جود من الصباح متوترة و خايفه من مجتمع الجامعه و الناس الجديدين الحيدخلو حياتها .. صحت من الفجر بعد صلت بقت تقلب في التلفون بين واتس و فيس و انستا
و فجأة رسل ليها فهد
فهد: صليتي؟!
جود : الحمد لله ربنا يتقبل
فهد: اميين... صاحية لسه مالك خايفه؟
جود: امم اي😧
فهد: ما تخافي مافي شي بخوف زيها زي الثانوي بس باختلاف المساحه الكبيرة و المقرر
جود: برضو بخاف
فهد: طيب اقري قرآن و نومي شوية
جود: طيب باي
فهد: في حفظ الله
.. جوود فعلا قرت قرآن و الخوف خف و نامت و صحت الساعه 6 و نص جهزت لبست اسكرت جينز و قميص ابيض و طرحه مشجرة و سبورت اسود مع شوية قلوس طلعت تحفه❤😭
بعد صبحت على امها و ابوها و شربت شايها دقت عليها وهج فيد كول و اتونست معاها و قررو يمشو سوا و كدا
جود: اكك خلاص بمشي معاك بس يا زول اوع تعملي بينا حادث بعدين😑
وهج: يا زولة و الله معاك محترفه😎
جود: خلاص يلا تعالي
قفلت منها و دقت على الباقين و كلمت طلال يمشي معاهم عشان يسوق عربية وهج😂 و كانت عايزة تدق لفهد بس اتصلت علبها وهج قالت انها بره و طلعت ليها و سلمت عليها و على امها و طلعو
في العربية
جود: ع فكرة طاطا جاي معانا
وهج: بجد ارح ليه
جود: يلا و مشو لطلال
طلال: يلا ي وهوجه عيب عليا تسوقي انتي فحسوق انا و ركب و ديلك ركبو و هو سايقهم و مشغلين اغاني و كده و وصلو الجامعه بركنو العرببة و دخلو
... على لسان جود...
وصلنا الجامعه و كانت كبيرة و حلوة و بناها جميل بس الخوف من مجتمعها طاغي على مشاعري كلها
بقينا انا و وهج بعد ما طلال مشى يشوف القاعه حقتو وين
وهج: هيي ارح نتصل على فهود
انا بخلعه: تصدقي نسيته😨
وهج اتصلت عليه و قال لينا انتظروني في الكافتريا
انتظرناه و جانا كان لابس بنطلون اسود و قميص اسود و ساعه سوداء و مع شعرو و حواجبو بقى عبارة عن سواد
وهج: اووو فحمه لكن😂 و قعدت تضحك مسودها على روحك من اول يوم مالك😂😂
فهد: والله ما عندي مزاج و قبل عليا
فهد: الخوافه ان شاء الله الخوف راح
انا: يعني بس خايفه يبرلمونا لو سألنا من القاعه
فهد ضحك: احسن ما تسألو
وهج: اي والله
و قعدنا نتونس و فهد وصلنا القاعه و هج دخلت قبلي و انا دايرة ادخل فهد وقفني
فهد: جود
انا: ايوه
فهد: ما تخافي و اهدي و انا معاك متى ما احتجتي لي انا معاك و ما حاكون بعيد💜 و ضغط على يدي
بعدها مشى و انا دخلت قعدت مع وهج
المحاضرة الاولى بدت جانا استاذ عمرو في الاربعينات بشرتو لونها اسمر و ملتحي و طويل و لابس نظارات ما شد انتباهي ابد زي باقي البنات الانبرشو عليه
الاستاذ: سلام عليكم
كلنا: وعليكم السلام
الاستاذ: بسم الله انا استاذكم اسمي احمد حادرسكم باذن الله رياضيات بس حتكون مختلفه عليكم من القريتوها لانها بالانجليزيه و حتكون ميسرة باذن الله
و بدا يتعرف علينا و بعد انتهى
ا.احمد: اسألكم سؤال اكيد في ناس بحبو الرياضيات
طبعا القاعه كلها صنت و عملو ميتين الا انا انتبهت معاه
أ.احمد: طيب البحبها يتفضل برة جمب السبورة
اتلفت على وهج نظام اطلع و لا لا و هزت راسها بمعنى اي
طلعت انا و معاي بت و ولدين غيري و وقفنا جمب السبورة و سجل اسماءنا
أ. احمد: طيب كلكم مستغربين ليه قلت ليكم اطلعو برة صح
هزينا راسنا بمعنى نعم
أ. احمد: طيب عندي ليكم حاجتين اول حاجه حابي اعرف شنو الجذبكم للرياضيات و خلاكم تحبوها رغم تعقيدها
الثلاثه المعاي جاوبو و انا كنت اخر واحده اخذت نفس
انا: اول شي حبي للمادة دي جا عن طريق الفطرة ابوي كان محاسب و بحب الرياضيات و كنت دايما بلجأ ليه لمن يستعصى علي ثانيا حبيتها لانها بتحفز لي مخي و بتخلي تفكيري في حاجه منها فايدة في اي زمن يعني لازم اتعلمها لاي حاجه و ماببقى فيها تعقيد لانها جزء من اهتماماتي المتعاده عليها و مافي ماده معقده نحن البنصنع التعقيد برانا أ.احمد: جميل جدا ... طيب الحاجه الثانيه العايزكم فيها حاديكم كلكم مسألتين عشان تحلوها و نشوف شغفكم تجاه الماده و فهمكم انتو كناس ميالين ليها كيف و تشرحو لينا
المفاجأة انو المسألتين الكتبهم وحده من سنة اولى ثنوي و من اكتر مسائل بحبهم حليتهم طوالي و في 5 دقايق انتهيت منهم الاتنين و بعد ما المعاي انتهو شرحو حلهم و كلهم كانت مشكلتها في المسألة التانيه لدرجه اني خفت اكون غلط
جا دوري اخذت نفس و بديت اشرح و الدكتور بهز راسو مع كل قانون بمعنى ايوة بعد انتهيت اخذت نفس و جا الدكتور عاين لحلي و ابتسم
أ. احمد : جود محمد الفاضل !
رديت بخوف : ايوه
أ.احمد: تستحقي وقفه والله .. 3 سنين و بدي البرالمه الزيكم نفس السؤالين ديل و مافي زول بوصل للنقطه الانا عايزة بس انتي وصلتي ❤ وصلتي للحته العايز اوضحها للبرالمه كلهم في زول منهم .. حتة انو القوانين هي الساس للرياضيات و عمرها ما بتخيب زول ما شاء الله تبارك الله انتي عندك ميول و فهم واسع حافظي عليهم
رديت مطمنه شوية: ان شاء الله و رجعت مكاني و انا فخورة بنفسي عديت العتبة ال ليها 3 سنين اي برلوم صيدله بقيف عندها بس انا عديتها و مشيت منها براس مرفوع..❤
اخدنا محاضرة تاني و برضو كانت تعرف و بعدها مرقنا انا و وهج قلنا نمشي الكافتريا
وهج: ما حابه تتعرفي على ناس جديدين
انا: انتو التلاته كفايتي في الجامعه دي من الناس دي كلهم ما عايزة غيركم❤
وهج: و نحن معاك دايما و ابدا يلا ارح انا جوعت
انا: والله انا زاتي خلاص جوعت ارح نشوف ناكل شنو
مشينا دقينا لطلال و فهد و قالو حيجو الكافتريا و بعد ربع ساعه جونا سلمو علينا و حكو لينا و انا حكيت ليهم عن اول محاضر و العملتو
فهد بدهشة : جوود وربي ما مصدق أ. احمد بحالو قدرتي تحلي مسألتو يخخ اي برلوم في صيدلة بديه ليها ما بحلها قاادرة لكن ي بت الفاضل يخخ انتي توقفي السودان ده كلو على رجل وحده بس و غمز لي😉 و ضحك
طلال : كيفف ياخ جود دي كانت لو ما حلت في الحصة اقل شي 3 مسائل بتموت بكا😂💔يخخ نحن كم سنه نعاني في التحانيس
ضحكت ليه و قلت: اصلن بحب شي اسمو رياضيات
و اتونسنا و مشيت اسأل من المحاضرة البعدها شنو طلعت مافي مشيت لقيت طلال مشى و فهد و وهج قاعدين قعدنا و اتونسنا و كنت حاسه بشي جاذبني في عيون فهد ما عارفه ليه بتلخبط لمن يتلاقو مع عيوني و بهرب بنظراتي للارض شتت افكاري دي و طردتها لانها ما وقتها و قلت : خلاص انا حامشي
فهد: ما حتستني طلال؟
انا: الزمن ياخ و نبيل الليله جاي حنمشي ليه بعدين و عندي حاجات في البيت
وهج: خلاص انا ارجع معاك بالمرة
فهد:لالا خليك انتي بعيدة منها و هي في شارعي بوصلها معاي
انا قاطعتو: بس انا ..
فهد قاطعني: جود ما طالب رايك ارح قدامي
و فعلا مشينا و ركبت معاهو ورا
فهد بحميرة: انا ما سواقك اقعدي قدام😑
انا: طيب و قعدت قدام اتحركنا وقف في محل كده
فهد: نازل و جاي خليك مكانك
انا بخوف: ماشي وين
فهد : ثواني عندي امانه هنا اشيلها و اجي
فهد عدا ربع ساعه جوا و جا خت حاجه ورا و ساق العربية و وصلني و انا دايرة افتح الباب وقفني
فهد: ابوك في؟
انا : اي في بس ليه
فهد: حابي اتعرف على الوالد و الوالده و كده
دخلنا و اتعرف عليهم و ابوي حباه و ضيفناه و هو طالع ناداني و اداني كيس كبير بالبنفسج و بقيت مصدومه😳
يتبع....
