تحت خط الصفر

بارت٢٠ والاخير

- لا بربك ههههه حيفن الكلابيه

- طيتها لجنتي عمي

- بالعافيه عليها
- تالي هسه شون
- تعاركت وطلعت تكولي خفتاً وراحه شايب عايب اني شايب بربك

- لا محشوم
- يمان انصحني صدك اني مبالغ بالسالفه
- والله مادري شكولك
- ولك صار اربع شهور تنام بالهول تكولي ماارتاح بجربايتي
- يول خاف معمولك عمل
- داكك تبن لكك

- والله شبيك
- ولك منو يسوي هي من اول هيج
- استغفر الله الله يساعدك تالي شون شحتسوي بعاليه
- خليها هي تتزوجها والا اكطع المصرف هي هاي سمها المصرف

- لتتهور
- دخل تطير
سكتت وكعدنا نتغده ونسولف مواضيع متفرقه دك تلفونه سجاد

- ها بابا شكو شنوو
- كالها ووكف
صيح
- منين وكعت لا بشرفك الكيه مكلوبه
هي هي زينه سجاد يابه
وين يامستشفى

يريد ياخذ السويج ايده ترجف
- شكو
سده وركض
- شكو
- ام سجاد مكلوبه بيهم الكيه بطريق سامرا رايح بمدينه الطب
- اجي وياك تعال

رحنا اني ويا خطيه تبهذلت  اخواله عمي يموت عليها حذب
طلعت خطيه مكسور حوضها  وتون مات قهر علي والنوبه مرت سجاد حامل ماعدها احد يداري والحجي اجه للمستشفى

صدك ويكوله جيبها عدنا البنات يداروها 
بقيت صافن محجيت شي
علي تعذر لاحجي واني اداريها
ابو سجاد احنا اهل وام سجاد صارت من عدنا  خلي تبقى هالعشر ايام البنات يداروها وانت دير بالك عالولد خطيه تبهذل هذا حسن تدمر بالكازينو ديبات
سكت واخذناها صدك عدنا
سنا ومها يداروها وبقيت صافن على مرت ابويه شون مطكت من القهر نوبات اصفن اكول شون هلكد تخاف من عده وتسمع كلمته

بقت بصالة بيتنا ام سجاد وسنا ومها يداروها بليل اسمع الضحك والتصنيف

ومرت ابويه اقصى مابيدها تدردم وحده غيرها تحرك البيت على راس ابويه
طرد بته وجاب الغرب لبيته
واني اغلس واعديها هم حقها

مها هواي تقربت من ام سجاد وسنا تنام يمهم
مكمت اشوفها خلصت عشر ايام
واني بس وكت العشا اشوفها وعيوني تلحكها تبتسم وتخبلني

حدما مرت خمس ايام واني صبري خلص بالي يم الصار اخر مره بينا
دتطب للغرفه عبالها مموجود
ولكفتها

- تعايي
- يمان دينتظرون عيب هاي اكل المره

- اي اي حقها جوعانه واني ميت جوع احجي واباوعلها ماعرف شون لدرجه خافت مني

- شبيك هيج تباوعلي
- شون داباوعلج فهميني حتى اعرف
احجي واباوع لشفتها
هدأت اخذ ت الصينيه منها وجريتها لحضني وجريت نفس من كل ريتي

- اييي هسه يله ارتاحيت
- مو عيب غير مريضه خطيه
- والله سنا اني هم مريض وداعتج شو باعيلي