المجهول 💗 ( روايات ليبية ) مكتملة

الحلقة 19 💗

المجهول 19
.
سهام : سراج لو سمحت محد يضغط عليا (لان قالت مستحيل آدم لان امه متوفية )
سراج : بس هو دكتور و كويس وسامر يعرفه وفي الاخير انتي حرة لو تبي يا فرحتنا لان ميتعوضش لو متبيش عادي هضا شيء راجعلك
(سهام في خاطرها حتى هو دكتور عليك قصة الهم )
سراج : اووي سهام وين رحتي
سهام : ا ا ا
سىراج : بكرا جاية امه شوفيها
سهام: ا ا ا مه !!
سراج : ايه امه ليش مستغربة
سهام: لاشيء تمام تو نفكر
سراج بفرح : هييي نوضي ارقدي ورانا يوم طويل بكرا
سهام : هههههه بالشوية خفف الحماس تندريش على النصيب
سراج : هههه هي وجك امشي ارقدي
الخير  : باهي وانت تلز شن وراك (سراج تلفت)
سراج : وراي وردة هو هو هو
سهام : بارد هي تصبح على خير
سراج : وانتي من اهل الخير
(ناضت سهام وهي تفكر هل يكون هو آدم ولا لالكن آدم امه متوفية وسراج قعمز قعد يتصفح في الفيس )
سهام : سمر
سمر : شن يبوا فيك
سهام : (حكتلها بالتفصيل )
سمر : الله مبرووك واخيرا بنفرحوا
سهام : مرات مش هو
سمر: ليش ؟
سهام: لان امه متوفية
سمر : انتي غامري وخلاص (وقطع كلامهن رسالة لفون سهام )
آدم : مش لازم نكونوا على علاقة عشان نخطبك سهام كلامك أثر فيا وبجد تعلقت فيك و عارف توا قاعدة تفكري هههه يلا ارقدي عشان تقابلي عمتي يلي هي في مثابة امي  وعيونك مش منفوخات عروستي الحلوة
سهاام تنقز : طللللع هووووووو ياسمررر
سمر تتقز معاها : مبروووووك مبروووك
سهام : مششش مصدقة الحمد الله
(رقدت سهام وهي تفكر في مستقبلها كيف حيكون مع آدم الشخص يلي عنده نفس احزانها او اكثر منها الشخص يلي قدر يهون عليها صدمات الحياة بكرا جاي يخطبها رسمي و من خوها تمنت امها تشاركها فرحتها و يجي يطلبها من بوها بس مش كل شيء نتمنوه نحصلوه وهكي تكون سهام رقدت على امل ان حياتها تتغير للأحسن بدخول آدم ليها )
.
ثاني يوم الساعة 11 :
تالين : الحمد الله اليوم مفيش محاضرات
سدين بصوت واطي : كان مشيتي راه حصلتي فطور هههههه
سمر : شن توشوشن
تالين بتغير الدوة: دونك للمطن راه ينحرق
سهام : لالا حولته ، اسمعن شن نلبس بعدين
(قعدن يهدرزن لعند جاء سراج وجاب الفواكه و الشكلاتة  )
سراج يتسهوك: شن المنيو امتاعكم اليوم
سدين : اممم شكلاتةة فيرو روشيه مع عصير فراولة طبيعي بعدها قهوة و تشكيلة حلويات بعدها الحار و شاهي لان هي اكيد عزوز تخاف على روحها من الهشاش هههههه بعدها فروت سلد بس
سراج : ان شاء الله ديما يجوا هههه
سدين : في بيانك ان شاء الله
سراج : ههههههههههه ان شاء الله عن قريب
سمر : اوووو تصريح قوي من دعيسة الحظ
سراج : سررررر مش توا هي كملن حاجتك مزال ساعتين راه هما بيجوا الخمسة
(البنات كملن حاجتهن وبدلن )
عند محمد في المستشفى :
محمد : شن يادكتور
دكتور : فيش اي تحسن
محمد : عادي نخشله
دكتور : عادي بس ..
محمد: هههه حافظ حافظ
دكتور : هههه تمام هي وان شاء الله ينوض بالسلامة
محمد : يااااااارب 
(خش محمد لأسامة وقعد يهدرزله وطلع )
محمد: دكتور
دكتور : نعم
محمد : أسامة من يزور فيه
دكتور : بوه وبعد وين يجي
محمد : تمام هضا رقمي لو صارت اي تطورات كلمني
دكتور : تمام
(طلع محمد واتجه للبحر وقعد يشكي ويعدي لربي وبعدها توضأ من مية البحر و صلى ركعتين وقعد يدعي لأسامة بعدها قعمز ويتذكر في تالين ويضحك )
محمد : اااااه لو تتكرر هالصدفة (وكان في راجل كبير في السن هو و ولده مقعمزين مش بعيد عنه قعد يشوفلهم ويتخايل لو كان هو بدال الولد وان بوه عايش ) الله يرحمك يا غالي (رن فونه لقاه امه ابتسم ورد )
محمد : ايوا
سامية : وينك يا وليدي انشغلت عليك
محمد : متنشغليش كنت عند أسامة وآهو مروح
سامية : هي نراجي فيك متطولش
محمد : حاضر هيي .
روح محمد وهو خاطره مكسور يراجي في معجزة من ربي تغير حياته اما في حوش ثاني الفرحة غامرته :
آدم: سامر أنا جايك ونبي أختك سهام و فيما سبق قلتلك أنا عجبتني لما جت مريضة للمستشفى ومنبيش وجيج علاقة وهك جيتك من الباب لو انت موافق وهي موافقة على بركة الله ولو متبوش الدنيا نصيبات وانت عارف امي متوفية وقلتلك جايب أمي لان الانسانة يلي جبتها هي فعلا كانت ام ليا (يحكي على عمته )
سامر : انت تعرف يا آدم ان خواتي أمانة ومنرضاش فيهن بزة شوكة وانت ولد ناس ومتربي
سراج : خلاص كبدي تمزطت من الرسميات انتم صحاب ولا خلاص ليش هضا كله
سامر : انا مش حنمشي معاك يوم تخطب باهي
.
.
في الداخل :
.
فاطمة (عمة آدم): يابنتي انا عمته وهو حكالي عليك وقالي اخت صاحبي فرحت وباين عليك خايفة من حاجة احكيلي متخافيش
سهام : ياعمتي انا تلقيت صدمات واجد في حياتي خايفة نزيد ننصدم
فاطمة : آدم حنون و انشوف فيه كيف يعامل في اخته حاطها في عيونه
سمر نخصت سهام : ان شاء الله حنفكروا ونردولكم الخبر قبل بنكلموا جديدتي ام امي الله يرحمها طلع عندها موعد اليوم
فاطمة : اهو انتن تكفن و توفن وبنات اصل مشاء الله عرف يختار آدم
سدين : السلام عليكم ، تفضلي عمتي (مدت سدين القهوة و الحلويات وفاطمة قعدت اتشوفلها وخلاص )
فاطمة : زاد فضلك مشاء الله الله يبارك
سدين : سلمك
(وجت تالين قعمزت وقعدن يهدرزن معاها وكأن يعرفنها من قبل )
فاطمة : ايه ولله ذكرتني ب بنتي
سهام : وينها
فاطمة : جوزتها الشهر يلي فات
سدين : شن اسمها
فاطمة : وفاء راجلها من عت ....
سمر : باهي مبروك عليها بهناها ان شاء الله
فاطمة : الله يبارك فيك قبل بنجيبها معاي بس عندها حتى هي بيان حماتها
سمر : مشاء الله ربي يدوم الافراح (شوية وسامر قال لسمر بيروحوا كلميها تطلع و بعد ما روحوا سهام مش مصدقة يلي صار )
سامر : لو موافقة بنكلم جدي و خوالي نخبرهم
سراج : ايه خليها بكرا أسألها
.
(فات شهر و سهام وافقت والبيان قبل العرس بشهر  وسدين تكلم في مهند كل يوم  وتالين قعد كل يوم بجيها فطور من #مجهول ومعاه رسالة و محمد يجي كل يوم يتطمن على صاحبه و مفيش اي تحسن ومروة و #المجهول الثاني يفكروا كيف حينفدوا الخطة وبفرقوا بين سدين و مهند )
.
في الكلية :
مهند يحكي لصاحبه : نحس في روحي ظلمتها هي مشاعر كانت عابرة
خالد : كيف عابرة و من سنين اااه
مهند : مش عارف هك معش نحس بشيء معاها وهي بدت تحس
خالد : بلكي لانك مضغوط هضا عليش
مهند : تي شن دخل هضا في هضا انا بديت نكرهها
خالد : مفيش حل الا انك تخبرها
مهند : منقدرش حنمثل مرات نتغير
خالد : يلي يريحك هي انا مروح
مهند : هي حتى انا
.
.
عند محمد :
سامية : مممحمد يا محممد
محمد : نعمم
سامية : تعالى فونك يرن من بكري
محمد : من
سامية : غير تعالى رقم
محمد : جاي (محمد كاين يصلح في الشيشمة و امه في الصالة ) ، الو  أ أ أ سااامة جااي هييي
سامية: وين ماشي
محمد : أساامة يا أمي
سامية : كنه !!
محمد : ....
.
#يتبع
ماذا ينتظر آدم و سهام ؟
ماذا حدث لقلب مهند وكيف ستستقبل سدين الصدمة؟
وفاء هل ستلتقي برقية ؟؟
أسامة مالذي حدث له؟
#رواية_المجهول
#rwayat_br0o