- روايَـة : يوميات جَيران.
- عَائشة أحمد المنصّوري.
- الحَلقة : 30 + 29
-----------------------------------
في الحلقة السابقة 28 :-
اليوم سبت....تفريشت جميلة ...البنات يوتن في ارواحهن يبن يمشن يفرشن شقتها والرجالة يراجو فيهن في السيارات
جنى : مع انها ماتستاهل نمشي نفرش شقتها بس نبي نمشي ليا زمان ع جو الزفة.
جيهان ضحكت : هيا اركبي
نادية قربت من جيهان وهمست في وذنها : تركبي مع مُعاوية ياويلك.
نجاح وجميلة يلحقن في خلود ويوصن فيها شن داير وخلود تلبس وتفكر تبي تمشي ل شقته يلي كانت تحلم تسكن فيها كيف هاتكون مشاعرها؟
عَائشـة أحمد المنصــــــــــَّوري.
مُعاوية برة ينظم في الرجالة كان ومزال الكُل في الكُل رن تليفونه تبعدت منهم يحسابها جيهان طلعه من جيبه وضحك بصدمة لما شاف المُتصل ورد : ايوا ي عسل
بلال : بما انك قعدت تشوف ف تعال خوذني من المطار
مُعاوية ضحك : ثواني ونكون عندك...وسكر
تلفت وراه لقى عُمر ومحمد مصبيين : عُمر محمد
عُمر جاه ووراه محمد : نعم
مُعاوية حط تليفونه في جيبه : بلال في المطار ويبيني نجيبه من يمشي معاي؟
محمد : انا ماعنديش نية ل جو الصبايا😣
مُعاوية ضحك : مية مية
عُمر حط يده ع كتفه : افطن ل الطريق كويس وانت تسوق ي مُعاوية راك مزالت جديد ع النظر
مُعاوية حوله يده وضحك : تِ عدي....وركب في السيارة ومحمد جنبه.
محمد : راك ادير بينا حادث مزلت نبي نعيش ايواه
مُعاوية ضحك وهو يلبس في حزام الامان : استلمتني عاد انت وعُمر اطمن حتى لو درنا حادث هانموتو مع بعضنا
محمد : نبي ننزل انا😨
مُعاوية ضحك ويولع في السيارة : تِ خيرك ي راجل نبصر معاك
محمد : خيرك😉
مُعاوية ضحك : علقتها فينا الزح....وتحرك بالسيارة.
عَائشـة أحمد المنصــــــــــَّوري.
في نفس الوقت يلي تحركت فيه سيارة مُعاوية ل المطار ...تحركن سيارات زفة التفريشة ومانحكيلكمش ع الجو عاد اغاني وتصفيق وضحك وجنى مستلمة الجو كله 😂.... اما خلود كانت فرحانة ومش فرحانة .
وصل مُعاوية ل المطار نزل ولقى بلال مصبي هو الصديق...بلال لما شاف مُعاوية يمشي طبيعي ولابس نظارة طبيبة انصدم حس المنظر غريب حط يده ع شعره وقعد يضحك بصدمة كيف الهّبل..مُعاوية قرب منه وحضنه وهو يضحك ومحمد قعد يسلم ع الصّديق.
مُعاوية سلم ع الصديق ورد مسك في بلال : مش متغير
بلال خبط ع ظهره مرتين : الحمدلله ع سلامتك ي مُعاوية.
مُعاوية : الله يسلمك ي برو ...وحط يده ع نظاراته : وشن رايك في وانا نشوف
بلال ضحك : مية مية.
مُعاوية : بس كنك ماقلتش جاي؟
بلال : قلت نديرها لكم مفاجأة
مُعاوية حط يده ع كتفه وضحك : هيا به نمشو
بلال : هيا.
YOU ARE READING
يوميات جيران 💓.
General Fiction- رواية يَوميات جيران ; رواية من الخيال عائلية اجتماعية تطرح عدة مواضيع بعيدة كُل البعد عن بعض ، تحكي ع 4 بيوت كل بيت هانحكو عَ جميع إفراده يلي عايشين فيه ، هانشوفو فيه ألفة الجيران وحبهم ل بعض وكيف يعتبرو نفسهم اهل مش جيران 💓. لِـ عَائشـة احمد ال...
