بقيت بعاين لفهد بعدم فهم مرة اعاين ليه و مرة للكيس
قلت ليه : ده شنو الشايلو ده
فهد: شيليه و ادخلي من غير كلام و بعد تشوفيه دقي لي
رديت عليه: ما حاشيلو يعني ما حاشيلو
فهد بغضب: ما تشيليه و ختاه قدامي في الارض و مشى
ما كنت متوقعه رد فعله كده خلاني واقفه في الشارع براي و مشى زي الما حصل شي بس يلا مع نفسو
عاينت للكيس ما حبيت اخلي هديته في الشارع اتوكلت على الله و شلتها و دخلت البيت
لاقوني امي و ابوي في الصالة شاغلوني في الهدية تماام حتى خلوني مشيت غرفتي
دخلت غرفتي و ختيت الهديه في الطربيزة و مشيت لامي في المطبخ
امي: قولتي لي كيس بنفسجي و منفوخ قدر ده و زميلك!! زميلك لكن ي جود
ضحكت ليها: مامااا .. هو ما زميلي بس .. اا.. هو صحبي شدييد و كده
امي عاينت لي و قعدت تضحك: قلتي لي صحبك كمان😂 ما شاء الله بكرة بخطبك مننا ي بت😂😂
عاينت ليها و مشيت خليتها بتضحك
بعد ما اتغدينا و سألوني من اول يوم طلعت غرفتي
عاينت للكيس قلت اشوفو بقيت اعاين جوه الكيس لقيتو ملاان كلو لمن اتخلعت😂
انا مع نفسي: اجييي ده كلو لشنو بسم الله 😮
و بديت امرق في الحاجات الفي الكيس
اول شي في صندوق خشبي منحوت عليه شكل نوته موسيقيه ختيتو على جنب
لقيت دفتر بنفسجي فيه اسمي من برا و صورة صغيرة لي بضحك فيها تقريبا اخدها و انا منتبهة ختيتو على جنب
و انا لسه مستغربه ليه ده كلو و ليه بالذات انا؟؟!!
لقيت في اخر الكيس علبه صغيرة حواليها شوكلاتات كتييرة و مصاصات و العلبه في النص اخذت العلبه و فتحتها و لقيت جواها سلسل فضه باسمي 😨❤ و حلوو شديد بقيت بعاين لسلسل و للتلفون مسكت التلفون و دقيت عليه اول ما رد
فهد: الانسة جود بدري و الله
رديت ليه : فوووودد😭 انت ليه كده
فهد: انا كده لانك سعادتي ي جود
بصوت حزين: بس انا انا ما بستاهل ده كلو
فهد بصوت حاد: تستاهلي دم شرايني و قلبي ما دي بس اوعى اسمع الكلام ده تاني في كم جود جوا قلبي انا
رديت باستغراب: جوا قلبك؟!واتت
فهد : اا قصدي في دنيتي ☺
رديت عليه: اممم اوك و شكرا كنت محتاجاها في وقت زي ده😭❤
فهد بحنيه: لو ما حسيت بحوجتك يحس بيها منو؟؟ انتي جوا نن عيني ياخ و مش الاخوان سند بعض كل ما تميلي بتلقيني كتفك البتتكلي عليه و لا تشيلي هم ❤
رديت عليه و الدموع في عيني: الله يخليك لي من يوم عرفتك و الفرحه ما ليها درب الا بيك كل شي معاك بقى غير ياخ😢❤
فهد: يلااا يا جوديي صلي و اتحصني بكرة انا ما حأجي بدري طيب
رديت عليه: طيب
و قفلت منه و انا فرحانه بجد على كل شي وراه فهد بجيب لي الفرحه .. كيف؟ ليه؟ و متين؟ ما عارفه😢❤ افتقدت دفتري في اللحظه الحلوة دي مشيت جبتو و بديت اكتب
،،'' بدأ اول المشوار بخطوات خوف و انتهى بكومة فرح ورائها هو❤ فاللهم ان لم يكن ما تكتبه لي هناك بالقرب منه يؤذيني فابعده عني فانني لا أحتمل بعد الجرح جرح''،،
فتحت الصندوق العليه نوتات موسيقيه كان فيه بت بترقص باليه 💙 مع موسيقى هادئة عجبتني شديد 😢💙💙
ختيت السلسل و الصندوق في الدولاب و دخلت الدفتر في شنطتي و لميت باقي الحاجات و صليت المغرب و بديت اجهز عشان نمشي لنبيل😢💙💙💙💙
يتبع......💙
