المهيوب

الجزء الخامس عشر

❤مساء النور❤
....المــــہـــــيوب...

...
مددو بسطهم ینامون،ولن تصیر عجاجة تراب،فتح عينه الفريجي كوه يشوف
ولن يتناوع بشوف الحمره لازمه كرستين

تفاجا بلجاي يصير،كرستين شجابها،الكطعة الصحرا

گام معصب،وكف عيونه للحمره،ولكرستين
صاح

-شنهي يحمره شرايده من كرستين

-خايف عليها موووووو

-عوفي الحرمه بحالها يحمر

-أبد تريد تاخذهاااااا مو

-ونتي شلچ غرض یحمره

-شنو شلي اني اموت عليك،وموتي يصير عليك،وبيدك

-كافي يحمره،عوفي الحرمه

-ابد ابد لو اني لو هي

هم جدك على حمره يكوم يطگها ویحرر کرستین من بين ايدها

ولن یفز من نومه والتراب فوك راسه طلع يتخيل لأن سفر تعيبان والكطعه چنها صحراء تسوی سراب

علی فزته شاف سید عوض یأذن أذان‌الفجر

گام توضى وصلی هو والساده،
والعلاوي زهبن الچاي والرصاع،وحليب البعير،مدن الطابك
خلن طاسة حليب بعير،ورصاعه،يم الفريجي

كعد يتريك وي الزلام...كملو بسرعه لان صوت الذيابه وي وضحكت كرستين
يرن صداها بلكطعه،وكت الفجريه

كملو اكل رجعن النسوان للمحمل خايفات وعجاجة التراب تخوفهم

بس الفريجي يعرف عل عجاجه من كرستين

جهزو احمالهم والزلم يمشون

وصلو بيت الساده،الحد المضيف طلعلهم الشيخ أبو نوعه،استقبلهم،

فتح الهم صريفه،وكعد سيد عوض يمه
شيخ ابو نوعه كلهم

-ياا اهل السلف اجونه ناس خيرين اريد همتكم لاجل نسوي أبمجان الخيمه
طوب،من الطابوك والطين نسوي جامع جبير

الکل ستبشر وهلها ...رد گلهم وولياذن بيه سيد عوض ابن رفيجي

رد الفريجي ألبيته هلكان من التعب
دخل البيته بهداي‌يتمدد بكبة الخطار
مايريد يشوف عركات نسوانه علموده

خاصه اخر الیومین،مشاکلهن کثرة

وهو متمدد أشوي وتسحبت نصره عليه كالت اله وهي واكفه

-الله يساعدك

-الله يساعدج

-ازهب الك الغدا

-لاااا شبعان الحمد الله خواتچ وین

-ضحیوه هي وچلابها خذت الغنمات للزرع

ورقيوه كاعده تخلي حنه الراسه
وسنيدس نايمه

-وانتي

-اني رگبت،ومریت علی امي