The GCQ mission: Billionaire's Baby ✔️

Author's Note (Special Chapter)

Umungot si mister bilang sagot. Masakit nga siguro ang ulo. Madalas kasi silang napapainom dahil ngayong maayos na ang pakiramdam ni tatay nahilig ulit sa kulafu at tuba. Eh, hindi sanay si Alex sa ganung inumin kaya knock out agad. Nawala kasi ata deperensiya ni tatay sa puso nung makita na ang apo nya.

"Bilis na mister!"

"Eehh.. ipagtimpla mo 'ko." Napairap ako sa kawalan nang mas higpitan nya ang pagkaka-akap sa akin. Isa 'to sa mga katangian nya na hindi ko inaasahan, napaka-clingy nya talaga! Pero okay lang, enjoy ko naman. Kaya nga may kasunod na agad si Jumong eh.

"Matuto kang magtimpla para sa sarili mo!"

Bahagya ko syang tinulak papasok ng bahay at pinalo ang pwet nya. Hindi kasi yan gagalaw kung hindi ko gagamitan ng dahas. Charing.

"Okay, I love you two."

"Alabyu three!"

Tuluyan na syang nakapasok at ako naman ay pangisi-ngising pinanuod muli ang mga bisita. Masaya at kontento kaming nagsasama ni mister. Walang pressure. So far, marami na 'kong english. Haha! I mean so far, walang pa kaming malaking problemang hinarap. Tinuruan ko sya kung paano maging positibo sa lahat ng bagay.

"Ate, sure ka ngayon sila dadating?" Napatingin ako sa kapatid ko na kabadong tumabi sa akin.

"Oo, maya-maya. Tsaka ba't ganyan ka nerbyosin? Kasali ka? Kasali? Wag kang lalabas mamaya ah, mga bisita ko yun kaya don't me."

"Tss, ang maldita mo talaga sa paraan na hindi ko kayang intindihin. Wala ng susunod dyan, ah? Family planning! Delikado kasi lahat sa paligid in a 300 meter radius sa ugaling juntis mo eh."

Magsasalita pa sana ako pero nakarinig ako ng kakaibang ingay mula sa itaas. Bumaba ako agad palabas saka tumayo roon at tumingala. Agad naman akong napangisi sa nakita.

"Mister! Nandito na sila!"

Nagmadaling bumaba ng bahay si mister at lumapit sa akin sa akin, karga na nya ngayon si Jumong saka sabay kaming tumingala sa langit.

"Is that uncle Kim Bum, papa?" Dinig kong tanong ng panganay ko. Mabilis matuto si Jumong magsalita ng walang kahirap-hirap kahit isang taon pa sya.

"Yup. Together with your mama's squad."

Pinanuod naming lumapad ang helicopter doon sa patag sa may burol kaya nagpunta kami roon agad para salubungin sila.

"Hey there, sir! Wazzup?!"

Agad na nag-bro hug si mister at Kim Bum nang makalapit kami. Ginulo nya pa muna ang buhok ng anak ko bago bumaling sa akin.

"Nice to see you again, Mrs. Aleksev. Paganda ka ng paganda bawat bisita ko dito, ah?"

"Marami na rin akong english kaya wag kang magkakamaling englishan ako ng kung ano-ano." Tumawa naman ang singkit at hinila na agad ni mister palayo. Selos ata. Sus!

Nagtataka ba kayo kung asan si Rhioz? Ang totoo, walang nakakaalam. Ang sabi ni mister nag-resign daw. Nawala na lang talaga sya bigla na parang bula. Pero ang duda ko, baka sya mismo ang nag-sisante dun kasi naalala ko, kinagabihan bago ang kasal namin, hindi sya nakatiis at tinawagan ako, nasa tradisyon kasi na bawal magkita bago ang kasal. Tapos ayun, nabanggit ko na naipagtimpla ko na ng kape si Rhioz halos sabay nung una kong gawa para kaniya kahit hindi totoo.

Utos kasi yun ng kapatid ko e! Tingnan daw namin kung mag-selos tapos ayun, mukhang nangyari nga. Nag-alboroto pa nga e! Sabi ko 'itch a prank' pero hindi na nakinig! Nagselos ng sobra.