37
المسا طلعنا من المستشفى نزلتا في بيت اهل جود قعدت معاهم شوية و بعد جود نامت رجعت البيت
.. طبعا في الفترة الفاتت دي نور و زياد عرسو و حاليا في الامارات ...
بعد رجعت البيت و ارتحت دق علي زياد
زياد: الو.. البابا الجديد
قلت ليه و انا بضحك: يااخ انا اسعد بابا في الدنيا و الله
زياد: حمد لله على سلامتهم و ربنا يجعلو من الصالحين
قلت ليه: امييين و عقبالكم يا رب
زياد: اللهم اميين ..ااا هاك نور
نور بصراخ: فهوووووود حمدلله على سلامتهم و يتربى في عزكم يااخ
ضحكت و قلت ليها: قديتي اضاني على فكرة و امييين عقبالكم
نور بخجل: ااا امين
زياد شال التلفون: شنوو يا برو بتخجل مرتي مالك قاال
قلت ليه: يمرمر راسك دي اختي يعني انت حاليا بتتكلم مع اخو مرتك ما صحبك ي زوزو
زياد و هو بضحك: لالالا شكلو كده انت عقلك فاصل من الفرح قال زوزو قال يا ود يلا يلا
و قفل الخط
.. قفلت البيت بعد رتبتو و مشيت بيتنا ..
دخلت لقيت منن
منن : ابو نبيييل
ابتسمت ليها: منونتي الحلوة تعالي هنا مشتاقين ..
منن: بالاكتر و الله . ارح جوا للجماعه ديل
..عديت باقي اليوم معاهم...
... عدت ايام و كل يوم بمشي لجود و البيبي اتطمن عليهم ...
الليله السماية مشيت من الصباح اشوف النواقص عندهم و اجيبها ليهم ضيوف داخلة و ضيوف مارقة ما قدرت اخش لجود الا بالليل..
....بلسان جود...
الليله السماية و الناس بدخلو و بجو و هو لحدي هسه ما جاني شكلو مشغول شديد مع الناس
.. بالليل شلت نبيل رقدتو في سريرو و غطيتو و رقدت خلاص عايزة انوم طفيت النور و رقدت فجأة باب الغرفة فتح و قعدت في السرير و انا نعسانه و تعبانه شلت المسند فلعت بيهو الزول الواقف في الباب
قلت ليه: يااخ مش قلت ليكم دايرة انوم ده شنو الازعاج ده
فهد و هو بضحك: انا مزعج برضو تمام تمام
قلت ليه بخلعه: فوود!! جايبك شنو هسه انت لسه ما مشيت
دخل و قفل الباب وراهو و فتح النور و جا قعد جمبي
فهد باسني في راسي: اشتقت ليك جوودي💘
قلت ليه: كتير يااخ والله
فهد عاين لي : ما كفاية عليكم بعد ده ياخ تعالو عايز اكون معاكم وقتكم كلو ما ساعتين و ساعه بس
ابتسمت و قلت ليه: حااضر تعال لينا الاسبوع الجاي بكون جهزت حاجاتنا و زاتو تشتاق لينا زيادة
فهد: يااخ حاموت بعد ده والله
ضربتو في كتفو: تف من خشمك بعد امد بعيد يا رب
فهد ضماني عليه: وياك يا رب ..يلا بعد كده انا طالع
باس نبيل في راسو و مرق
... بلسان فهد....
مرقت مشيت البيت و كنت في الايام الفاتت لقيت مستشفى قريبة من البيت اشتغلت فيها بتخصصي''باطنيه'' ... دخلت الغرفة الجهزتها لنبيل لون حيطان ازرق فيه غيوم بيضا و سرير بيبي ابيض مع لحاف ازرق و سرير كبير ابيض و العاب و كشاكيش و حاجه شفع حلوة كده دخلت كم حاجه زيادة للالعاب و مرقت و نمت ...
.... عدا الاسبوع حامشي اسوق جود زبطت غرفة نبيل و عملت كيكه شوكلاته و دخلتها التلاجه و زينت الصالة و علقت فيها صورة لينا انا و جود و نبيل يوم ولادة نبيل زبطت البيت و مرقت
. ..بلسان جود....
الليله فهد حيجي يسوقني رتبت حاجاتنا و شلت كم حاجه زيادة من حاجاتي
... العصر فهد جا لابس جلابية و طاقية .. قعد شوية مع ابوي بعدها قال لي امرق الحاجات عشان يدخلهم العربية
... مشينا البيت و وصلنا فهد قال لي انتظر شوية و اجي استغربت بس قلت يلا اقعد بعد خمسة دقايق ناداني و جا هو شال الحاجات و دخلنا لقيت الصالة مزينة و صورتنا معلقة و حواليها قلوب وكيكة شوكلاته و حركات عاينت ليه و انا خاته يدي في خدي و مخلوعه
فهد ابتسم و نزل يدي : تعالي شوفي المفاجأة الاكبر
مشيت وراه فتح غرفة قصاد غرفتنا دخلنا لقيتها كلها العاب و حاجات شفع
عاينت ليه: فهد انت ما جادي عاين نيبو يا دوب صغير جايب ده كلو
ضحكت و قلت ليها: مالو بكرة يكبر
....بلسان فهد....
.. مشيت شلت سرير نبيل دخلتو غرفتنا و بديت ارتب مع جود الحاجات الجابتها و مشينا قعدنا في الصالة بعد نومنا نبيل
... صحيت الصباح بست جود و نبيل في راسهم و هم نايمين و شلت هدومي جهزت و دقيت على منن
منن: ابو نبيل .
رديت ليها: اختي الحلوة كيفك
منن: كويسة الحمد لله كيفكم انتو و كيف البطل الصغنن ده
قلت ليها: نحمد الله في نعمه... عايني لو فاضية ممكن تجي تقعدي مع نبيل و جود مسافة امشي الشغل و اجي عشان لو احتاجو حاجه ...
منن قاطعتني: يا سيدي اصلا من غير تقول لي جاية حاعمل ليكم وجع وش
ضحكت و قلت ليها: احلى وجع وش ..يلا انا طالع
.. وقفلت منها
مشيت الغرفة لقيت جود صحت كلمتها بانو منن جاية انبسطت شديد ودعتها و طلعت ..💘
يتبع...
معليش على التأخير ي شبابب😂💔
