Nahi vo kaam nahi karti
main subah uth ke office jata hu par vo nahi
vo bas ghar par hai rehti
haan vo baat alag hai.. meri subah baad mein hoti hai par uski pehle
main bistar baad mein chhodta hun par vo sabke pehle..
main shuruwat haath me chai ke cup ko le kar karta hu..aur vo mere liye chai banane se
main fresh hoke nashta kar ke khush hota hun..
vo mere liye nashta lagane se..
main jab shaam ko thak haar ke lautta hu to aksar kehta hu aaj kaam bahut tha...
vo bas muskura ke mera bag leti hai aur kehti hai; aap rest karo main khana lagati hu...
kabhi yeh nahi suna uske muh se. ki sara din ghar sambhaalte main bhi thak jati hu..
mera ghar har din chamakta hai... vo bade pyaar se sajaati hai.. is makaan ko ghar banane me apna sab kuch lagaati hai...
meri nazar se dekho to vo mujhse bhi jyada kaam karti hai..
use agar araam karne bolu to bhi nahi padta use fark..
aur uski baato ko main nahi de pata koi tark...
phir bhi agar koi puch ta hai usse" what do you do?"
Vo kehti hai " I don't work" .
आप पढ़ रहे हैं
Thoughts of a loner girl
PoetryThis is a collection of poems that will intrigue any avid reader. People who are into poetry(hindi/English) must read these precious poems of mine. Would love to share my words with your soul.