هيامنا💙✨
5..
سلمى: جود حببتي اصحي نمشي لابوك
جود: اممم كويس كويس قايمه
صحت و لبست عباتها و طرحتها و طلعت وشها كان فيه ملامح شاحبه 💔
سلمى بخوف: مالك يا بتي وشك شاحب و عايني جسمك هزيل كيف عيانه و بتكابري زي كل مرة مش
نبيل: كده ما صاح يا جود لازم نوديك الدكتور
جود : دكتور شنو هيي انا كويسه و بقت تقح و مع كل قحه نفسها بضيق و فجأه غمرت
علي كان في غرفتو جا طالع لقاها واقعه و هم بصحو فيها: جود مالها
نبيل: من الصباح شاحبه و هسي قحت ووقعت
علي بخلعه: كيف يعني ارح نوديها امشي دور العربية وانا بشيلها
.. علي شال جود و كان بحاول يصحي فيها لحدي ما وصلو العربية نبيل و سلمى ركبو قدام و جود راقده في رجلين علي و بحاول يصحيها..
جود فتحت عيونها شوية: ع ع علي
علي فرح انها صحت : جوود يا قلبي خليك صاحيه لحدي ما نصل ما تغمضي اكك
جود هزت راسها بمعنى ايوة
سلمى : احيي يا بتي مالك بتخوفيني عليك
نبييل : خالتو اهدي مافيها شي شوية ضيق نفس نمشي يكشفو ليها بس
.. علي بمسح لجود راسها بيده و بخليها تصحصح و ما تنوم ..مشو نفس المشتفى الفيها ابوها عشان يغشوه .. دخلو جود لاخصائي جهاز تنفسي ..
الدكتور:: جود لازم تبتعد عن المخاوف و الصدمات لانها بتعمل ليها اضطراب في جهازها التنفسي
كلهم: ان شاء الله
... غشو حاج محمد و طلعوهو ودوهو البيت و جود طول الوقت معاه ...
حاج محمد: جوديي السمحهه امشي اقري عشان امتحاناتك قربت
جود: حاضر بابا
دخلت الغرفه و قعدت تقرا لحد المغرب نامت وهي ماسكه الكتاب
سلمى: يحليلها نامت فترانها الليله شديد
نبيل بهظار: خلو بالكم منها يا خالتي دي بتي
علي : خلو بالكم عليها شكلها بتكتم وجعها لحد ما اتراكم قال كده و هو موجوع حاسي انو هو السبب
..ندخلكم في موضوع علي و جود .. بااكك سنتين لورا لمن كانو في اولى ثنوي ..كان في حب بديع بين جود و علي لدرجة انه بظهر في نظراتهم لبعض كل همهم بعض 💗 كانو دايمن سوا عمرهم ما خلو بعض لا في حارة لا في باردة 💙 و جا يوم و الشيطان دخل بينهم اللي هي بت عمة علي فنن 😍🎶 بت لبسها كلو ضيق و دايمن بتراشق و تتخاف في يوم جات جود و صادفت انو علي و فنن قاعدين سوا و كانت جاية تسلم عليهم وقفت وسمعت..
فنن: علوشي وربي ما عارفه انت بتحب شنو في بت خالك دي ياخخ شوف لبسها كلو شوالات و يعع دي شنو الاشكال العندك دي شوفني انا مثلن ج..
قاطعها علي : انتي اعلى منها بمراحل بس هي مسكة زمن و انتي اولي يا قلبي
جود من الغضب جات داخله طوالي😠
فنن: هيي دقي الباب دي خصوصيات يمكن هسي بنتكلم في حاجه ما عايزنك تسمعيها😞
جود: الزول بدق الباب لمن الجوه يكونو بشر ما اندال 😳
علي: شكلك فهمتي غلط انتي😡
جود : اتهنى بيها و خليها تدوم ليك يا سيدي😢😠
يتبع...
