المجهول 💗 ( روايات ليبية ) مكتملة

الحلقة 9 💗

المجهول : 9
في حوش فرج :
سمر : م م  ماما بتروح اليوم
تالين ، سدين ، سهام : 😦😦😦
حليمة : الحمممد الله يا ربي
رقية:  اللهم لك الحمد
سمر : بس لفترة محدودة قبل العملية
حليمة : نحسابة طلعت مافيهاش شيء
سمر : سراج قال الدكتور قاللهم ......
سالمة : ياااربي تطلع الصور كويسات و مفيش خطورة عليها
وداد : و الله ما تستاهل خالتي فاطمة
حليمة : شن يا بنيتي المرض ميفرقش بين يلي يستاهل و يلي ما يستاهل هضا قدر من ربي مكتوب ولازم انكونوا اقوياء ونتغلبوا عليه
تالين حضنت جدتها : الله كلامك ريحني وعطاني قوة
حليمة : ربي يشفي اميمتك يا بنيتي
مروة : تعرف من تحضن
نجاة فنصت فيها : يوسف جاي بيروح بيكن
مروة : احسن لان بكرا كلية
نرمين : مشاء الله مقطعة روحك على القراية
خيرية من المطبخ : ودااد كلمي مهاب يجيب معاه من الحوش حافظة الحلويات المدسوسة في دولاب الادوات الكهربائية في باكو المفرمة ( هههههه مفيش ام ليبية معندهاش حافظة ولا دولاب للحد يجي على غفلة )
كلهم ومن غير رادة : ههههههههههه
وداد : هههههه عليك مكان عجيب حتى GPS ما يلقاها
رقية: خيرية من يومها هك لازم ادس حافظة بس وين الله اعلم قبل ما تتجوز بوي لما يجوا رجالة على غفلة يقول اسعفونا بحافظة خيرية
خيرية :نسمع راه
حليمة : باهي المرأة تعرف كيف تتصرف لما يجيها ضيفها مش تتخضر و تتصفر
سالمة : و الله بسلامتهم ولادي ما يخلوا لا اخضر ولا يابس و كان دسيت يطلعوه قعدت معش نتعب في روحي و ندس
وداد : الو مهاب قاعد في الحوش
مهاب : كيف بنطلع ليش تبوا حاجة
وداد : قالتلك ماما جيب معاك حافظة الحلويات المدسوسة في دولاب الادوات الكهربائية في باكو المفرمة ههههههههههه
مهاب :ههههههههه تمام تمام هي سكري نمشي ندور على الكنز
وداد : ربي يكون معاك هههههه
.
.
الدكتور : دكتور سامر دقيقة نبيك في حاجة
سامر : نعم
الدكتور : الصور طلعن وجزء كبير متعرض للإلتهاب بس مع هضا كله موصلش للمرحلة الخطيرة تقدر توا تروح بالوالدة بس ممنوعة الدوشة والضيء القوي لان حيغمى عليها ولو اغمى عليها هنا حتكون المشكلة والابرة يلي حنكتبلك اسمها تضربها  قبل لا ترقد عشان تبطىء من انتشار الالتهاب
سامر : تمام فهمت عليك
الدكتور : وان شاء الله ربي يشفيها
سامر : ان شاء الله ،هي عن اذنك
الدكتور :اذنك معاك
.
.
روح سامر بأمه وخبر سمر على تعليمات الدكتور
سمر : خالتي رقية تعالي شوي
رقية : نعم
سمر : سامر قال .....، توا بنحطها في الدار النوم عارفتها بتكابر و مش حترضى تقعد فوق اقنعيها
رقية : تو نركب انا وياها و نقنعها
سمر : تمام
رقية بصوت خفيف : فطومة
فاطمة: نعم
رقية : تعالي نبيك
فاطمة : هي آني جيت ، نعم !!
رقية : نبيك فوق في دارك
فاطمة : ليش ؟؟
رقية : غير تعالي
فاطمة : هي
(ركبت فاطمة و سمر خشت للخالاتها و صبايا خالها  وقالتهم  على حالة امها )
رؤية : تو نكلم مؤمن يروح بينا خليها ترتاح
سمر : سامحوني و الله كان بودي تقعدوا بس الله غالب
نجاة : لا يا بنتي امك اهم نحنا انجوا ان شاء الله بعد اتصح و نهدرزوا عليها
سهام : مرحبتين بيك في اي وقت
.
.
رقية : فاطمة هذين تعليمات الدكتور ولازم اتنفذيهن
فاطمة : بس عيب الناس قاعدين بروحهم
رقية : مفيش حد براني وانتي اهم شيء صحتك ، شو في صغارك يديروا في كل شيء عشانك يبوك تتريحي بس
فاطمة : الحمد الله على كل حال به خليك انتي و امي اليوم
رقية : هههههه قاعدة من غير ما اتقولي
فاطمة : شن مزال مطلقش البارد ؟
رقية : يماطل ميبيش يطلق لكن يحلم نرده و الله لو يدير ما يدير خليه ماشي وراء امه الشر
فاطمة : اها ردي بالك تهزك كلمه منه وانتي مزلتي صغيرة ومية واحد يتمناك
رقية : تعرفي مرات انقول حرام هو مغلوب على امره كله من امه
فاطمة : ها شفتي لو ربي رزقكم بصغار كيف بيتحمل المسؤولية ولا لين يشاور امه
رقية : هههههه تخايلي ينزل يقوللها نشرري حليب ولالا الحمد الله وبعدين انا مرتاحة توا اكثر من قبل ، المهم توا خليك ترتاحي بعدين نهدرزوا
فاطمة : لالا منبيش نرقد كلميلي سمر نبيها شوية
رقية : تمام هي (طلعت من الدار و تنادي في سمر وقالتلها امك تبيك )
سمر : نعم ماما
فاطمة : قعمزي نبيك
سمر :ان شاء الله خير
فاطمة : يا بنيتي انتي كبيرة خواتك ردي بالك منهن خليك امهن الثانية
سمر و دموعها حاصلات بين رموشها : م ماما ليش اتقولي هكي ليش انتي بإذن الله حتعيشي
فاطمة : اسسس نبيكش تبكي نبيك تقعدي قوية وخليني نكمل
سمر : كملي
فاطمة : تالين بدات من بعد هذك القصة تغيرت صارت حساسة لدرجة يا بنتي ردي بالك منها اسمعيها لما تكون محتاجاتك و سدين مرحة و روحها طفولية ردي بالك تخليها تتغير و سهام توا كلميها ليا بعد تطلعي
سمر تمسح في دموعها و قالت : ماما و الله خوفتيني بكلامك هضا ربي يطول في عمرك ويدومك لينا فاطمة : آميين هي ناديلي سهام
سمر : حاضر هي ثواني (طلعت ونادت سهام )
.
سهام: نعم ماما
فاطمة : تعالي قعمزي نبيك ، سهام يا بنيتي انتي العاقلة في خواتك ردي بالك عليهن ردي بالك يجي يوم وتفترقن حبن بعضكم ما تلقن غير بعضكم في وقت الضيق ساندن بعضكن متخلنش مجال للحقد بينكن
(سهام كانت تسمع و تبكي معرفتش تعبر عن كلام امها الا بحضن حنون من امها )
فاطمة : خلاص اسكتي نبيك قوية كيف مانعرفك
سهام : حاضر ، تبي شيء ؟
فاطمة : لالا سلامتك
(سمر و سهام كانن في دوامة حزن ميبنش يوضحن وفاتت العشية و بدت الدنيا اظلم لين جت الساعة 9 )
فاطمة : سامر ، يا سامر
سامر : نعم ؟؟
فاطمة : كلم سراج وتعالوا نبيكم في دار النوم
سامر : حاضر هي ثواني
.
..
عند محمد :
.
محمد قدام البحر و يسمع في صوت الموجة : ااااااه ياربي بكرا اتسكر سنتين على موتك وانا منعرفش من يلي قتتتلك يلي خدا مني روحي و خلاني جثة بس ياااارب ساعدني (لين جاه صوت من وراه )
اسامة : كيف تبيه يساعدك وانت هك تعامل في امك ! اهو انا جاي نشكي لربي و نفضفض لان فاقدها هه
محمد :انت الباين مش حتخليني في حالي
اسامة : ولا تحلم
.
.
نردوا لحوش فرج :
فاطمة : انت يادكتور وصيتي ليك ادور على ولد الراجل يلي خبطته و تطلب منه يسامحك احكيله قصتك يمكن يسامحك سامر خليك قوي ساند خواتك تخليهنش في يوم محتاجات حد ولا يلجئن للغريب كمل حياتك اضحك عيش متنحصرش داخل العيادة بس ، وانت يا كابتن مبروك واخير بيتحقق حلمك و بتتخرج بعد سنين تعب خليك مثابر و حنون على الكل كيف ما عرفتك خليك سند لخوك متخليشي بروحوه وانتم الاثنين خواتكم امانة في رقبتكم
سامر يبكي اها حس روحه بيفقد اغلى ما يملك : و ول ليش اتقولي هك
وسراج كذلك يبكي : انتي حتحضري حفل تخرجي يا غالية نحنا بلاك ما نسوو شيء راه
فاطمة تبكي حتى هي : تعالوا (وحضنتهم الاثنين وكأن اتقوللهم هضا آخر حضن ) ، خلاص هي بنمشي نرقد موعدة نرقد يالا تالين و سدين
سامر سراج : تصبحي على خير
فاطمة : وانتم من اهل الخير
.
تالين : ماما انا من هنا
سدين : خلاص انا من هنا
فاطمة : ارقدن وانتن اتقول صف اول
تالين : هههههه ماما احكيلي كيف كنت لما انا صف اول
فاطمة : مشاكسة و ديما يشكوا منكن انتي و سدين ( وبدت تحكيلهن على طفولتهن لين رقدن وهي رقدت في سبات عميق )
#ثاني يوم الصبح
زحمة و عياط  مفيش حد كان مصدق
تالين : ماااااااااااااااااماااااااااا
.
#يتبع
اكثر حلقة حزينة وبكتني هههه صح انا نكتب وفيى يدي الاحداث ونقدر نغيرهن الا ان نبي كل حد يعرف قيمة الجوهرة يلي عنده #الام
#رواية_المجهول
#rwayat_br0o