الفصل _الثانى_والعشرون
لهيب_العشاق.
نور _خالد.
نهضوا جميعا للانصراف حتى وقف فراس واردف
:كنت هنسى
فيروز بتساؤل
:فيه اي يا فراس
فراس بابتسامه
:طبعا كلكوا عارفين انا قابلت تاليا ازاى
اوماوا له فاكمل بحب
:اليوم ده سلسلتها وقعت منها..اخدتها وقلت مش هديهالها غير لما الاقيها واعترفلها بحبى
انهى حديثه واخرج سلسال فضى رقيق يحمل اسم تاليا خطفه تيام من يده واردف لتاليا
:انتى جبتى السلسلة دى منين
فراس بتساؤل
:فيه اي يا تيام
تيام بعصبية ونرفزة
:جبتيها منين
تاليا بخوف وتوتر من عصبيته التى لا داعى لها حسب تفكيرها
:بتتاعتتى من وانااا صغيييرة
تيام بتوتر داخلى فهل تفكيره صحيح
:مين ادهالك
تاليا بحيرة
:ماما قالتلى ان دى حقيقتى..بس انا مفهمتش وقتها
عائشة بتساؤل واستغراب
:فيه اي يا بنى..وبعدين ليه الاسئلة دى
تيام وقد زادت دقات قلبه
:السلسلة دى انا اللى اشترتها ..ماما كانت حامل وقتها ولما عرفت انها بنت اصريت انى اللى هسميها...روحت اشتريتها انا وبابا وخليت الصايغ يعمل الاسم سلسله عشان البسها لاختى لما تتولد..بس لما اتولدت الدكتور قال انها ماتت ..والدليل انى اللى اشتريتها بصوا
اشار لشئ مكتوب بخط صغير
:مكتوب تيام وتاليا
تاليا بصدمة وعقلها يكاد يتوقف
:مش فاهمة اللى هيجيب سلسلة اختك لماما
تيام بتساؤل وقد عزم على فهم ما يحدث
:والدتك كانت شغالة اي
تاليا وقد تملكتها الحيرة والاستغراب
:كانت ممرضة
اردف تيام وقد بدا بتجميع الخيرط ببعضها
:انا كدا فهمت كل حاجة..انا اهلى مماتوش فى بسبب الحريق
عائشة وحسن
:ايه
تيام ببرود ليخفى المه
:اتقتلوا قدام عنيا وقتها كنت مستخبى..مش هقدر اتكلم عن التفاصيل بس وقتها سمعت اللى قتلهم بيقول ..بنتك اللى كنت مستنيها رميتها فى ملجأ..فهمت ان اختى مماتتش وانه الدكتور كدب
تاليا بصدمة
:يعنى
تيام بابتسامه سعيدة
:يعنى انتى اختى اللى خدوها منى زمان
تاليا بصدمة وهى تفكر هل كانت حياتها كذبة هل هى من قاموا بتربيتها ليسوا اهلها الحقيقين صرخت بصدمة
:لا لا انتا كداب ..ماما وبابا مضحكوش عليا السنين دى كلها
عائشة بحيرة وصدمة
:انا معايا حاجة ممكن نتاكد منها
تاليا بلهفة
:ايه
عائشة بلهفة هى الاخرى فسوف تكون اسعد شخص بالعالم ان كانت تاليا ابنت اخيها فذلك يعنى انها كانت معها طوال حياتها
:سعاد اداتنى جواب وقالتلى لو متت ..واكتشفت تاليا حاجة هتكرهها فيا اديها الجواب ده..وحلفتنى ما افتحه ابدا وقالتلى انه امانه..حاولت افهم مرضتش تقولى
تيام بأمل
:طب ممكن تجبيه
اومات عائشة وتوجهت للداخل لاحضاره بينما ينظر تيام لتاليا وهو شارد بملامحها هل انتبه الان انه بها الكثير من ملامح والدته لون شعرها وبشرتها وايضا تملك عيون والدهما مثله اما هى فكانت خائفة وسعيدة خائفة من اكتشاف ان حياتها كانت كذبة لا اكثر وسعيدة انه سيكون لها اخ وعائلة من جديد اتت عائشة وهى تحمل جواب اصفر لونه بمرور الوقت اخذته تاليا بلهفة ومزقت غلافه وشرعت بقراءة ما بداخله بصوت مسموع
:تالى حبيبتى لو بتقرأى الجواب ده معناه انى تحت التراب دلوقت..عايزاكى تسمحينى انى خبيت عليكى..انتى مش بينتى الحقيقة بس يشهد ربنا انى حبيتك اكتر من حياتى..يوم ولادتك الدكتور طلب منى اوديكى اى ملجأ او حتى اموتك ..مقدرتش اعمل كدا ولو كنت رفضت كان هيموتك هوا ..وقتها كنت عرفت انى مش بخلف فاخدتك بيتى..واتفقت انا وعبدالحميد جوزى نخليكى معانا ونربيكى وكتبناكى على اسمنا..عارفه ان عملنا ذنب بس مكنتش هنعرف نسجلك باسم تانى عشان متعرفيش انك مش بنتنا ..والله ربيناكى وحبيناكى اكتر ما كنا هنحب ولادنا لو خلفنا..خفنا نرجعك لاهلك تانى الشخص اللى كان عايزك تموتى يحاول يأذيكى..وسيبنا القاهرة بعدها وسافرنا اسكندرية عشان محدش يعرف انك مش بنتنا..ولما رجعنا القاهرة تانى عشان عائشة وعشان انتى زعلتك عشان فريدة وادم هيمشوا ...وعرفت بالصدفة ان والدك الحقيقي يبقى اخو عائشة ..اطمنت ان لو حصلنا حاجة هبقي مطمنة عليكى ..والدك الحقيقي اسمه فؤاد الالفى ..والسلسلة اللى لابساها هو وقتها ادهالى عشان البسهالك ..قالى وقتها عشان اخوها هيفرح لو لقاها لابسة السلسلة اللى عملها عشانها ..لما اخدتك لبستهالك عشان دى اصلك ..اسفة عشان خبيت عليكى بس انا حبيتك وعمرى ما اعتبرتك غير بنتى..سامحينى يا بنتى
انهت قراءة الجواب وانهارت راكعة على الارض وهى تبكى بشدة ركع تيام بالقرب منها واقترب منها ببطء واحتضنها بقوة وبكى وهو يدفن وجهه فى رقبتها لم تبادله العناق ولكن عندما استشعرت دموعه بادلته بقوة وهى تشد على جاكيته من الخلف كان مشهد يقطع نياط القلب فكل منهما عاش يظن انه وحيد بكى الجميع من ما تعرضوا له فهم خسروا عائلتهم وبقوا وحيدين دون بعضهم ابعدها تيام ومسح دموعها بحنان ففعلت مثله ومسحت له دموعه بابتسامه خافتة فلم يحتمل تيام وعانقها مجددا واردف
:كنت حاسس بمشاعر غريبة ليكى..حسيت انك منى او فيه حاجة بينا..والله دورت عليكى كتير ..بس ملقتكيش
اردفت تاليا وهى تبكى
:انا كان نفسي دايما يبقا ليا اخ..انا فرحانه انك اخويا وانى رجعت ليك
اقتربت عائشة واردفت بابتسامه سعيدة
:مش مصدقة انك بنت فؤاد..يعنى كنتى طول عمرك قدام عنيا وانا معرفش..انا اسفة يا حبيبتى
تاليا بابتسامه
وهى تمسح دموع عائشة
:متقوليش كدا يا ماما..كفاية انك دايما بتحبينى وبتعاملينى زى ولادك..ومحسستنيش باليتم ابدا
فريدة وهى تمسح دموعها واردفت بمرح لتلطيف الاجواء قليلا
:بقلك اي يا فراس مش عايز تطلع اخويا اللى مات بالمرة..او انتى يا وعد اوعى تطلعى بنت خال او عمة ادم
ضحكوا جميعا واستقاموا فاردف فراس
:يعنى دلوقت لازم اخاف من تيام ولا اى
تيام ببرود
:ليه هوا انتا مبتخفش
فراس وهو يبتلع ريقه
:ها مين قال كدا..دا انتا هتبقي ابو نسب حتى
تيام وهو يحتضن تاليا بخبث
:اي رايك احكى لتاليا الماضى المشرف
ضحك فراس بتوتر
:كنت بهزر يا رمضان اي مبتهزرش
واكمل بغيرة
:وبعدين ما تبعد شوية بقا انتا لازق فيها كدا ليه
تيام باستفزاز وهو يقبل خد تاليا المبتسمه من ما يحدث فهى تشعر انها بحلم
:اختى وانا حر عندك مانع..عادى لو عندك نفركشها من دلوقت
فراس وهو ينظر له باستعطاف
:لا يبشا براحتك
اسر هو يكاد ينفجر من الضحك كحال الجميع
:والله دا احنا ايامنا الجاية عنب..تيام هيتقمص دور الحما المفترى بقا
ادم وهو يحتضن فريدة
:تعالى يبنتى حاسس ان هرمون الاخوة انتشر فى الجو
واكمل باستفزاز لاثارة غيرة تيام
:ولا اى يا تيام
نظر له تيام نظرة ثاقبة فضحك ادم بتوتر وابتعد عنها
:معاك حق
ضحكوا جميعا بقوة واستاذنوا للانصراف فاردف ادم لتاليا
:اعملى حساب هتيجى تعيشى معايا من بكرا
اومات تاليا بطاعة وابتسامه سعيده تزين محياها فابتسم لها تيام بدفء واردف لحسن
:بعد اذنك يا اونكل..هاخد تاليا وفريدة بكرا عشان هعمل مؤتمر صحفى..هعلن ان تاليا اختى عشان انسبها لعيلة الالفى ..وكمان اعلن خطوبتى انا وفراس
اوما له حسن بموافقة لاحظ تيام انشغال حسن وعائشة مع فيروز فاقترب من فريدة وقبلها من خدها بسرعة وهمس
:بحبك
ابتسمت له بحب واردفت
:وانا بعشقك
ودع الجميع بعضهم وانصرفوا فجلس الجميع بعد ذهابهم كانت عائشة تحتضن تاليا
:مش مصدقة انك طلعتى بنت فؤاد ..وانك كنتى قدام عينى كل ده ومعرفتش
تاليا بابتسامه هادئة
:عارفه على قد ما زعلت ان ماما سعاد خبت عليا ..بس مقدرش انكر حبها ومعاملتها معايا ..وان عمرها ما زعلتنى هى وبابا عبدالحميد..لو مش هي مشعارفه كان حالى هيبقا اي
اردف ادم بهدوء وحنان
:دا نصيبك يا تاليا..واهو عدت السنين ورجعتى لاخوكى من تانى..فاحمدى ربنا بس
تمتمت تاليا بالحمد اردف حسن
:يلا يا حلوين قوموا غيروا هدومكوا ..لو عايزين تسهروا اسهروا او ناموا..وباتى يا تالى انتى وعد هنا
اوماوا له بطاعة فتوجه هو وعائشة لغرفتهم
وتوجه ادم لغرفته هو الاخر وتحمم وارتدى ملابس مريحة وارتمى على السرير لينام فاحداث اليوم لم تكن بهينة على الجميع فكر فى محادثة كارما فرن عليها اكثر من مرة فلم يجد اجابه وان الهاتف مغلق فترك الهاتف. اما فتياتنا فتحمموا ايضا وارتدوا بيجامات للنوم واجتمعوا فى غرفة تاليا معا قاطعهم طرق الباب فتحدثت فريدة دون ان تفتح لان وعد بدون حجابها
:ميين
ادم من وراء الباب
:هاتى اسيل يا فرى
فريدة وهى تنظر لاسيل النائمة على اقدام تاليا
:بس هى نامت
ادم بهدوء
:هاتيها تنام معايا عشان تعرفوا تناموا
توجهت فريدة وحملتها وفتحت الباب بعد وقوف وعد بعيدا عن مرمى بصر ادم واعطته اسيل النائمة فحملها بحرص واردف
:يلا تصبحوا على خير
اردفت فريدة وتاليا
:وانت من اهله
توجه ادم لغرفتة وتسطح واسيل باحضانه وغط فى النوم سريعا
اما فريدة التى جلست وهى تردف لتاليا بحماس
:طلعتى بنت خالى
وعد بمرح
:النهاردة كان يوم الصدمات العالمى والله
تاليا بابتسامه سعيدة
:انا حاسة انى بحلم
فريدة بابتسامه رقيقة
:لا مش حلم النهارده كان من احسن ايام حياتى
وعد بمزاح لتاليا
:تيام هيبقا الخال والد لعيالك انتى وفراس..وانتى هتبقي عمتو الحرباية لولاده هوا وفرى
تاليا بعبوس لطيف
:بقا القمر دى هتبقي عمتو الحرباية
فريدة بضحك
:يعنى انا هبقا عمتو الحرباية لولاد ادم
ضحكوا واردفت فريدة لوعد
:معرفتيش حاجة عن والدك
وعد بهدوء
:عرفت انه طلق صفية
تاليا وفريدة بصدمة
:ايه
اومات وعد
:ايوا صاحبتى اللى قلتلكم عليها اول ما جيت هنا..قالتلى انها رجعت هى وبنتها شقتهم القديمة..عايزة ازوره بس خايفة
فريدة بحنان
:خايفة من ايه يا حبيبتى
وعد بحزن
:خايفة يكون طلقها عشان مشاكل..مش علشان هى سبب هروبى..فلما ارجع تفضل معاملته زى ما هى
تاليا بهدوء وهى تمسك يدها لتدعمها
:بصي انتى تروحى تشوفيه بس مش لوحدك وكمان من غير اسيل..عشان لو حصل حاجة تعرفى ترجعى
اومات وعد بتفكير فاردفت تاليا
:يلا ننام يا بنات بقا..هنصحى بكرا نجهز حاجتى اللى هاخدها معايا..وكمان منعرفش المؤتمر ده امتا
اردفت فريدة
:اكيد تيم هيرن الصبح
وعد بمرح
:بعد اذن الحب ممكن اعرف ليه مش بتقوليه تيام..انا لاحظت انك مش بتقوليله غير تيم
فريدة بابتسامه
:عشان هوا مميز عندى..فلازم اقوله اسم محدش بيقوله ليه
مثلت تاليا ووعد بيدهم على شكل كمان بسبب كلامها الرومانسى بالنسبة لهم
:تيرارا
ضحكت فريدة وهى تتسطح وتبعتها وعد وتاليا
:تصبحوا على خير
وعد وتاليا
:وانتى من اهله يا بتاعة تيام
ابتسمت بهدوء واغمضت عينها وهى تفكر فى معشوقها حتى غفت سريعا وكذلك تاليا اما وعد فظلت مستيقظة وهى تنظر لسقف الغرفة وهى تفكر هل اذا عادت لوالدها هل سترى اسر مجدد او هل وقعت فى حبه دون ان تدرى ونبض قلبها بقوة عندما تذكرته وتذكرت لون عينه التى تعشق غفت وهى تفكر به..
وكذلك مرت الليلة على ابطالنا جميعهم وانتهى اليوم بسعادة على جميعهم لكن هل تدوم السعادة ام ستاتى مشكلة تعكر صفوهم..؟
أنت تقرأ
لهيب العشاق،مكتملة...لنور خالد
Romanceاتصنفت #2فى فئة صهباء 3#فى فئة مكتملة 1# انتقام 7\2021 هوا وحيد حياته روتين ممل لا يوجد به سوا العمل لا يعرف معنى الحب او الحنان قاسى القلب وبارد كالجليد يبحث عن الانتقام بالنسبة له النساء للمتعه فقط ... هى فتاة جريئة وقوية ومتمردة كالشعلة النارية...
