المهيوب

خمسه وستون

..صباح الخير....
...نازك الحمراني...

......

وبدو یسولفون بلهجة المغربية..اتناوع الكيشان وترد تتناوع اعليه

الجده خذت محمد من ايده ودخلو الغرفه سدو الباب
انة وكيشان كعدنة على جلسه عربيه مصنوعه يدوي
اشوي اجى محمد صار جدامي وگال

-الجده تگول خل زوجتك تجي وتسبح بماء بارد جدا لاجل الروحانيه

-وليش مي بارد وشنهي الروحانيه

-لأن؟؟

-لان شنهی یخوي

-زوجتك
-شبيها تحچي يخوي ولاتقطر الحچي

-اول مره اخذ زوجتك ترتاح بغرفة الضيوف
اشر اليه على باب خشبي طويل ضيك
اخذت كيشان بيدي فتحت باب الغرفه
الغرفه هم زغيره كلش بيها چربایه نفر
ومفروشه حصیره وشباك عريض يطل على مزرعه بعيدة

دخلت قبل  كيشان لان هيه بقت يم الباب وانة رحت للشباك حتى أسدن البرده بس بقيت أتناوع للمزرعه وراها تل عالي التفت حتى آحاچي كيشان لان بعدها

بین ما التفت الگاها متمدده على الچربایه
تفاجآت ستوها یم الباب،

تقربت ارید احاچيها لان تشخر بهدوء
شبسرعه نامت شبسرعه شتشخر

واشوف الجده واكفه بلباب،بيدها دولگه نحاس،وکلاص نحاس،
گالت گلمه وحده

-ماء

تبسمت الها اخذتهن واشگرهااا،

-اشگرچ یمه

تتناوع الگیشان،وصافنه ماتحچي ثواني بقت على هل حاله عاد كحيت حتى تعرف انة موجود

مجرد ماسمعت صوتي راحت كعدت يم كيشان اوخر العبايه من وجهه لان الجو هنا مو بارد كلش اصلا بيه حروره

بعدت العبايه،وجهه عركان عدلت نومتها
وكمت اطلع لمحمد سديت باب الغرفه

واشوفه هو والجده كاعدين على القريوله
يسولفون شافوني وسكتو

كعدت يمهم سالني محمد

-زوجتك عدها أخوان زغار ميتين

-اي سامع هيچ شي

-معناها امها ملبوسه،عدها نداهه او بلهجتكم تابعه

تابعة امها صارت بزوجتك ا،وبكل فرد عائلتها لكن هي اكثر وحده مضرره

-ولييششش اكثر وحده مضرره

-مبدئيا جائز لأن تمشط وهي واكفه وهذا الشي احد علامات التلبس ويجوز غيري شي

-ياتاج راسي موش حچي هاضاااااتراني ما امن بسوالف التابعه اجيت لهنانه علمود غير شي

-هذا الشيء ذكرته الجده وعرفت سبب جيتك