المجهول 💗 ( روايات ليبية ) مكتملة

المجهول 2 ح 12

المجهول 2الحلقة 12
.
.
في حوش سعد :
حنين : سعددد وفااااء تعااااالواااا (جاء سعد يجري من فوق هو و وفاء لقى امه طايحة على الارض و جنبها حنين تبكي )
سعد : جبيبيي عبايتها بسرعة (جابت وفاء عبايتها و شالها سعد لاول عيادة) ، الطوارئ بسسسررعة
الممرض : من هناا لو سمحتت (خششوا ام سعد للطوارئ و قعدوا يفحصوا فيها )
الدكتور : متخافش هبوط سكر بس ردوا بالكم منها مرة ثانية لان مريضين السكر احتمال يخشوا في غيبوبة سكر وحيكون خطر كبير على حياتهم
سعد بتنهيدة : تمام ان شاء الله
الدكتور : ان شاء الله لا بأس عليها
سعد : الله لا يواريك بأس
.
.
حنين تبكي : 😭😭😭 قعدددت بلاااا اممم يا وفاء (وحتى وفاء قعدت تبكي اثرت فيها حنين )
وفاء : متفاوليش علييها يا حنين
حنين : شفففتتها كيفف طاحت ، ش ش شووفي سععد
وفاء: ح حاضر هي بنكلمه (وخدت فونها و ورنت عليه شوية و رد وحنين قعدت مركزة معاهم)، س سعد شنن صار معاك كنها عمتي
سعد : اطمنوا هبوط سكر بس واهو شوية و مروحين
وفاء : الحممد الله ياربي هي نراجوا فيكم
سعد : في امان الله
وفاء : في امان الله (وسكرت)
حنين : شنن صاار
وفاء :الحمد الله هبوط سكر
حنين : ووه الحمممد الله الحمممد لله
(بعد ساعة روحت امهم و حالتها كويسة و مشى باقي اليوم عادي)
.
.
في حوش مسعود :
.
مهند : قررت بنأجر شقة
امه : ليش ياوليدي زيادة مصاريف ؟
مسعود : صح انت عندك عيلة وبتاخد راحتك (مهند في عقله هههه صح بناخد راحتي وبناخد ثأري )
مهند : هضا هو وحتى مؤمن و مراد يبوا ياخدوا راحتهم
امه : دير يلي تبيه انت كبرت و تعرف مصلحتك
مراد ينادي: مهنند
مسعود : امشي شوف خوك
مهند : اهو نايض (وناض طلع برا لقى مراد مقعمز في الحديقة امتاع حوشهم )، ها
مراد : انت مزلت زعلان مني ؟
مهند : ههههههههههه انت من جدك تحكي ؟؟ قصدي سؤالك في منتهى الغباء صراحة واحد امداير لخوه سحر تي حتى الناس تكرهه لبال خوه
مراد : بس انا قلتلك عذري
مهند: سدين هيي خودها توا 👏👏 قدرت توصل يلي تبيه خلاص يا مراد سدين خودهااا وبعدين مش عذر اهوا راه 
مراد بعصبية : تيي شننن انديير نقتتللل روووحي عشان ترتاح الهم قلنا غلطنا (و مشى للسيارة وطلع جري طلعوا امه وبوه )
مسعود : شن في ؟؟
مهند : سوء تفاهم بس
رؤية : يا نهاااري طلع يججرري 😭😭
(مهند تنهد وركب لداره )
.
.في تركيا :
تالين : محمد يرن نرد عليه وانجيكم (وناضت)
وئام : خطيبها ؟؟
سمر : اها ليها شهر يمكن
وئام: ربي يتمم عليها بالخير
سمر : ان شاء الله
سهام : هي تفضلي (جابت الغداء )
وئام : نهاري ليش متعبات ارواحكن و انتي يا سهام تريحي
سهام : هالحااجة الكبيرة ، تالين وين ؟؟
سمر : تكلم في محمد تو اتجي
سهام : هي كولن
.
.
عند تالين :
محمد : من لقى صحابة نسى احبابه ولا شن ؟؟
تالين : 😂😂 لا والله بس نطلعوا معش نروحوا الا في الليل و مرة رنيت عليك مرديتش
محمد : المهم معش تعاوديها
تالين : حاضر
محمد : امتى مروحين ؟؟
تالين : مش عارفة ليش
محمد : بنحدد موعد العرس الشهر الجاي
تالين : عادي نص الحاجات حناخدهن من هنا اصلا
محمد : متكثريش على خوتك خودي المهم المهم والباقي بعد العرس ناخده ليك
تالين : تمام راه بنديره عائلي
محمد : في عينك عائلي امي قالت بديره كبير
تالين : عندها الحق وليدها الوحيد
محمد : و حتى انا محمد 😎
تالين :هههه يا ارض اشتدي ماحدا ادي، ينادوا فيا على الغداء
محمد : خلاص امشي  و غير رني مرة مرة
تالين : حاضر من غير ما توصي ، هي في امان الله
محمد : في امان الله (وسكر وهيا مشتلهن)
.
.
تالين : اهو جيت
سمر : كيف حاله وحال امه
تالين : كويسين يسأل امتى بنروحوا بيحدد العرس
سهام : كنه مستعجل
تالين : و وئام راه حتى انتي معزومة ردي بالك تغيبي وئام: ان شاء الله كان روحت
سدين : كم مزالك سنة
وئام : سنة و نص
سمر : ما لا انا مزالن 4 سنوات 😭😭💔
سدين : نقعد بدالك ؟😂
سمر : يا سامطة
وئام : سفرة دايمة ان شاء الله ،وكثر عليكم الخير
سمر : بوجودك ، هالحاجة الكبيرة و الله.
وئام : نهاري هي هدرزتكن بروحها تسد
تالين : امتى ما تكسدي تعالي راه الرجالة في شقة ثانية
وئام : ان شاء الله
.
.
عند الرجالة :
سهيب : وين خاطركم بتمشوا اليوم
سراج : خليه اليوم راحة و في الليل نطلعوا نتمشوا
آدم : فكرة
سامر : خلاص اقعدوا نمشي انشوفهن كان ناقصهن شيء و نتعرف على المكان
سهيب : خود راحتك بيناتنا اتصال
سامر : تمام (وطلع )
.
.
وئام : و الله هضك هو خلاص و بعدين وائل خليته بروحه توا تلقيه جنون الدنيا قدامه هههه
سهام : عاوديها مش تنسي
وئام : ان شاء الله حاضر
تالين : ايه وقولي ل خوك انك بكرا بتطلعي معانا بنبدأ اندبش راه
وئام: حاضرين وربي يتمملك على خير
تالين : ان شاء الله عقبالك
وئام : ههه لا مزاااال انا

سمر :متندريش على النصيب ❤
وئام : على كل هي سلام نتلاقوا
سهام : مع السلامة (وطلعت وئام وقفت قدام الاسنسير تراجي لان شقة سمر في الدور 7 و فجأة انفتح وقابلها شخص كان حلم بالنسبة ليها اما هو طلع وقف قدامها لسانه ثقل )
سامر : و وئام (نزلت رأسها)، اه آسفة عارف انك متزوجة بس مقدرتش نسكت بعد شفتك (و بعد خطوة )
وئام : سامر (تلفتلها)، انا م تزوجتش
سامر : و الراجل .(قبل لايكمل قاطعاته)
وئام : خوي
سامر : ولد عمك ؟؟
وئام : قصة طويلة
سامر : مزلتي ..(وقبل لايكمل )
وئام : واكثر من قبل 💔 (قعدوا يشوفوا لبعضهم شوية بعدين وئام ضعطت على بطمة الاسنسير بتنزل )، تأخرت فرصة سعيدة
سامر : عطيني رقمك لان مستحيل انضيعك ثاني و نبي نعرف قصة ولد عمك
وئام: تمام (عطاته رقمها وهو مشى فرحان لخواته و هيا روحت و مش مصدقة يلي صار كانت فاقدة الامل  انها تلقاه طلع من خواته ومشى للحديقة ورن عليها و هي بعد روحت لقت خوها طالع ورن سامر ردت عليه )
سامر :هضا وين ردت فيا الروح
وئام : قاعدة مش مصدقة ان تلاقينا من جديد
سامر : ربي سبحانه رحمته واسعة ،المهم هي احكيلي شن صار فيك في هالسنين
وئام : اييه ياما صاار
سامر: باهي احكيلي قصة ولد عمك
وئام : هلي عارفيني اني منبيشي بس هو اقنع بوي المهم درنا البيان و الفضانية وكل شيء جاء اسبوع العرس لبست البودري و جابوا الكسوة وقروا الفاتحة ويوم الخميس قاعدة مقعمزة يراجوا فيه امتى يخش جاء خوه قال دار حادث نكذب عليك لو انقولك موجعنيش المهم قعدت في حوش عمي بحكم اني مرته قعد اسبوع في غيبوبة و توفى بعدها رديت لحوش هلي
سامر : سبحان الله من قال اكيد كنتي فاقدة الامل
وئام : ولبست حتى الفيلو
سامر : الله يرحمه
وئام : آمين (وقعدوا يهدرزوا )
.
.
عند محمد :
سامية : شن مزالوا مش مروحين
محمد : على خوها توا
أسامة : باهي و العرس
محمد : قالت تو نشري من غادي
سامية : باهي امتى قررت
محمد : 9/4
سامية : يوم عيد ميلادك هههه
محمد : هههه كنت قاصدها
أسامة : رومانسية و جو 😂😂😂
محمد : عقبالك
أسامة : واتية
سامية : منن بسم الله ؟؟
أسامة : .......
.
.
#يتبع
#رواية_المجهول_2