بسمة مدفونة في خيالي ~ضاقت أنفاسي ~

بارت 25

بارت 25

قبل وقوع الحادث بدقائق ...ناظرته بملامح معفوسه من الألم وهو يشتم ويصرخ ويصرخ ...قاطعه رنين جواله ....رد وبعدها زاد صراخه وانفعاله ...قفل الخط قبل ما يكمل المكالمة وهو يصرخ بجنون : انت وجراح مملكين على بعض ؟؟
من متى يا ابنة الكلب ؟!
انا فعلا الكلب الموية تمشي من تحت رجليني وانا المغفل !
صك على اسنانه بقوة من القهر وسرعان ما ضرب الدريكسون بقوة من البركان الي بداخله وبصراخ اعلى : من متى جاوبي!
ردت وهي مشوشه وهي تشوف قيادته للسيارة بجنون : قبل ما اسكن عندك
قاطعها وهو ما يشفي غليله الا دمها ودم جراح : لييييه يا رونق ؟!
كل هالمده وانا مثل الغبي ...اخخخ يالقهر
مطت شفتها وهي متأكده هذه اخر لحظاتها بالحياة من قيادته المجنونة وان وصلوا بالسلامة رح يشرب من دمها ...تكلمت بتساؤل من حال الدنيا نرضى لغيرنا الالم بس ما نرضاه لنفسنا : متألم ومتوجع من غدر ابنتك لك ....عمرك فكرت بالجازي الي خدعتها وانت مملك على ابنة عمك وهي المغفلة عايشة قصة حب مع الممثل العاشق الولهان ...سبحان الله دارت الايام حتى تشعر بنفس شعورها
قاطعها بغضب: يعني انتقام كل حركتك !
جايه تنتقمين من ابوك !
من ابووووك ؟!!
حسبي الله عليك من بنت عاقه !
حسبي الله عليك !
ما فيه وجهك حياء تدخلين المحكمة بدون احد من اهلك انت من وش مخلوقة
قاطعته وهي تشوف انهم قريب من البيت : ما كنت لوحدي وانا مو صايعه حتى اتزوج بدون اهل جدي وليد وفياض كانوا معي
كان اخر كلامها القشه الي قسمت ظهر البعير ...وبدون وعي التفت للخلف لها وبصراخ : وليييييييييد وفياض زوجوك
ناظرت رونق السيارة خرجت عن مسارها وبصراخ: انتبه السياااااااااارة
لكن بعد ما فات الأوان ......
بعد الحادث حست نفسها غابت عن الوعي للحظات لكن سرعان ما سحبتها يد بقوة ورفسها برجله : والله لتندمين يا ....
تكورت على نفسها من الالم ....والاصوات من حولها تصرخ : اتصلوا بالاسعاف ..
ما يمدي نأخذه بالسياره بسرعه
والله لاذبحها واشرب من دمها
رفعت راسها بتعب وهي تشوف عبود يحاول يفلت من يد العم ابو احمد ويضربها ...وسرعان ما فلت منه و نزل فيها طق !
ما هي قادرة تتحرك ....لحظات توقف الضرب وصوت غاضب : تتمرجل على اختك يا الواطي !
رفعت رأسها بشويش وهي تشوف نايف يطق عبود بقوة ....بدأت الناس تتجمهر وابو احمد بحده : خلاص فضحتونا ،
نايف نزل لمستوى رونق : تقدري تمشين والا احملك
ما سمع منها اجابه وبدون تردد حملها وتحرك بسيارته
...زفر بضيق من هاليوم كله مشاكل وصدمات ....ناظرها من المراية جسمها يهتز بضعف والظاهر انها تبكي ...متأكد ما رح يتركونها بحالها الا يطلعونها جنازة ... ما يدري كسرت خاطره وهو يشوفها بالضعف يحس هو السبب بدمارها ....كل العائلة تتوعد فيها !
كتم ضيقه ونطق وكأنه يتنفس من خرم ابره: رونق انا رح اجهز امورك وتسافرين عند امك ومعك قدر لأنه هنا ما اضمن تكوني بسلام
ما لقى منها اجابة ....غير اهتزاز جسمها !!!!!
*
**
**
عبود كان واقف مع جده ابو احمد ينتظر ابوه و هو عارف انها معه ...يبغى بس يلقنها ضرب حتى تقول خلاااااص !-
انصعق وبهتت ملامحه وهو يشوف سيارة ابوه ...وبدون وعي صرخ باعلى صوته وكأنه صرخته رح توقف القدر :يبه
وبسرعة ركض للسيارة وقلبه يدق بقوة خايف على ابوه ....السيارة كانت معدومه ...بصعوبه قدر يطلع ابوه بمساعدة بعض عيال عمه الي طلعوا على الصوت !
ابو احمد توجه للباب الخلفي وبصعوبه فتحه ....اخرج رونق ووضعها على جانب الطريق وهي فاقده الوعي ...لما شافها عبود ثارت فيه النيران وهو يشوف ابوه فاقد للوعي ...هجم عليها وعقله ما يبغى الا يطلع روحها ويرتاح منها ...عمره ما كره احد مثلها!
لكن تدخل نايف خرب كل مخططه ...