المهيوب

البارت خمسه وتلاثين

❤صباااح الحب على عيونكم❤
....نازك الحمراني...
....المهيوب...

وسن///لبست النكاب طلعنا من باب الصالون من الكاب تناوعت للمهيوب نزل من السياره

طالع شحلاته لابس دشداشه بيجي فوكها يلك والشماغ أبيض،وعكال أسود

شلون مأنق نفسه هيج لو عطره،لو تحديد لحيته،لو خده
ماهيست على صفنتي اله وكال

-يله خلينه نصعد وسن ماشاء الله طالعه حلوه دخلت للغرفه أتناوع للمرايه،،وافكرن بأبن عمي حين ماعرف باجر عرسي..
شمال عدوي يو كايلتله علييش خليته يتفاجا..

نزعت البركع،اريدن انساه اجى گبالي بيده صندوك البسي ويتناوعلي جر شماغه من ركبته وكلي

-علييش هيچ یاوسن موش گتلچ نطري اجمعن افلوس ونتزوج علییش قبلتي بزلمه غيري
-چااااا انه معلیه ابویه هو هداني للسيد وانه ماعندي چلمه بعد ابوي

-هااااا چا وحبنه

-خب هوووو احنه الماعدنه غموس الحب موش النه

-چااااا خوش هاضاااا الحچي انه ماازوج اله انت

-قصدك ماتزوج اله من تجمع افلوس وانت العندك حك الذهب وبس وراك غرفة نوم،ونيشان

-وووسن خايبه أهمداااچ تتمهزاین بحبي

-لاااا مااتمهزاء افطننك جاي

-أهاااا چااا تفطنینی بعد سنیین عشک

-اي وهساع انه حرمة المهيوب

-خوش يبنت خالي مهنايه بس أكللچ چلمه،هاضاااا گلبي الحار عليييچ دشيتي بیه برجلین باااارده

-یاااااع عودن شتقصد

-اقصدن انتي عورتي گلبي الله يعور گلبچ
صوت تمحمح ولن المهیوب دش..نزع عباته وكال

-شنهي لساچ فازه من سدت الباب حیل..

-هاااا لااا بس شنهی خفت

-رایح للحمام اتوضى وانتي بدلي بين ماجي الكاچ مکمله
تناوعت لیه شلون یلغف العبايه السوده من چتفه ویطبکهه بترتیب..

نزع الشماغ ولفاه مثل مثلث..شنهي هل زلمه چنه ذوله الزلم الاغنياء بلمسلسلات الخليجيه

فوك هاضااا الجمال الوادم كلهااااا تسولف بعلومه عبنه مشهور شهيره بين العربان
يعارك،وزلمه كلف،

وجهه غاااااسي،وابن شيخ،ومربي سيد،وصاحب جامع،وعنده حلال يمااااااااه يمه بس لا ايحسدني الحبايب اعليه
يااااا ونسيت باچررر تجینی ارقیوه ،وگیشان چااااا ذني يفلسنه تفلس اليه.

خن ادنج شنهي لايكول اعليه حرمه ملكوفه رحت ورى باب الكنتور انزعن البدله ،ولان ايدي طويله هيج اجى السحاب يتسرسح بسااااع
جريت ثوب ولبسته وبقى شعري المدهور مخليه السبراي شكد الشعري شنهييي سوته چنه خشبه میبسه