آلَعٌشُقُ وٌرطِةّ

البارت الثامن والعشرون

علي :...........

ام نادين ببكاء :طمني يا ابني انت بخير متقلقنيش عليك كفاية بنتي

علي :............

اسماء :انا خايفة يا خالتو يكون جراله حاجة

نظرت لها خالتها و لا تعلم بماذا تجيب

اسماء:لو سمحت يا استاذ علي اتكلم انت كويس

فجاءة انهار علي في البكاء بشكل فظيع كأنه طفل صغير

اسماء :حضرتك بخير

علي ببكاء :لو أحمد جراله حاجة انا هموت وراه هو كل عيلتي احنا ملناش غير بعض

اسماء بتعاطف معه :خير انشاء الله دا حتي ربنا بيقول (عسي ان تكرهوا شيئا و هو خير لكم) صدقني ربنا حنين اوي و رحيم بينا جدا تأكد ان اي حاجة وحشة تحصلك في حياتك ليها حكمة و فيها خير حتي لو انت شوفتها وحشة في الاول بعد فترة بتشوف اد ايه اللي حصل وراه خير ليك

ابتسم لها علي من وسط دموعة :متشكر اوي الكلام معاكي مريح جدا يا انسة اسماء

اسماء :لا شكر علي واجب يا استاذ علي حضرتك انسان محترم و تستاهل كل خير

ظل علي ينظر لها في عيونها و هي خجلت كثيرا من هذه النظرات و لكن قطع هذه النظرات خروج الطبيب من عند أحمد انتفض علي من مكانه

علي بخوف :حالته ايه

الطبيب :والله ما عارف اقول لحضرتك ايه بس الحالة مش سهلة و الرصاصة قريبة جدا من القلب لازم يدخل العمليات حالا

علي بصدمة:و العملية مضمونة

الطبيب: الله اعلم بس احنا هنعمل اللي علينا ادعيلوا انت بس و احنا هنجهزوا للعمليات حالا

ثم تركه الطبيب ورحل

جلس أحمد مكانه بعيون مدمعة:يا رب انا ماليش غيروا متحرمنيش منه

اسماء ببكاء :خير يا استاذ علي انشاء الله ربنا يقوموا بالسلامة

الام ببكاء:عيني عليكوا و علي شبابكوا بنتي الله اعلم جرالها ايه و الواد الغلبان مرمي جوه ربنا اعلم بيه اااااه يا رب ماليش غيرك يا رب متحرقش قلبي علي بنتي و رجعهالي بالسلامة و اقوم الغلبان اللي جوه يا رب ثم زاد بكائها كان بيدافع عنها مالوش ذنب عشان يموت كده

اسماء وهي تحتضن خالتها : اهدي لو سمحتي خير انشاء الله الاستاذ أحمد هيقوم بالسلامة و نادين انشاء الله هترجعلنا بخير وانت يا استاذ علي مينفعش كده لازم تكون قوي عشان تقدر تقف جنبه في محنته

علي :معاكي حق ثم بكي بس صدقيني مش قادر أحمد ده احن انسان في الكون كله بس الدنيا واللي شافوا فيها علموه يكون قاسي يتعامل مع الناس وحش لانو شايف كل الناس خاينة وممكن يطعنوه في ظهره فلازم يكون دايما منتبه للحواليه وواخد حذره منهم و ميسمحش لحد يتمادي معاه و عشان كده هو وحيد و مالوش اصحاب

اسماء :هو بين ايدين ربنا دلوقتي و اكتر حاجة هتنفعوا هي الدعاء و قوم اتوضي و صليلك ركعتين و ادعي ربنا يقوموا بالسلامة

ابتسم لها علي ثم قام واتجه الي الحمام توضئ ثم دخل الي مسجد المستشفي نظر علي حوله بإستغراب من نفسه فهو لم يدخل مسجد منذ اكثر من عشر سنوات لماذا اصبح هكذا منذ موت والده وهو بين البارات و النساء ذهب علي و بدأ صلاته و اثناء صلاته كانت دموعه تغرق ووجهه و كان يدعي لأحمد كثيرا انهي علي صلاته ثم اتجه الي السوبر ماركت بجانب المستشفي ليحضر بعض العصائر لاسماء و خالتها (المعفن بدل ما يجيب عشا😁)

~~~~~~~~~~~~~

عند شريف وزين

شريف :انا مش مطمن الناس اتأخروا اوي كان المفروض يجوا من ساعتين

زين :يا ابني متوترنيش بقي زمنهم جاين دلوقتي بس قولي هتعمل ايه لما يجيبوا نادين

شريف بذهول:مش عارف

زين بصدمة :نعم يا روح امك انت مخليني ااجر ناس تخطفهالك من عند أحمد الاسيوطي اللي ممكن يعلقنا انا وانت و الدبان الازرق معيرفلناش طريق و في الاخر تقولي مش عارف لأ يا خويا انت لازم تعرف

شريف :طب أعمل ايه ما انا مش عارف إيه رأيك اخدها و اهرب بيها علي اي محافظة تانية

زين بغيظ :محافظة مرة واحدة طب ما تستخبوا في الحمام احسن

شريف :انت بتهرج يا زين

زين :لأ يا عين امك ان اللي بتهرج محافظة ايه اللي عايز تهرب فيا ان كمان بقولك دا أحمد الاسيوطي يعني انت لو في بطن امك هيجيبك

شريف:طب انت منبهتنيش ليه قبل ما اخد الخطوة دي

زين بتهكم :اصلي افتكرت البعيد بيفهم مكنتش اعرف انك غطا حلة

شريف :زين اتلم احسن اقسم بالله اكسر عليك المكتب انا مش ناقص لأني علي اخري اصلا فاهدي كده

زين :اديني هديت و بعدين هتروحوا فين يا ابني

شريف :ايه رأيك اخدها اخبيها في بيت جدتي

زين :امان ده

شريف :من يوم ما ماتت و محدش بيدخلوا يعني بقالوا حوالي سنتين كده

زين :طب كده تمام

شريف :طب كلم الناس اللي انت مأجرهم دول شوفهم وصلوا لفين اتأخروا اوي

اخرج زين هاتفه و اتصل

زين :ايه يا عم انت فين اتأخرت ليه

شريف بصوت هامس افتح الاسبيكر

الرجل :شوف بقي يا برنس احنا مكناش نعرف انها بنت ناس مريشين اوي كده فالقطة معانا دلوقتي عايزها يبقي تدفع 3مليون جنيه و صحيح ابقي سلملي علي سبع الرجال لو طلع عايش ثم اغلق الخط في وجهه

نظر كلا من شريف وزين الي بعضهم بأعين متسعة

¤¤¤¤¤¤¤¤¤¤¤¤
انشاء الله استنوني يوم 28 هنزل بارتين واي وقت هكون شاحنة كارت هتلاقوني بنزل بارت و انا يوم 17 منزلتش لان النت بقي ضعيف اوي وانا نزلت اعتذار وقولت اني هنزل يوم 28 بس واحدة صحبتي قالتلي انو منزلش و انا من شوية نزلت قولت اني هكتب بارتين يوم 28 بس مش عارفة وصل و لأ لو وصل قولولي في الكومنتات