Black Memory(U+Z)(Completed )

Interview part-3(end)

ခန့်ပိုင်သည် မိုးဇေလက်သီးမြင်မှ ကောင်းကောင်းထိုင်၍မျက်နှာလေးပြုံး၏။ ခန့်ပိုင်က ဘယ်သူ့ကိုမှမကြောက်
သော်ငြား မိမိမျက်စိရှေ့တွင် ကိုလေးသည်  လူသုံးလေး ယောက်လောက်ကို အချိန်မဆိုင်းပဲလျှပ်တစ်ပြတ်အတွင်း သတ်ပစ်လိုက်တာ မြင်ဖူးထားသဖြင့် လန့်လေသည်။
ထို့အပြင် သူနောက်ထပ်ကြောက်သည်က ခေါင်လေးဖြစ် သည်။အရင်က ဘယ်လောက်ပဲ ပြိုင်မယ်ဆိုင်မယ်တွေ အလျှော့မပေးဘူးတွေ လုပ်ခဲ့ပေမယ့်.. ခေါင်လေးသည်
လူသတ် ၊ ပစ္စည်းလု...နားပမ်းသမာပါလုပ်ခဲ့ဖူး သည်ကို ပြန်သိပြီး နောက်... နဲနဲရှိန်နေတာဖြစ်သည်။

မျက်လုံးလေး ကလယ်ကလယ်နှင့် ဖြူစင်သည့် ကလေးပုံဖမ်းသွားသော ခန့်ပိုင်ကိုကြည့်၍ သူတ်ို့သုံးယောက်လုံး မတိုင်ပင်ပါပဲပြုံးမိသွားကြသည်။ ခန့်ပိုင်၏ထူးခြားချက်တစ်ခုကိုပြောရပါမည်ဆိုလျှင်တော့
ရုပ်ပြောင်း ရုပ်လွဲမြန်ကာ...ဟန်ဆောင် ပန်ဆောင် လုပ်တတ်ခြင်းဖြစ်သည်။

"အားလုံးအဆင်သင့်ဖြစ်ပြီဆိုတော့ မေးခွန်းလေးတွေ..စမေးမယ်နော်...ပထမဦးဆုံး မေးချင်တာကတော့..ရဲဇော်ရဲ့အချစ်မျိုးကိုမှင်သက်မိတယ်တဲ့...ဘယ်လိုဖြစ်လို့... အဲ့လိုအချစ်မျိုးနဲ့ ချစ်နိုင်ရတာလဲ.. တဲ့။
..ကိုကိုခန့်ပိုင်ကိုအားနာပေမယ့်..ဒီမေးခွန်းကို ကျွန်တော် လည်းအရမ်းသိချင်လို့ မေးလိုက်တာ ...ဘာဖြစ်လို့လဲ ဆိုတော့ ကျွန်တော်မေးခွန်းတွေစစ်ရင်းနဲ့ တစ်ခုတွေ့
လိုက်တယ်...စိုင်လျန်ရဲ့စိတ်ရင်းကဘယ်လိုရှိလဲတဲ့။ ကိုနှိုင်းကို ကိုကို့မျက်နှာကြောင့် ကောင်းပေးနေ တာလားတဲ့..... ကျွန်တော်အဲ့ဒီမှာတစ်ချက်တွေသွား တယ်..ကိုကြီးရဲဇော်သာဆိုဘယ်လိုဖြေမှာလဲဟင်...ဒါကဖြေဖို့နဲနဲခက်တယ်မလား...ကျွန်တော်ကတော့
စိတ်ထဲမှာအဖြေရှိနေပေမယ့် ထုတ်မပြောတတ်ဘူး ဖြစ်နေတယ်"

ရဲဇော်သည် မဖြေခင် ခန့်ပိုင်အား မျက်လုံးလေးတစ်ချက် စွေကြည့်လိုက်ပြီး...အသက်ခပ်ပြင်းပြင်းတစ်ချက်ရှူသွင်း ထုတ်လိုက်ပါ၏။ ကဗျာတွေ ၊စာတွေစီပြီးဖြေရမယ့်အချိန်မှ မဟုတ်တာ...အနာအဆာတွေရှိတဲ့ သူ့ဘဝကိုထေးမပေးတဲ့ ဘေးကကောင်လေး စိတ်မဆင်းရဲဖို့က အရေးကြီးတာမဟုတ်လား။