آلَعٌشُقُ وٌرطِةّ

البارت الثاني عشر 2

شعرت نادين بالخوف منه وهزت رأسها بمعني نعم

تركها أحمد ورحل وكانت نادين عينها تدمع علي حالها وما وصلت إليه كانت نادين تشعر بالجوع فحاولت النزول من علي السرير لتحضر اي شئ تأكله عندما لمست رجل نادين الارض احست ان الالم قد خف كثيرا و خرجت من الغرفة ولكنها تفاجئت من هذة الشقة الجميله وظلت نتجول بها الي ان وصلت للمطبخ وهناك فتحت فكها حتي كاد يلمس الارض من الذهول ما هذا الجمال اهذا مطبخ ام ريسبشن فندق ثم تجولت بداخله لتجد شئ تأكله

~~~~~~~~~~~~~~~

عند شريف و زين انهوا محاضراتهم وخرجوا من الكلية

زين :انت مش هتروح تشوف شركتك اللي انت اهملتها بقالك فترة دي

شريف :والله المفروض اروح النهارده علشان اعمل انترفيو للموظفين الجداد بس ماليش نفس مش عايز ادخل مكان في اي ذكريات لنادين

زين :شريف مينفعش كده انت كده مستقبلك هيضيع انت لا مركز في شغل ولا مذاكرة والامتحانات فاضل عليها شهرين ونص لازم نشد شوية

شريف :هحاول يا زين يالا عايز حاجة

زين :سلامتك
~~~~~~~~~~~~~

في المساء عند نادين وأحمد

دخل أحمد المنزل في المساء ولكنه عندما دخل تفاجئ من هذه المختلة ماذا تفعل

كانت نادين تضع علي طاولة الصالون الغالية مكرونة بشاميل وبطاطس وجاتوه و كنافة وبسبوسة وكانت تأكل وهي تشاهد مسلسل تركي رومانسي ومندمجة للغاية وكان البطل يقبل البطلة ويوصف لها مدي عشقة ونادين جالسة تكاد تبكي من الفرح وكأن البطل يقول كلمات عشقه لها هي وكان

كل هذا وأحمد واقف رافع حاجبه علي هذه المختله ماذا الذي تفعله ومن اين اتت بهذا الطعام

أحمد :نادين

نادين :.............

أحمد :نادين وهذه المرة علي صوته مما جعل نادين تنتبه له

نادين بغضب لانه قطع عليها المشهد :إيه عايز إيه هو ده وقتك

أحمد :نعم... وبعدين انتي متنحة في الراجل كده ليه هو بيقولك الكلام ده ليكي ولا إيه وبعدين دا حتي مالوش منظر

نادين بعصبية وكأنه غلط في احد اقاربها :لأ عندك مسمحلكش انت تيجي إيه فيه اصلا

أحمد :ليه مين يعني

نادين :دا بوراك دينيز فتي احلام %99من بنات مصر

أحمد :طب سيبك منو دلوقتي جيبتي الاكل ده منين

نادين وهي تأكل المكرونه :مجبتوش انا كنت جعانه فدخلت المطبخ لقيت المكونات بتاعت المكرونة بالبشاميل فعملتها والباقي بقي كان موجود في الثلاجة

أحمد وبدأ لعابه يسيل من الرائحة والمنظر لأنه لم يأكل شئ طيلة النهار :انا داخل اغير هدومي
دخل احمد ارتدي بيجامة سوداء وخرج جلس مع نادين ووجدها مازالت تأكل

أحمد :أحم نادين هو انتي مش هتنامي

نادين: لأ انا بسهر

أحمد :انا معنديش الكلام ده يالا قومي نامي وكفاية اكل كده هتخلصي صنية المكرونة قصدي ييعني مش هتعرفي تنامي ومش صحي تاكلي كتير قبل ما تنامي

نادين :يوه بقي انا قايمة اتفرج علي المسلسل في اوضتي ثم قامت ادخلت الاكل المطبخ ودخلت غرفتها

بعدما دخلت نادين غرفتها دخل أحمد المطبخ واكل المكرونة ولكنه عندما تذوقها اذبهل كثيرا انها جميلة جدا انهي أحمد اكثر من نصف الصنية التي تركتها نادين ودخل لينام

ولكنه اغتاظ كثيرا من نادين فقد كانت تشغل مهرجانات وتعلي التلفزيون ولكنه تعب منها وليس لديه طاقة للكلام معها فوضع الوسادة علي راسه وقال في نفسه :دي من اول يوم كرهتني في نفسي اعمل إيه معاها دي بني ادمة باردة ثم ذهب في نوم عميق
¤¤¤¤¤¤¤¤¤¤¤¤¤¤¤
استنوني بكره بليل ونجوووووم ورأيكم