المجهول 💗 ( روايات ليبية ) مكتملة

الحلقة 6 💗

المجهول : 6
.
.
فرج: تعالوا نبي نتكلم معاكم في موضوع
فاطمة : 😟😟
كلهم : نعم
فرج : من يوم وغادي النت ساعتين في اليوم بسسس وانتم شيء لاتقولوا عندنا ام وبو نهدرزوا عليهم انشوفوا حالهم اليوم وثاني شيء وينادوا على الغداء منبيش حد يقول مخاطريش الكلل يجي بدون نقاش مش كان كبرتوا اتقلوا خلاص كبرنا مزال نضرب حتى الضرب فاهمين
الصغار بتعجب : تمام
سادين وهي تغسل : و الله يابناات اليوم الوضع ماهو طبيعي
سمر تغسل معاها: تي اييه و يلي زدت استغربته ماما معلقتش على الموضوع
سهام اطيب في الشاهي:  ربك يستر
.
.
.
في حوش رقية :
سعد : شن صار معاك
امه : دبرتلك مبلغ
سعد : من وين
امه : بعت حصتي من حوش جدك
سعد :بكم
امه : 15 الف
سعد : 😍😍 مشاء الله
امه : هي مالا وتيلي روحك في هالشهرين
سعد : ورقية
امه : طلقها
سعد : لييش
امه : شن مزال تبي فيها يا وليدي اه غير زيادة عولة طلقها وخليها تعيش مع امها بروحها و تتريح واتريحنا
سعد : تو نفكر ، تبي حاجة بنركب
امه : سلامتك غير فكر في الموضوع
سعد : تمام (وركب)
رقية : باهي يلي ركبت
سعد : شن تبي
رقية : بعد ما فكرت تفكير منطقي لقيت ان من الاصح انك اطلقني لان معندكش مايربطك بيا
سعد : صدقيني انك متهونيش عليا لكن مدام هذي رغبتك فأنتي حرة امتى ماتوتي روحك قوليلي
رقية : واتية
سعد : لدرجة هذي مستعجلة
رقية : اها هيا (وخدت شنطتها ونزلت و سعاد تسمع في عجل الشنطة طلعت )
امه : شن شكلها زيارة ابدية رقية عدلت الشنطة و وقفت وقفة كبرياء و قالت بإبتسامة ): لحد الان انا مش عارفة انتي ليش تكرهيني الكره هضا كله عشان مجبتش ؟؟ هذي قدرة ربي وعلى فككرة انا مشيت عاينت تعرفي شن قالتلي الدكتورة ؟؟ قالتلي انتي تقدري اتجيبي مفيكش اي مشكلة يعني المشكلة من بنظرك ؟؟! اه قولي ولا لسانك ارتبط انا كنت حنساعد ولدك عشان هو يتعالج واتشوفي احفادك بس مع الاسف انتي هدمتي هضا كله وانتي حتظلمي بنت ثانية وبتحرميها من الامومة انا باتي رباني على حاجة وحدة ان كرامتي وعزة نفسي فووق الكل وقبل لاننسى هلي حكيتلهم على القصة كلها و قالولي اطلقي ونحطوك في عيونا تقعد مطلقة اهون لهم من ان نعيش مع انسانة كيفك  تحسابي  ان معنديش هل يوقفوا معاي وانتي من السنة الثانية من جوازنا اتقوليله طلقها و اتجوز  وكأنه تهديد ليا لالا راه عمره ماحركتي فيا شعرة لان عارفة وراي خوت ووصغار خوت وخوات مايتحملوا فيا بزة شوكة فأنا مش محتاجة حبكم ، هههههه خلاص فضيت الشكارة و نبي من لما توصلني ورقتي معش نبي اي شيء يربطني بيكم (وامه قاعدة مصدومة لان تحساب العيب من رقية متجيبش وسعد مع الاسف مسمعش الحديث كله جاء في الاخير )
سعد : هييا
رقية : مع السلامة وحيجي يوم وتندمي يا عمتي عائشة هي سلامات
امه : اصبري
رقية : انا يلي عندي وقلته و مش لازم انفد يلي تبيه (وتلفتت على سعد وقالتله): انا في السيارة
سعد : بنوصلها وانجي
امه : رد بالك تحكي مع خوتها حطها وتعالى طول
سعد : تمام
.
..
.
وصلها لقى صغار اختها و خوتها كلهم غادي واقفين وكأنهم يراجوا فيها رقية بروحها انصدمت صح قالتلهم ان بتجي اليوم بس متوقعتش يلي حيصير :
يوسف : تحساب انك بتطلقها خلاص بتعيش كئيبة هه
علي : بالعكس هضا وين بتعيش هي للكئابة كلها لقتها عندك
اياد : انت خسرت جوهرة ثمينة متتعوضش
انور : يمكن تلقى زيها في الشكل اما القلب نتحداك
ايهم : توا انت تعتبر خسرت خسارة ميعوضها ليك حد
مهاب : تجدي ظلمها لما عطاها ليك يحسابك قد الامانة
مهند : كانت ميفوتش يوم والا وهي مكلمتني وتسأل فيا على القراية
سراج : همها كان كل واحد يحقق يلي هو يبيه مهما واجهنا من تحديات كانت اتقوللنا تحملوا تو بعدين لما تاخدوا الشهادة يريح التعب
مراد : لولاها راه انا توا مش مهندس هي يلي شجعتني
سامر : اول وحدة قالتلي دكتور
مؤمن: الله اكثر ووحد حكتلي قصص وكل قصة تحسها تعطي فيك جرعة من الامل
وداد : هذي يلي قداممك عاشت واجد و شافت واجد شافت الغني و الفقير والخلوق و يلي مش خلوق يعني ميكس بس وافقت عليك كانت كلمة بوها عمرها ماتردها
سمر : ماما ديما وانا صغيرة اتقولي نبيك زي خالتك رقية مكافحة
نرمين : كنا لما نلتموا كلنا كانت اتقول لامهاتنا روحن وخلنهم عمرها ما هزبت حد فينا
مروة : تحب الصغار لدرجة متوصفش منذكرش انها في مرة ضربتني
مهى: قعدنا نبكوا يوم زفتها لان نحسابوها بتتغير ومعش بنتلاقوا معاها
سهام : كل كلمة تحكيها تحس ليها معنى
مرام : اكثر وحدة بكت لما سافرنا
مروج: كانت تكلم فيا كل يوم واتقولي ميمي يابنتي معش تاكلي واجد مش كويس ليك السمن تخيل خايفة عليا لدرجة ااهيا راهي هي مهيش مجرد عمة
تالين : وقفناك واجد صح وحتوقف مزال واجد عشان تطلب منها تردلك
سادين : راهي هي ام ل21 طفل اها كلنا اطفالها وتربينا على كلماتها عشنا على طموح و امل تعطيلنا فيه
رقية ودموع الفرحة في عيونها : شفت مغلطتش لما قلت عندي من يسندني لما نطيح ، شوف و اسممع كويس عشان المشهد هضا مش حتنساه بالساهل  ربييي مااايحرمني منكم ويبعد عليكم الهم و الحزن .
(روح سعد وهو مصدووم من يلي صار و المشهد مباش يحول من رأسه وحسس فعلا ان خسارته كبيرة )
سعد : تخايلي شن صار
امه : شن
سعد: بعد وصلت غادي (حكالها)
امه : عيلة غريبة المهم توا انسى والهى في عرسك
سعد : تمام بنركب نرتاح
امه : ارتاح هنا في دارك قبل
سعد : يكون احسن
.
.
بعد يومين :
في حوش فرج
.
سمر خشت لسهام في الدار : سهاااااااااام
سهام : ها بسم الله شن فيك
سمر: أ أ مي
#يتبع
هل حان اوان معرفة مرض فاطمة ؟
#المجهول
#rwayat_br0o