27
انشغلنا مع تجهيز الصواني للفطور لحدي ما جا وقت الظهر ..طق طق طق عقدو يخوانا 💜💜 عن كمية الفرحه العند نبيل خلتني افرح بفرحتو💜💜
نبيل قال الا نمشي انا و علياء و نور الكوافير مع ريمان 💜 و فعلا مشينا و الجو في الكوافير كان فرايحي ناس بجهز و ناس بتونسو و ناس بغنو💜💜 انا و علياء و نور من ضمن شباين العروس .. لابسين فستاين زرقاء طويلة بذيل و مسرحين كعكه عشوائية و منزلين خصل و شباين العريس بدل سوداء و قميص ابيض و ببيونه زرقاء و منديل ازرق💙 جا نبيل و معاه الشباب💙 كل اتنين سوا نبيل استلم عروسو💙 و بعدها مرقنا نشوف حنركب مع منو.. علياء ركبت مع مجتبى💙 نور قالت انو مافي زول نركب معاه الا فهد او زياد صاحبو
عاينت ليها: بس انا ما بعرف زياد كويس خلينا نركب مع فهد
نور: لالا اركبي انتي و انت بركب مع زياد لانو فهد قال عندو معاك موضوع
عاينت ليها و انا مستغربة: موضوع ؟؟خلاص تمام خير بس انتي ضمنك شنو ع زياد ده؟؟
نور ضحكت: يبت ده من يوم جا لفهد و انا كنت معاك اتعرفنا على بعض و اصحاب و كده يعني
عاينت ليها: اصحاب قال قال 😂💙
جا فهد و البدلة كانت فيه حااجه كده وبعليي شديد😢💙 تنحت فيهو مسافه
نور بهمس: يبت هاا امشي اركبي
ي دوب وعيت لروحي مشيت ركبت😂💙
مشينا و اثناء ما احنا ماشين
فهد اتلفت علي: اتحنصتي؟!
انا: لالا ليه
فهد وقف العربية : طالعه قمر ما شاء الله ربي يحفظك💙 و خت يدو على راسي و بقى بحصن فيني 😢💙💙
بعد انتهى مشينا حصلنا الباقين و بقينا نتونس لحددي ما وصلنا و نسينا الخلاف الحصل و اي زول فرحان بالتاني💙💙
وصلنا و على اتفاقنا انو اي اتنين مع بعض يدخلو ورا بعض دخلو نبيل و ريمان على غنية شيرين بتقول'' كلمة بحبك مش هنادي بيها لحد غير بس ليك''💙 و دخلو بعده كم نفر كده و دخلنا نحن و نور و زياد و علي و لميس بت عمتي بتول 💙
.. الحفله كانت حلو و الجرتق كان احلى
و لمن جو لعادة بخ اللبن ريمان شالت جغمه كبيرة و شوووو في وش نبيل😂♥
نبيل بقى يقش وشو و يحمر ليها و مسك كوبايتو داير يشرب
ريمان: لالالا الميكب بقروش يااخ ما تخربو لي يااخ
نبيل شال كوباية اللبن شربها : على فكرة اللبن مفيد
عن كمية الضحك الضحكناهو ما بنضحكو تاني♥
مشيت اقعد لاني تعبت لقيت لي طربيزة كده قعدت فيه اثناء ما انا مركزة مع تلفوني
فهد: اا ممكن اقعد
انا: اي طوالي
قعد و اتونسنا شوية
فهد: امم جود ممكن تتصوري معاي كذكرى و كده😂♥
انا: طيب مع اني ما بحب اتصور
اتصورنا بتلفوني و تلفونو .. الحفله انتهت.. نبيل و ريمان مشو ماليزيا.. و اي زول رجع بيتو ...
...
عدت سنتين هسي انا و نور و وهج و دنيا و طلال و نصر الدين في ثالث و فهد في خامس و منن في رابع♥
في يوم اثناء ما انا قاعده و محاضراتي انتهت جاني فهد
فهد: جوود ارح نمشي توتي
انبسطت لاني كنت عايزة امشي: حلووو طيب
دقيت على امي قلت ليها اني حاتأخر شوية
مشينا توتي و نزلنا
فهد: عارفه يا جود البحر ده اقرب صاحب لي لا كل لا مل مني ابدا
عاينت ليه: البحر حلو و هادئ بس اول ما يفيض عن حدو بكسر و بهدم و بغرق و الناس زيهم اول ما يوصلو حد الفيضان ببقو زيو
فهد مسك يدي و عاين لي: ما عارف كيف و ليه و متين و من وين بس كل العارفو اني حبيتك كتييير
جريت يدي منه و عاينت ليه مستغربة
فهد واصل: عارف انك مستغربة بس انا بجد بحبك و معاك عرفت بعني شنو تحب بصدق و ما اكذب عليك انا واحد عصبي و حاجتي البحبها ما بحب زول يجب جمبها و عيوب كتير فيني بس برضو بحبك حتى لو انا ما قدر المقام
عاينت ليه: انت ما مفروض تحبني يا فهد انا لا بنحب لا بحب افهم الكلمتين ديل
فهد وقف و اخد نفس طويل و قال باعلى صوت: بحبك بحبك بحبك يا جود 💙
ضحكت ليه: على فكرة حبك ده ضايع في زول رافض الفكرة و ما عايز يدخل في حته زي دي
فهد: اليضيع يضيع فيك و الا ما في شي اسمو حب تاني
انا: انا شايفاك اخوي و رفيقي و مافي نظري شي تاني
فهد: ما مشكلة انتي شايفاني اخو و رفيق و انا شايفك حبيبه و رفيقه
قعدنا شوية لعبنا بموية البحر و رجعنا قبل ما انزل عشان ارجع بعربيتي فهد غنى لي: مسامحك يا حبيبي مهما قسيت عليا قلبك عارفو ابيض ابيض عارفو قلبك و كلك حسن نية
ابتسمت ليه و نزلت و انا مشتته و ما عارفه زاتو الحصل ده شنو
..
سقت عربيتي و مشيت بيتنا لقيت امي بس و ابوي مافي
قعدت مع امي و حكيت ليها الحصل
امي : انتي قلبك بقول شنو
عاينت ليها و هزيت راسي و كتفي بمعنى ما عارفه
امي : شوفي يا جود الحب لا حرام لا عيب بس لازم يكون حب عفيف حب اخرو الحلال ب'' بارك الله لكما و عليكما و جمع بينكم في خير ''
قلت ليها: ربنا يكتب الخير بس
رقدت و انا بفكر هل عندي شي لفهد هل هو بحبني حب صادق صافي هل حيكسرني و يستهلكني زي علي هل حيكون احسن من علي و لا حاطلع خسرانه لو دخلت في الكومه دي .. بالجد فهد ده بالنسبة لي الاخو العمري ما حصل جربت احساس اني يكون عندي اخ بالرغم من انو نبيل و علي بحاولو يكونو كأخوان لي بس انا ما حاسه غير انهم اولاد عمتي عكس فهد بدا معاي كغريب و بعدها شوية شوية بقى لي اخ و صديق و رفيق الشعور البحسو معاه و الامان و الاطمئنان المعاه و مع قربه مني ما حصل حسيتو مع زول غيره.. بس ما اقول الا ربنا يكتب الفيه خير و نمت على كده💘
..'' قد يطاوعك قلبي على حبك يوما.. لكن لا تستأمن مشاعري فهي مضطربة دوما فقد اهواك اليوم و اتي اليك اليوم الاخر لاخبرك انك لست مهما لدي .. لا تلومني ما ذنبي انا اذا لم اكن اثبت يوما على شيء''..💘
يتبع....
