الجني اليهودي العاشق

البارت الثلاثون والأخير

وشافت مجموعة نساء ورجال يغنون ويرقصون.. (مسوين حفلة).. شايلين الدفوف ويدكون بيهن وكلهم يرقصون.. كلهم ما منتبهين على رباب بس وحدة هم جانت ما منتبهة فجأة جتي عينها بعين رباب وكالتلها منتظريج.. هاي الحفلة إلج.. منتظريج منتظريج منتظريج.. ظلت تردد هاي الكلمة..

رباب تلقائياً سحبت نظرها منها..
جذبها شي معين..
ظلت تباوع هذا النور والضوء اللي دتشوفه.. من وين؟؟ شنو مصدره..؟

الضوء بدأ يقترب من رباب..
فجأة..
الضوء تلاشى..
أختفى..
الضوء كان يسطع من نساء تقدمن حول رباب..
الناس كان عددهن أربعة..
نساء فائقات الجمال..
بشرتهن ناصعة البياض وبيها ميول للون الأحمر وتقريباً شي من اللون الوردي..
رباب ما شايفة قبل بشرة بهذا الجمال..
والملامح جداً جميلة.. وحدتهن وجهها كالبدر
وعيونهن وساع ومكحلة من غير كحل..
يرتدن ملابس بيضاء ناصعة البياض..
ملابس عريضة فضفاضة..
وحجاب لون ابيض طبقتين طبقة ثخينة مغطيات بيها شعرهن.. والطبقة الثانية مال الحجاب بيضاء شفافة بادية من الرأس ونازلة على ملابسهن..
كعدن النساء الأربعة كدام رباب..
ثلاثة منهن ساكتات ميحجن أبد..
مكتفيات بالإبتسامة لرباب..
ووحدة منهن فقط هي اللي حجت وية رباب..
بدت هاي المخلوقة تحجي وية رباب..
تعرفت عليها..
بس رباب شبيها..؟
شو خايفة..؟
ليش رباب خايفة..؟
المرأة الجميلة حست إنه رباب خايفة..
لإن رباب مدتباوع عليها من تحجي..
رباب عينها بغير مكان..
المرأة الجميلة : رباب شبيج..؟
رباب : هااا اكو.. اكو وحدة لابسة عباية وبشرتها سمره حيل ماادري شبيها احس نظراتها متطمن.. أحسها حاقدة علية..

المرأة الجميلة : ما عليج منها.. انتي هسة يمنه محد يكدر يأذيج.. محد يكدر يتقربلج.. بس نفذي اللي راح نطلبه منج بكل هدوء.. وبعدها راح تكونين وحده منا وبينا..
رباب : اصير جنية..؟
المرأة الجميلة : لا..
رباب : لعد شنو..؟ شلون اصير منكم وبيكم..

المرأة الجميلة بدت تتعصب(انزعجت زليخة من كلام رباب).. 😅
وحدة من النساء الأربعة لزمت إيدها للمرأة الجميلة.. وكالتلها اهدأي.. اهدأي

المرأة الجميلة هدأت ورجعت تكمل حديثها وية رباب..
المرأة الجميلة : اذا متريدين أحد يخوفج أو يأذيج من هاي المخلوقات اللي دتشوفيها اسمعي كلامنا.. وذا شفناج هادئة ومتفهمة راح تكونين بحمايتنا..

رباب بدأت تخاف من كلام هاي المرأة..
رباب ظلت ساكتة..

المرأة الجميلة : رباب
رباب : هاا..
المرأة الجميلة : كومي جيبي ورقة وقلم
رباب : ليش..؟
رجعت المرأة الجميلة تعصبت.. (خلكها ضيق متحب أحد يسألها).. 😒
رباب : بس ورقة وحدة اجيب..؟
المرأة الجميلة : تفتحين عيونج وتكومين من مكانج ترحين مباشرةً تجيبين الورقة والقلم وتجين تكعدين بنفس المكان وترجعين تغمضين.. من تشوفينا رجعي فتحي عيونج ودنكي راسج على الورقة وأبد لترفعين راسج..