تحت خط الصفر

بارت١٢

هزيت راسي موافق وكامت من يمي كملت كلاصي وفتت نمت

الصبح طلعت وي الحجي واتصفن شغله شغله تفر براسي
اروحله

اكوله اني زوجها جنت
بس هو يدري

اكوله الي بينا اكثر من متدري بي اشوف شيدري وشنو ميدري

رجعنا عالغده بس تغدينا بالكازينو كمل وهذا اول يوم نفتح الحجي خلاه براسي والمكان مريح

خابر علي وعزمته واجه بس مااجه وحده
اجه عمر وياه

جانت اول مره اشوفه بعد الحادث
لقاءنا كان عباره عن دموع  ونضرات شفقه تعبتني عيونه

ماكان يحجي وينكت مثل قبل لا
كان بس ساكت صافن لحالتي

علي يجيب ويودي مواضيع واحس عمر يباوعلي بتأنيب ضمير

كملنا غده تمشينا بالكازينو شويه وراح عمر رجعت وي علي للبيت راد يشوف ابويه

طبينا للحديقه ومديت راسي للمطبخ
شفت مها تدرس خالد والشحاطه بصفها عالميز

منضرها يضحك
باوعتلها التفتت كالت

- هلاو
- هلو اكولج ابويه كاعد

- توه فات للحمام
- تسوينا كهوه؟!

- اوك.. عدك خطار
- اي ابو سجاد بره

اي هسه كالتها وكامت تلبس بالشحاطه وتدور التك اللخ اشرتلها

- موقرتها عالميز
غطت وجهه وضحكت خبلني خبلني

- على كيفج وياه خالد خوش خالد
حجيتها وباوعتله باوعلي متفاجئ

- موخالو
مهتم نزل راسه يكمل كتابه بالدفتر

طلعت لعلي كعدت ديسولف على ابنه الجبير هالسنه سادس وشاك حلگه  مطلع روحه  محاضرات وهوسه وياريت يفيد درجاته سحك

انفتحت الباب وطلعت مها كانت نادراً ماتطلع اذا اكو شخص غريب بالحديقه بيدها صينيه الگهوه وكفت اخذها ودخت كعدت

علي رأساً وكف
- ها يمعود اكعد اكعد

وباوع لمها
- اي والله عشتي ام خالد

اخذ الكلاص المي من الصينيه  وخلاه بيدي كال
- اشرب  شوي ترتاح اكولك اليوم مبلعت  علاجك!!

- كطعته كلتها منصي

نتر
- شوون متبلعها كيفك

مرديت عليه منصي راسي ولازمه
مها كالت
- اشرب گهوه هسه اصحصح

علي- يابه  حبوبه  عايفها  هي مال گهوه يمان غلط غلط الدكتور شكللللك

صيح علي واحس الصوت اخترق جمجمتي لزمت راسي رأساً
مها عاطت

- عوفه هو يداري روحه كيفه يشوف نفسه احسن
- يابه مداشوفي رجع يتخربط دكتور هذا ووصفه يعرف