المهيوب

بارت الثامن والثلاثون

❤صباح المحبه❤
...نازك الحمراني..
..المهيوب...

مـو گـتـلي امـر بـليل لاتــغفـه ؏ـينك
شر؏ـت سـابع بــاب عد جاري وينك..؟

وصلت العرب بیت نافع،،ويفشل الصلح
وبين مقتنع بقدرتي الخطابيه على الاقناع..

السلف مالتهم  تعبان،والبيوت،بعدها على الصرايف،رغم أكو خطوط كهرباء الشي الراح استفاد منه،هي

كيعانهم أهيسها بور ومهموله هاي اول شي نبدي بيه
وكفت السياره جدام المضيف..گلي زامل بتوتر

-هاااا يبووو سجاد شنهي الظنه هساع أنت جاي تشوف المسلحين جدام اامضيف..
تنهدت ذببت حسره

-والله يخوي شنهي ألتگوله صح،لچن احنه أجينه أجينه
ولازمن نكمل جيتنه

-براحتك واحنه بظهرك يخوي

-كفو كفو ماتكصر......هسه الاريده أركن السياره هنا وانه انزلن وحدي

-لاأااا يبووو سجاد شنهي سالفتك تروح وحدك صار اعليك شي شنهي الدبره
-عاااااد انت من تتفاول تجيبها بلگصه تکول یااالله

-خابن غير أخافن اعليك يخوي...

-اروحن وانت ندعيلي والله كريم..ساعه كامله أن ماطلعت معناها تجون
نزلت من السياره..ومتعلم ورد دائما اردد من اروح الأي مكان متوجس منه..رفعت عيوني للسما وقريت

" يارب دبر لي فاني لا اُحسن التدبير ،اللهم اني تجردت من حولي وقوتي الى حولك وقوتك فلا حول لي ولاقوة الا بك توكلت عليك"
رتبت اشماغي،نكتت ثوبي الجوزي عدلت أحزلم والبرنو
صرت جدام المضيف..سلمت

-السلام عليكم شيخ ابونافع هني

-اي هنيي تفضل وسلم البرنو....طلعت البرنو وطيته الهم دخلت وسلمت بیدي الجنطه مجرد ماشافوها

-السلام عليكم..ردو اعليه

-وعليكم السلام..عرفت الكاعد بوسط الديوان هو الشيخ ابو نافع تمشيت عليه رغم الكل كام يبسبس من حيث تمشيت صوبه مباشره

دنجت بسته من راسه وخشمه گتله شیخ ابو نافع عندي سالفه  وياك مادام الخيرين مو جودين..
تبسم بحزن‌‌ كال

- تفضل یعمي تفضل
مشيت خطوتين منه وكفت اتناوع للكاعدين المضيف طويل سته في تلاثه،وزين انه ابن شيخ وين اكعدن.
المضيف جاي بطول مفروش مدات،وبسط،وبلوسط منقلة كهووه،وعلى يمين الشيخ مقعد خيم...التفت ارجع
أكعد يمه موش بعيد عنه....تفاجا وخفى علومه... كتله

-السموحه  يشيخ  اريدن يمك اكعد واسمع مني وانه قريب

-كول وانه عمك

-رايدلي گاع وبيت ورايدهم منك موش من احد

-وشنهي أحنه دلاليه