(Unicode)
"အဲ့တော့ ငါတို့ အခု ဘယ်လိုလုပ်ကြမလဲ။”
Rachel က သူ့ကို အားကိုးတကြီး ကြည့်ကာ မေးသည်။
သူမ မျက်နှာပေါ်တွင် Dave ကို စိတ်ပူနေတာတွေကို အထင်းသား မြင်နေရသည်။Emily ကတော့ အဖြစ်အပျက်တွေကို လိုက်မမှီသည့်ဟန်နှင့် နဝေတိမ်တောင် ဖြစ်နေသည်။
"သူ့ကို ချုပ်နှောင်ဖို့ နည်းလမ်းအပြင် တခြားမှ မရှိတာ။”
Steve ပြောတော့ Emily က သက်ပြင်းချပြီး ဝင်ပြောသည်။"ဒါပေမယ့် သူ့ရဲ့ Witch သဘာဝကို မချိုးနှိမ်နိုင်သ၍ အခုလိုမျိုး နောက်တစ်ကြိမ် ထပ်ဖြစ်နေဦးမှာပဲ။
ပြီးတော့ အဲ့လို ချုပ်နှောင်နိုင်တဲ့ပစ္စည်းက နောက်ထပ် ဘယ်သူ့ဆီမှာရှိလဲ၊ ရှိရောရှိသေးရဲ့လား ကျွန်မတို့ ဘာမှ အတိအကျ မသိ...”"ငါ့ဆီမှာ။”
ရုတ်တရက် တံခါးပေါက်မှ ကြားလိုက်ရသည့် အသံကြောင့် သူတို့အားလုံး အသံလာရာကို လှည့်ကြည့်လိုက်မိကြသည်။
အသက် 70 ကျော် အရွယ် အမျိုးသမီးကြီးတစ်ဦး။
"အဘွားး။”
Emily ၏ အံ့သြတကြီး ရေရွတ်သံကြောင့် Alex ရော၊ Steve ပါ မျက်မှောင်ကြုံ့သွားရသည်။
Emily ၏ အဖွားက အိမ်ထဲက အိမ်ပြင် တော်ရုံ ထွက်တတ်သူ မဟုတ်။
ထို့ကြောင့် သူမအား Rachel မှ လွဲ၍ အခြား ဘယ်သူမှ သေချာ မသိ။သူမက ဘယ်သူ့ကိုမှ ဂရုမစိုက်သလို ပုံစံနှင့် အိမ်ထဲကို ဝင်လာသည်။
Alex ၏ နောက်လိုက် Vampire များ ခမျာ သူမကို ဆွဲထုတ်ရမလို၊ ဆက်ဝင်ခွင့်ပေးရမလိုနှင့် ဗျာများနေကြသည်။Alex က ခေါင်းညိတ်ပြလိုက်တော့မှ နောက်လိုက် Vampire တွေ ခမျာ အသက်ရှူချောင်ကာ ကိုယ့်အလုပ်ကို ဆက်လုပ်နိုင်ကြသည်။
"အဲ့ ပစ္စည်းက ငါ့ဆီမှာ ရှိတယ်။”
"အဘွားက ဘယ်လိုလုပ်သိ...”
အလန့်တကြား ထပြောသော Emily ၏ စကားမဆုံးခင် သူ့အဖွားက ဖြတ်ပြောသည်။
"နင့် ပါးစပ်က Christopher Leonard ဆိုတဲ့ နာမည်ထွက်လိုက်တာနဲ့ ငါသိအောင် လုပ်ထားတယ်။
တစ်နေ့နေ့တော့ အဲ့လူ ပြန်ပေါ်လာပြီး ငါတို့ကို ဒုက္ခပေးဦးမယ်ဆိုတာ သိနေလို့။”
YOU ARE READING
Beyond the Eternity (ထာဝရကို ကျော်လွန်၍)
Paranormal"တကယ်သာ ချစ်ကြမယ်ဆို ထာဝရဆိုတဲ့ အချိန်က ဘယ်လုံလောက်ပါလိမ့်မလဲ။ " "တကယ္သာ ခ်စ္ၾကမယ္ဆို ထာဝရဆိုတဲ့ အခ်ိန္က ဘယ္လုံေလာက္ပါ လိမ့္မလဲ။" Just a simple love story between the mythical creatures 💖