The Revengeful Heart [COMPLETED]

Vengeance 40

Dianna Luther

Pagkatapos ng nangyaring 'yon ay lalo naming minadali ang pagpapakasal namin ni Vicmar. Pero alam ko sa lahat ng pinupuntahan namin ni Vicmar ay palagi syang nakasunod. Hindi ko alam kung ano pa bang ipinaglalaban nya para sa amin. Hindi ba nya nakikita na wala nang kakahantungan ang kung anumang meron kami?

"Iha, look at this bagay na bagay 'to sayo." Natigil ang pag-iisip ko ng marinig ko ang boses ni Mama sa tabi ko. Nandito kami ngayon sa botique at kukunin na namin ang susuotin kong gown sa kasal.

"Thank you po Mama." Yon lang ang nasabi ko at sumandal sa kinauupuan ko.

"Dianna may problema ba?"

"Po? Wala po medyo masama lang po ang pakiramdam ko." Sagot ko sa kanya. Pinaalis naman nya muna ang mga designer at lumapit sa akin.

"Nagdadalawang isip ka ba iha?" Seryosong tanong nito sa akin.

"Hindi po. Meron lang po akong iniisip."

"Kung ganon ay bakit hindi ko nakikita ang excitement mo? Kasal mo ito iha bakit parang sa nakikita ko ay parang lamay ang mangyayari?"

"Hindi po ganon Mama. Naguguluhan lamang po ako."

"I understand. Mahirap talaga ang pag-aasawa pero mahal mo naman ang anak ko at kita kong mahal na mahal ka rin nya. Alam kong hindi ka nya pababayaan at sigurado akong papasayahin ka nya. Alam mo bang ikaw ang kauna-unahang ipinakilala nya sa amin? Ilang beses kaming nagpakilala ng babae sa kanya pero lahat 'yon ay tinanggihan nya dahil meron na daw syang ibang gusto." Mahinahon na pagkakasabi nya sa akin habang ikinukwento sakin 'yon. Sa mga sinasabi nya ay lalo lamang akong kinakain ng konsensya ko.

"Umpisa pa lang ay pinangarap na nyang maging abogado pero dahil sa alam nyang magdodoktor ka ay kumuha rin sya ng medisina. He choose you over his dreams. You are his priority. Kaya alam ko pag dumating na ang araw na kasal na kayo, alam kong magiging masaya ka dahil maiikasal ka sa lalaking mahal na mahal ka." Tama sya. Siguro ay magiging masaya rin ako dahil sa sobrang pagmamahal ni Vicmar para sa akin. Ngayon ay mas naging malinaw sa akin kung bakit si Vicmar ang dapat na piliin ko.

"May tiwala po ako sa kanya Mama. At gusto ko lang pong magpasalamat sa inyo dahil tanggap nyo ako. Kayo po ang nagparamdam sakin kung paano ang magkaroon ulit ng mga magulang." Sincere kong sabi sa kanya. This is one of the reason again. His parents really love. They treat me like thier own daughther. Sa kanila ko ulit naramdaman na magkaroon ng pamilya.

"You don't have to say thank you iha. I know that you will be a good wife and a good mother to your children because I can see that you know how to value something. You are such a independent and brave woman. At masaya ako dahil ikaw ang mapapangasawa ng anak ko." Sabi nito sa akin saka ako niyakap. Parang nararamdaman ko ulit ang yakap ni Mommy sa akin. Kahit sandali ay nabawasan ang pangungulila ko. Mom, Dad sana ay tama ang desisyon kong 'to at hindi ko sana pagsisihan sa huli. I want to finally get my peace.

"Hayy ano ba 'yan! Suge na iha sukatin mo na ang gown mo nagkakadramahan pa tayo dito." Natatawang sabi ni Mama kaya ngitian ko na lang sya at sinukat na ang gown. Pagkatapos noon ay nagpunta na kami sa Pastry shop. Nandoon na si Vicmar at hinihintay kami ni Mama.

"So how's your gown? Nagustuhan mo ba?" Tanong agad nito sa akin.

"Oo."

"Okay. Let's go inside for our wedding cake." Sabi nya at tumango na lamang ako sa kanya. Pagpasik namin doon ay nakahilera na ang higit sa sampung cake sample na pagpipilian namin.

"Here are best seller cake Mr.Argento. You can choose anything you want and if you have any suggestion pwede nyong sabihin sa amin para mailagay sa cake na gusto nyo. You can also taste each cake to help you decide which one will you take." Sabi sa amin ng mukhang may-ari ng Pastry Shop. Tumango lang naman kami ni Vicmar.