسح ع وجه معش عرف كيف يكمل ويقوللها مانبيش! : قصص خشن في بعضهن الزح تلخبطت.
نادين ابتسمت بعيون مدمعة واضحة ابتسامة وحدة ياما شايلة : ان...نااااااا فهمممممم.. ممتك ي عممممرررر سسسسساد وقفتك مممممععععااا.. ااي مااااحد يديررررررها فَ دير يلللللي يريحك
عُمر ابتسم براحة لما شافها راضية : تمام وصدقتنا هاتقعد زي ماهي مستحيل يهزها شي وعد
نادية ابتسمتله.
عُمر : فهمي خوك انه نحن اتفقنا عَ الخطبة وهك
نادين : تمممممممممممام
عُمر : اها وبنقولك....قاطع عليه سالم لما فتح الباب : ها ي عريس شن صار اتفقتو؟
عُمر شاف ل نادين وابتسم : كل شي تمام
سالم فرح : ع بركة الله....وهز ل نادين براسه بمعنى اطلعي
نادين صبت وعطت نظرة اخيرة ل عُمر وطلعت
عُمر صبى : كلملي هلي باللهِ عليك
سالم : بدري
عُمر : من عمرك عندي شغل ولله
سالم : براحتك توا قعدت نسيبنا وهاتقعد ديما تجينا
عُمر : اكيد🙂
سالم طلع وقال ل امه كلمي هل عُمر.طلعن سعاد والصبايا يلي معاها وسلمن ع نادين وامها وخالتها واسقدن.
عَائشـة أحمد المنصــــــــــَّوري.
---------------------------------------------سعاد : وللهِ مانحساب ذوقك هك ي عُمر ماشالله عليها البنت وع جمالها حتى امها وخالتها كويسات
عُمر وهو يسوق ابتسم.
نجاح من لاورا : خسارة التأتأة يلي فيها وللهِ عوينة
عُمر تعصب : لا عوينة ولا خوخة سمحة بالتأتأة بكل
نجاح : سمحة شن قلنا 😒
عمة عٌمر : بس فطنتن تحسي بوجها مضروب او حاجة
عُمر بلع ريقه
نجاح : اها وبذات تحت عينها مع انها دايرة مكياج
سعاد شافت ل عُمر : انظر كنها
عُمر يسوق : الله اعلم يمكن خابطة ولا شي حاجة
سعاد : يمكن
عَائشـة أحمد المنصــــــــــَّوري.
---------------------------------------------
YOU ARE READING
يوميات جيران 💓.
General Fiction- رواية يَوميات جيران ; رواية من الخيال عائلية اجتماعية تطرح عدة مواضيع بعيدة كُل البعد عن بعض ، تحكي ع 4 بيوت كل بيت هانحكو عَ جميع إفراده يلي عايشين فيه ، هانشوفو فيه ألفة الجيران وحبهم ل بعض وكيف يعتبرو نفسهم اهل مش جيران 💓. لِـ عَائشـة احمد ال...