يقال حب

السابع عشر

الحلقه السابع عشر﴿يقال حب﴾

كلمتان جعلته يدرك مدي حالة ندي حاليا وهي مالا يدع مجالا للشك الانهيار
القي نظره اخيرا علي لين...ثم خرج متجها الي سيارته وهو يضرب عدة ارقام ليقول بصوت هادئ...
-ندي انتي كويسه

اطلقت ضحكه قصيره لتقول بدلال...
-ايوووه ياحبيبي كويسه واتطلقت

استوعب حالتها وصوتها الغريب ليقول...
-ندي انتي في بيتك دلوقتي ولا فين

تكلمت بنبره مهزوزه...
-انا موجوده ياشريف بس هو الي مش موجود..هو ه في الاخر هوووب طلقني

ثم اطلقت ضحكه متهكمه قصيره...
-مسج غبيه قالي انو طلقني
وانه سابلي فلوس كتيييير

ثم صرخت فجأ بنفعال ثمل..
-طلقني وسابلي فلوس كأني جاريه اتجوزها
الحقير طلقني

تحدث شريف مهدئا اياها...
-طيب اهدي وقوليلي انتي فين
-في البيت هكون فين وانا بحتفل بطلاقي

-طيب انا جاي ياندي اهدي انا جاي
اغلق الهاتف وهو يتنهد بقوه علي حالتها
حالة الثماله والصدمه ستؤدي الي ايذاء ذاتها

------------------------------
كانت سلمي ممسكه بقلم رصاص ترسم علي دفتر صغير وذهنها شارد بالكامل في اخاها

تشفق علي حالته وتشفق علي ابنة عمها
ليس ذنب لين انها لم تحب عمر لانها لا تعرفه حق المعرفه بسبب خوفها الدائم منه...وتشفق علي اخاها بذاك الحب الذي علقه في متاهه مع النفس

همست بأشفاق...
-مسيرهم هيتخطو المرحله دي وينسو
رن هاتفها بستمرار برقم غريب
لتمسكه وتجيب ...
-الو..مين

-ازيك ياسلمي عامله ايه

رفعت حاجبيها لتقول بحيره...
-ايمن الي معايا صح

ضحك بخفوت ليقول بأيجاب...
-ايوا انا عامله ايه

ابتسم بعبث لتقول..
-عمر عارف انك بتكلمني الساعه١بليل
ياايمن ولا لأ

علي الطرف الاخر احمر وجه ايمن ضيقا من تلميحها ليقول بجديه....
-انا مش متصل عليكي عشان حاجه غلط ياسلمي واتصلت دلوقتي عشان شغلي خلص دلوقتي

ضحكت بقوه لتقول بعبث اكبر...
-طب اهدي علي نفسك ياايمن
وبعدين متصل ليه

-هو عمر مكلمكيش في موضوعي!

تمددت علي الفراش وتركت القلم والدفتر
لتعبث بخصلاتها قائله بتلاعب
-اممم لا مقاليش حاجه

تمتم ايمن بأحد الشتائم لايمن بصوت منخفض ليقول بجديه وتوتر...
-سلمي ايه رئيك فيا

اتسعت ابتسامه سلمي بعبث وهي تأكد شكوكها نحوه يحبها..بل يهيم بها
منذ صغرهم وهي ترا نظرة الانبهار والحب في عينيه وتتجاهله بغمج ودلال
لتقول بتلاعب...
-من ناحية ايه ياايمن