احلام مراهقه>~<✌

39

لاحقه اخوها وبتقول :سونار اسمعني بس ....
سونار  اتلفت عليها وقال:اسمعك ....اسمع شنو ...يارا كلامي واضح عايزه تمشي ليهم تنسي عندك اخو .....قال كدا واتحرك ........
بقت واقفه في مكانها  وعيونها دمعت .....
جاء بتجاها وختي يدو في كتفها وقال :يارا
نفضت يدو وقالت :مااسمي ....كلو منك  ..منك انت ....
احمد:يارا اسمعيني ...والله ماكنت عارف انو واقف ورانا ....يارا معليش ...
يارا قشت دموعي وقالت:ماتعتذر ولاشيء ...انا الغلطانه لاني كلمتك ووثقته فيك ......قالت كدا ومشت .....
احمد بقي واقف في مكانو ومالحقها ....حسي بي الم في نفسو لانو كان السبب في دموعها ....
وبي جااي ...................
شايل مفتاح  العريبه وعايزه دورها كدا ....جاء علي وقال:شنو ياسونار ....يعني عايز تمشي من دوني.... قال كدا وركب جنبو .....
سونار ختي راسو في دركسون  وسكت ....
علي ختي يدو في ظهرو وقال:سونار انت البتعقد الامور ....مافيها شيء اذا مشت وجات راجعه ...
سونار رفع راسو وقال:علي انت مافاهمني ولاحتقدر تفهمني ....
علي:لي مافاهمك ....فاهمك ونص وخمسه ...خايف انو اختك ماترجع ليك تاني!...صح
سونار:مابوثق فيهم مابوثق في الناس ديل ....لي كل السنين دي ماجابو خبرنا ...الاهسي ....دي اختي يا علي ....واخر شيء بقي لي ...ماعندي غيرها ...مابقدر افرط فيها ياعلي .....
علي :انت اهدي ياسونار .....واسمعني ....بس خليها تمش لي حبوبتها وتشوفها ....بس عشان خاطري ياسونار خليها تمشي تشوفها .....
سونار عاين لي علي وقال:كويس
علي حضنو وقال:ايوااا كدا ...دا ياهو سونار ابو قلب ابيض ....
سونار ابتسم وقال في نفسو "عارف اني خليتك تبكي بس والله خايف يايارا ....خايف ياخدوكي مني ....انتي كل شيء بالنسبه لي "
علي هزا يد سونار وقال:سرحته وين يا سونار ....
سونار:معاك ...معاك ......
علي :يلا خلينا نمشي اشان مانتاخر عل المحاضره ...
سونار:اوكي ....قال كدا ودور العربيه ومشو....
وبي جاي .....................................
كانت يارا راقده في السرير وبتبكي  وتقول:ماعارف اعمل شنو .....بس مستحيل اخسر اخوي اشانهم ...بس هم....قالت كدا وسكتت....
دقايق وسمعت تلفونها بضرب  ...رفعت راسها وقشت دموعها .......
عاينت للمتصل وقالت في نفسها"دا ماوقت انت كمان ...الفيني مكفيني " قالت كدا وختت التلفون ورقدت ...بس لما الاتصالات كترت .....ردت وقالت:الو...
جاسم:اه يارا ...لي ساعه بدق ....لي مابتردي ..
يارا:جاسم التلفون كان بعيد .....
جاسم :يارا انتي كويسه
يارا:كويسه ..
جاسم :بس انا حاسي بي صوتك دا متغير في شنو
يارا:قلت ليك كويسه ....خلاص ....
جاسم سكتت شويه ....وقال:يارا
يارا:نعم
جاسم:عارفك مستحملاني وضاغطه عل نفسك ....اسفه اني ازعجتك من صباح .....بس ممكن طلب اخير....
يارا اتأثرت ماعرفت تقول شنو ...بس كانت مضايقه اشان كدا ردت ليهو كدا ....
جاسم لما مالقي رد قال :يارا تعالي الساعه 3 في نفس المكان بتاع المره الفاتت ......ماتخزليني ....انا بنتظارك ...قال كدا وغفل  من دون مايسمع ردها ...
ختت التلفون في السرير وتمحنت ماعارفه تعمل شنو ...من جهه اخوهو الحاصل من جهه جاسم ....
في مكان  تاني  وتحديدا في بيت ناس ايهاب .....
ايهاب  صحي وكان نازل براحه براحه في السلم لانو ماكان لابس نظارتو ......
اخوهو من شافو جاء عليهو ورفع يدو ولبسو النظاره وقال:كدا احسن صح.....
ايهاب هزا راسو بس ......
مزمل  مسكو من يدو واتحرك بس ايهاب واقف مكانو وابي يتحرك ....
مزمل:عارفك بتفكر في شنو......ابوي مافيش ...
ايهاب استغرب ...واتحرك وراهو .......
امهم من شافتهم الاتنين جاين عليها قالت:صباح الخير حبايبي الحلوين
ايهاب مارده وقعد ....بس مزمل رده وقال:صباحو نور .....
امهم عاينت لي ايهاب واتحركت بتجاه البتوجاز وكبت الشاي ....ختت كبايه لي ايهاب وكبايه لي مزمل ...
قعدت قصاد ايهاب وقالت:عارفاك ياولدي قلبك ابيض ...البتعملو دا كلو تمثيل بس ....وابوك ....
من قالت ابوك ايهاب طوالي وقف ......مزمل مسكو من يدو وقال :اقعد واسمع للاخر .......
ام ايهاب:ابوك انت ماعارف عنو حاجه ...ابوك بحبك اكتر من روحو .....بس انت مافاهم شيء
ايهاب ابتسم وقال :قلتي بحبني ....ماشفت شيء من الحب البتتكلمي عنو دا ......
ام ايهاب:حقك تقول كدا  لانك مافاهم شيء ... اخدت نفس   وقالت :ابوك ياايهاب  مريض نفسي ....مصاب بمرض تعدد الشخصيات .....فاهم شنو يعني  تعدد شخصيات .....ايهاب ابوك عيان ....
ايهاب بقي مصدوم وحاسي كل شيء بدور حولو من صدمه ......بلع ريقو وقال بي رجفه:امي  انتي بتقولي في شنووو....كيف يعني ....
ام ايهاب ودموعي  في عيونها قالت:قبل ماانت تجي عل دنيا وقبل  مااعرف ابوك كان عندو اخو تؤم اسمو عبدلله .....بس  حصل حادث وانقتل قدام عيون ابوك ...كان عمرو الوقت داك 16 سنه ....ومن الوقت داك جاتو  الحاله دي ....وتتغير تصرفاتو ...عرضوهو عل دكتور وبقي متابع معاهو وبقي احسن ....قالت كدا وسكتت....
ايهاب بقي كلام امو يتردد في راسو وبحاول يستوعب البتقولو ......قال في نفسو "يعني ابوي كان مريض نفسي ....بس بس كيف ....مش قالت اتعالج "
عاين لي امو وقال :امي اذا اتعالج كيف .....لي...
قاطعتو امو وقالت :رجعت ليهو الحاله تاني  ياايهاب من بعد ولادتك انته .....ابوك مابكرهك بس مابيدو ...ياايهاب ابوك كل ماتجيهو  وياذيك بي شيء قاعد يتالم ياايهاب .....بس انت ماكنته  حاسي بي شيء ياايهاب ......وبعنادك  ابوك حالتو زادت سوء ....
ايهاب وقف ورجع لي ورا وعيونو  مدمعه قال :يعني انا السبب......قال كدا وطلع .....
امو بقت تكورك ليهو واخوهو  جرا وراهو اشان يلحقو  بس ايهاب اختفي........
ايهاب في نفسو "انا ظلمتك وكرهتك ..... وانت وانت...قال كدا وبقي يبكي بي حرقه .....
وبي جاي في بيت ناس فهد ........................
جرس البيت رنه ......وامهم كانت في المطبخ ،قامت كوركت لي اميره اشان تفتحو .....
اميره:كويس ياامي ماشه ....
اميره في نفسها"دا منو دا جاينا دا " قالت كدا وفتحت الباب ....وكانت الصدمه عمها عمر ...بقت تعاين ليهو مستغربه لانو مامن عوايدو يجيهم ...واصلا هم ماكان عندهم احتكاك  كثير بيهو....
عمر:يعني  ماحتقولي لي اتفضل ....
اميره هزت راسها وقالت:معليش عمو ...اتفضل ....
امها من المطبخ :منو يااميره الفي الباب .....
اميره:دا عمو عمر ياامي
امها من سمعت كلام  بتها ختت الفي يدها وطلعت ...
عمهم عمر من شافها جاء عليها وسلم .....وامهم مستغربه شديد من جيتو .....
عمر:عارفكم مستغربين من جيتي بس لازم اوضح حاجات كثير اشان كدا جيت ......
ام فهد :اتفضل اقعد ...قالت كدا وكملت كلامها وقالت :امشي يااميره جيبي  الشاي .....اميره مشت وامها قعدت مع عمهم ومنتظراهو يتكلم ......
عمر:والله يا مريم انتي زي اختي سعاد يشهد الله ...والعملو  اخوي فيكي ماكانته راضيهو  والله عالم ...
قاطعتو وقالت:ياعمر  اخوك صفحه وطويتها من كان فهد عمرو 6 سنه .....
هزا راسو وقال :عارف ماساهل المريت بيهو بي سببو ...بس عايز اقول ليك شيء واسمعيني لي النهايه .....ومااشان اخوي وعايز ابرر ليهو ..بس دي حقيقه ولازم تعرفوها.....اخوي انسجن يامريم وماكان عايزني اكلمكم  ....هو مااتخلي عنكم ....بس بي سبب السجم الكان بشربو  ماكان واعي ...والله ماعارف الحقيقه شنو بس لقوهو  ولقو واحد مطعون قدامو......
مريم انصدمت من سمعتو .....ماقدرت تنطق بي حرف ........
عمر:اخوي انسجن السنين دي كلها بي سبب الحصل دا .....وهسي وقت مرق كان فرحان وعايز يجيكم ويعوضكم ويشرح ليكم ....بس ...قال كدا وماقدر يكمل لانو دمعتو جرت ........
اميره كانت واقفه مصدومه ........
وهم كدا فهد نزل من شاف عمو قام مشي بي سرعه بتجاهو وقال:انت جابك شنو .....ماكفايه العملو اخوك فينا ......
امو مسكتو من يدو وقالت :عيب يافهد البتقولو دا ...
عمر:اسمعني ياولدي واقعد عايز اقول ليك شيء ...
فهد :ماولدك انا ....وماعايز اسمع منك شيء....قال كداوطلع ...........
فهد في نفسو "كلو بي سببك بي سببك انت وبس"
قال كدا في نفسو  وبقي ماشي .........
وقف جنب مبني .....ابتسم بنكسار لانو المبني دا اكثر ماكان برتاح فيهو ....وبطلع فيهو الامو .....
دخل وكالعاده كانت وجهتو الطابق التاني ...بس وقف لما سمع  صوت فوق .....بقي ماشي براحه   لحدي ماطلع وانصدم لانو اول مره يشوف ايهاب كدا ....
كانت يدينو بتكب دم ولسه مستمر في البعملو ....
جري عليهو وقال :انت مجنون .....ايهاب دا شنو البتعملو دا ......
ايهاب ودموعو عشره عشره قال:اااي مجنون ....انا مجنون لاني كنته بعاملو كدا وماكنته حاسي بيهو ...مجنون لاني كرهتو ......قال كدا وبقي يبكي ..
كان كلامو طالع من قلبو ...
فهد مسكو وقعدو في الارض وقعد جنبو .....وبقي بهدي فيهو ....لحدي ماهدي ....
ايهاب بقي يحكي لي فهد  لانو واجعو......فهد بعاين لي ايهاب وكل ماايهاب يقول شيء ....فهد بقارن بين ابو ايهاب وابوهو .....كأنو في شيء جواهو بدي يصحي  وينبهو لي شيء هو كان غافل عنو ....
فهد وايهاب متشابهين في كل شيء تقريبا ...كانهم وجه لعمله واحده ....حتي معاناتهم كانت واحده ....
وبي جاي  عند يارا .............................
عاينت للساعه وكانت الساعه 11 ونص .....
قالت في نفسها "لسه الوقت ....بس ياربي امشي ولا لا ....."قالت كدا ووقفت وقالت :حاكلم قدير...
مشت لي قدير ولقتها ماسكه تلفونها ......قالت :قدير
قدير رفعت راسها وقالت :يارا .....تعالي ....
يارا قعدت جنبها وقالت:قدير انا ماعارفه ...
قدير:في شنو يايارا قولي ...
يارا اخدتت نفس وحكت لي قدير ....
قدير:يارا ماتمشي ماشايفه الوضع كيف ...
يارا:قدير ماعارفه ...بس حاس بيهو مكسور شديد
قدير:يارا انت بتحبي توقعي نفسك في المشاكل ....واذا من الاول مقرره تمشي ....لي جيتي حكيتي لي ...
يارا:قدير ...ماعارفه والله ماعارفه ...
قدير:انتي بالجد مجنونه .....قالت كدا وسكتت شويه وقالت:خلاص امشي شوفيهو  داير شنو  وتعالي بي سورعه ....واذا عايز يلف جاي وجاي ويقنعك بي حبو وقفيهو في حدو فهمتي ....
يارا هزت راسها وقالت :فهمتا....
قدير:الساعه كم
يارا:شنو الساعه كم
قدير:يابت انتي مجنونه ...قصدي حتمشي الساعه كم يارا :الساعه 3 ...
قدير :اممم مافي زول بكون في البيت .....بس ماكل مره بتسلم الجره ....يارا اخدي بالك ....واذا حصلت حاجه ...انا لاشفته لاسمعتا ....
يارا:انتي بتخوفي فيني ياقدير...
قدير ضحكت وقالت :اااي ...لازم اخوفك ....
يارا :×_×
قدير:ماتخافي هااا كنت بهظر معاك ....حاغطي عليكي اذا في زول حسي ....وانتي امشي شوفي السوري دا داير شنو......
يارا :اوكي ...
مره الوقت سريع  وجات الساعه 3 .......
يارا كانت لابسه عبايه .....وقفت جنب المرايه وقالت:حاوقفو عند حدو المره دي ...
وهي بتتكلم دخلت قدير وقالت بي ضحكه:انتي جنيتي بتتكلمي مع نفسك ....
يارا اتلفت عليها بي خلعه .....
قدير:ماتتخلعي فيني واطلعي قبل ماتتاخري .....
يارا شالت شنطتها وجات طالعه ....بس قدير وقفتها وقالت :اخدي حذرك يايارا ...
يارا هزت ليها راسها وطلعت ...........
طول الطريق كانت بتفكر او بتحاول تصل لي  هو قال ليها تعالي .....
وقفت جنب باب المحل واخدتت نفس قبل ماتدخل ....ودخلت .....بقت ماشه  بين الطاولات لحدي ماوصلت  ليهو .....
هو كان مدنقر  من حسي في زول واقف جنبو رافع راسو وشافها .. .....
يارا عاينت ليهو وقال :جاسم قول العندك ...
جاسم وقف وقال :يارا اسف لان فرضته نفسي عليكي .....وعارفاك مابتحبيني بس اعمل شنو قلبي الحبك .....قرب منها وهي رجعت لي ورا ...ومن دون مقدمات حضنها وقال"اسف "
هو ماراعي للمكان او زمان ....وحضنها ....كانو مافي غيرهم في المكان .....
يارا بين متفاجا ومصدومه  بس في نفس الوقت بي سورعه اتمالك نفسها ودفرتو وقالت :جاسم دا الشنو العملتو دا .....
مارده عليها وقرب منها تاني ...وهي رجعت لي ورا ...
عاين ليها كانو عايز يملي نفسو بي شوفتها ...بس نظراتو كانت نظرات زول مودع .... جري يدها وختي فيها شيء  وقمضها ليها وقال:خليها زكري مني ...وطلع ...................
بقت واقفه في مكانها ....عاينت ليهو لدقايق لحدي مااختفي ونزلت نظرها لي يدها وفتحتها ....وهنا فتحت عيونها بي صدمه وقالت :صليب!!!!....قالت كدا وطلعت وراهو ...........
بعد طلعت  كانو في اتنين قاعدين في طاوله ......
واحده قالت لي تانيه :شفتي الانا شفتو!!؟
ردت عليها وقالت:اااي شفته...
ردت عليها وقالت :وااااي انا منهم ...كانو مشهد من فلم هندي .......يالله ...اموت انا ولا اتقلب عنكبوت ..احي انا ....ماشفتيها عامله كيف ولا عيونا لونها كيف ....
اتلفت منها وقالت :بليز ماطمعتيني بيهم +_+
ردت ليها:بالله عليك الله  ماحلوين ....يالله واحد زيو  يالله .....
اخدتت نفس وقالت:الحمدلله بس ....البوره بتعمل اكثر من كدا ....
يتبع..............................................

و اهو نزلت  بارت تاني  اهي اهي ...والله من حماسي بس نزلت ....مع اني كنت قايله انكم مليتو منها وكذا .......بس اوكي ♥ حنكمل رحلتنا الطويله مع روايه احلام مراهقه ...
ماملاحظين الليله نزلتا بارتين ....هههه مااشتريت تلفون لسه او تلفوني لسه ماوصلني ....المهم  المره دي جاده جدا ...حكمل اسرع من كل مره ♥
وسي يو ان شاءلله بالبارت الجاي .....