المجهول 💗 ( روايات ليبية ) مكتملة

المجهول 2ح4

المجهول 2 الحلقة 4
.
.
وبعدها يسمعوا في تخبيط من الدار يلي فيها مروة كلهم مشوا يجروا بعد فتح يوسف لقى مروة راكبة فوق الكرسي وتعيط من الصرصور ( العدو يلي متفقين فيه 90% من الإناث )
مروة : اقتتله و النبييي 😭😭
يوسف : ان شاء الله التخبيط هضا كله عشانه
مهى : يامااااامي جاني (وهربت )
نجاة : اقتتتله
يوسف : اهو قتله ها وانتم خايفين منه ، هاك ديريلي بيه شربة 😂
نجاة : حووله من قدامي حوول
مروة : طلعووني والنبي نبي انشوف بنتي😭😭
يوسف : نعم نعم مسمعتش
مروة : حراام عليكم و الله
يوسف : ههههههههههه غير تعالوا اسمعوا من يتكلم في الحلال و الحرام ، اصلا لو انتي تعرفي الحلال والحرام راه مدرتيش يلي درتيه
نجاة : خلااااص اسكتواااا ، وانتي خشي لعند بوك يجي وانقوله
يوسف : بس يا أمي ...
نجاة : انت اسكت انا وبوك حيين محد يتدخل في خواتك فاهم
يوسف : اصلا ما خربهن الا الاسلوب هضا (وطلع )
نجاة : واننتي خششي جوااا
.
.
عند التوأم :
.
سدين: كساااد
تالين : فوق الكساد هففف
سدين : شن رأيك نكلموا سمر على السكايب
تالين : و الله فكرة من لما عدت معش كلمناها
سدين : هي اهو يرن ..
تالين : شكلها طالعة ومخليا الفون في الحوش
سدين : شكلها ، باهي شن رأيك انديروا عزومة لخوتك
تالين : كيف !
سدين : انديرولهم حاجة مسقية و موالح و سلطات
تالين : فككرة هي نوضي البسي نمشوا لمول ... انجيبوا الحاجات الناقصة
سدين : هييي 👏 (لبسن و مشن للمول وخدن الحاجات الناقصة و روحن )
تالين : شن رأيك انديروا رشدة بالبصلة و محشي و طاجين دجاج و بوريك الجبدة و خبزة محشية شاورما
سدين : تمام و معاهن سلاطة بابا غنوج و سلاطة الفرنسية
تالين : وكان لحقنا انديروا حاجة حلوة
سدين : لالا توا بندير اتشيز كيك ونحطه في الثلاجة مرة وحدة
تالين : تماام ، شن رأيك انكلموا سهام اتجي اتغدا
سدين : امشي كلميها ما بين مادرت التشيز كيك
تالين : هي (مشت تالين تكلم في سهام و سدين ادير في الحلو )
تالين : الو
سهام : باهي يلي تكرمتي واتصلتي
تالين : هههههه عادي مرة مرة الواحد يغلط
سهام : خزي
تالين : شن رأيك اتجي اتغدي عندنا اليوم
سهام : اليوم منقدرش لا بنمشي لعمة آدم
تالين : ليش شن عندها
سهام : معندها شيء هي كلمت آدم وقالتله تعالى انت وسهام تغدوا عندي
تالين : اه باهي سلميلي عليها
سهام : يوصل هي ما توصي على شيء
تالين : لالا سلامتك
سهام : الله يسلمك هي في امان الله
تالين : في امان الله (سكرت ومشت لسدين لقتها تخلط في الكريمة و الجبنة و الجلي )، سدين ، سدين طرش سدييييييين
سدين : يطرشك بالشوية كنك
تالين : من بكري انادي فيك متسمعيش
سدين : كلمتي سهام
تالين : اها قالت منقدرش اليوم بتمشي لحوش عمة آدم
سدين : فيها خيرة هي تعالي حطي البصلة على النار
تالين : جيت (بدن يوتن في حاجاتهن بسرعة لان سراج معنداش رحلة خايفات يروح في اي وقت وتخرب المفاجأة و سامر يروح بعد العصر من العيادة )
.
.
في حوش سعد :
امه : وفاء
وفاء : نعم
امه : سيقي الدروج وهنا قاعدات بترابهن
وفاء : في بالي و الله غير قلت نتريح شوية
امه : يناري علينا قبل كلمة تعبت ما تطلع منا
حنين : بكل كناين توا
وفاء : ماهو حتى انتي بتقعدي كنة (حنين معش عرفت شن اتقول و وفاء كسرت الشر و ركبت لشقتها وهي قريب تطربق و كالعادة سعد مش قاعد ) ، اووف شن هالعيشة عزوز الشر هذ هي و بنتها (وقعدت تعلق ) بكل كناين توا ، و الله عليك حالة
سعد : بسم الله كنك تتكلمي بروحك
وفاء : مرة مرة الواحد اتجيه الهبلة معلشي
سعد : باهي شن الغداء
وفاء : امك قالتلي معش اطيبي فوق طيبي لوطة عشان حنين مش فاضية خايفة النت يعتب عليها وهي كرعيها
سعد : يعني توا ننزل عشان ناكل
وفاء : اها
سعد : اللهم جيبك يا طولت البال (ونزل )
امه : كنك
سعد : بنتغدى كني
امه : مفروض مرتك شالتلك صونيتك فوق
سعد : والنبيييي خلي وفاء في حااالها و الله البنت كويسة ومنبييش نخسرها زي رقييية
امه : بسم الله مسرع ما عبت رأسك
سعد : عن إذنك جعان (ومشى )
.
.
في حوش الجد :
حليمة : رقيية يا رقية
رقية : نعم
حليمة : بعدين بنمشي لخوك مسعود بتمشي معاي
رقية : هو خوي هو صغار اختي و وعيسى كلهم يبوا المشي راه
حليمة : ايه و الله حتى صغار المرحومة يبوا مشية كويسة
رقية : تو نتفقوا انا و خيرية و سالمة ونمشوا يوم ونباتوا
حليمة : خلي لين البنيات يكملن قرايتهن
رقية : باهي
.
.
عند محمد :
أسامة : شن صايرلك
محمد : هبلتني و الله هبلتني
أسامة : كنها مش على أساس بتتلاقوا و بتتفاهموا شن صار
محمد : ايييه بالله شكلي مطول
أسامة : هههههه قول بنعنس و خلاص انت
محمد : اس مش وقت برادتك
أسامة : نوض خلي نطلعوا نحن و الوالدة
محمد : مخاطريش
أسامة : نووض وانت رايح زي المرأة المطلقة
محمد : وشن عرفك فيها المرأة المطلقة انت
أسامة : شن دخلك انت هي نوض بنمشي بنقول لامي توتي روحها وانت سقد روحك هي
محمد : هي وجك ( مشى اسامة لامه ومحمد قعد يلبس )
أسامة : هيا وتي روحك
سامية : وين
أسامة : لمكان هي راه محمد قاعد يبدل
سامية : هي نايضة (ناضت لبست عبايتها و نزلت )
محمد : هيا وين بتشيلنا يا أسامة
أسامة : لمكان خطير بكل
محمد : هههههه منعتقدش عندك مكان خطير بكل غير أسامة : اصبر تو تعرف
سامية : ريح عن خوك انت خليه يسوق
محمد : سكتت ها (شالهم أسامة لحديقة وااسعة و كلها معشب و معبية عائلات ويالاها مطاعم و العاب امتاع رعب )
محمد : جايبنا لالعاب
أسامة : هي تعالى (وكره ومشوا للعبة و سامية قالتلهم منبيش نركب وقعدوا يلعبلوا من لعبة للعبة )
.
.
عند التوأم :
سدين : وووه وأخييرا كملنا
تالين : حطي الاماعين في الغسالة وتعالي نوتوا الطاولة
سدين : هي (مشت تالين حطت التباسي و الطواسي على الطاولة و دارن حركات وجو وقعمزن يراجن في خوتهن شوية وخش سراج )
سراج : الله بنت حاجة
سدين : هههه دحي مقلي
سراج : لالا بصلة
تالين : اا حتى انا نشم فيها هذوم جيرانا دفع بنتهم اكيد تو يدزولنا
سراج : اي اكيد به شن الغداء
سدين : مكرونة امبكبكة
سراج بخيبة : نعمة حتى هي نبدل وانجي
تالين : راجي سامر وتغدوا مع بعضكم (وخش سامر) ، هههههه اهو عمره طويل
سامر : السلام عليكم
كلهم : وعليكم السلام
سامر : كنكم
تالين :شيء قال نبي نتغدا قتله راجي سامر لين يجي وانت خشيت
سامر : و الله جعان موت نبدل وننزل
سراج : حتى انا
تالين : تمام (وناضت هي و سدين بسرعة وتن السفرة و صبن المشروب في الطواسي وركبن خدن وشاحات منهن و مشن لدار خوتهن )
تالين : سراااج
سدين : سااامر (طلعوا هما الاثنين) ،منبيش حرف غمضوا عيونكم هي
سراج : هيي عيوني
تالين : اسكت ها (ونزلوا بيهم لين وصلوا للطاولة حولن الوشاحات )
سراج ، سامر : 😮😮😮
تالين :شن معجبتكمش العزومة ؟؟
سدين : هك الباين خلي اندسوا
سراج: مش مصدق (وقعمز ) من داره هضا كله
سامر : نوض اكيد غالطين في العنوان نحنا
تالين : كان بتقعدوا بتتسمطوا هك و الله اندسوه
سدين : قعمزي خلي ناكلوا (وقعدوا ياكلوا و يهدرزوا وبعدها في العشية دارتلهم نسكافيه ومعاه تشيز كيك )
.
.
في حوش مسعود :
مؤمن : مهند وين
مرام : شوفه في داره شن تسأل فيا
مؤمن : 😒 (ومشى لدار مهند لقاه على فونه ) ، اححم مهند
مهند : شن
مؤمن : مراد عطاني الورقة هذي وقالي عطيها لمهند ومتخليش حد يندري
مهند : هاتها و اطلع هي
مؤمن : هاك (وطلع و مهند ناض قعمز و فتح الورقة  لقى مكتوب فيها ..........
مهند : 😦😦😲
.
.
#يتبع
#رواية_المجهول_2
#rwayat_br0o