قصة : ( ضياع الروح ) ل سهيلة سعيد المنجي

الحلقة ١٠

الحلقة العاشرة { ١٠ } 🕊

( يدخلوا البنات يلبسوا وبعدين تطلع غادة تطلع البيتزا م الفرن توديها الترابيزة )
امير : تسلم ايدك 🙂♥️
غادة : بالهنا ♥️
( بعد شوية ، يوصل صاحب المطعم يستلم منهم ويمشوا البنات ، يقفوا ع الشارع عشان يوقفوا تاكسي )
سهيلة ب قلق : الساعة بقت ٧ يلهوي 🤦🏻‍♀
شاهندا : ولا هنلاقي مواصلات دلوقتي 🤷
غادة : هنفضل واقفين طيب !
( يعدي امير ب عربيته )
امير : محتاجين توصيلة ؟
شاهندا : شكراً ي امير
امير : مش عزومة والله اركبوا هوصلكم
سهيلة ل البنات : تعالوا نركب احنا اتأخرنا !
( يركبوا البنات مع امير ، ف الطريق )
امير : انتوا بتدرسوا ؟
غادة : اه ف اولى كليه
امير : كليه ايه ؟
شاهندا : اداب
امير ب استغراب : م انا ف كليه اداب عمري م شفتكم !
غادة : احنا منزلي عشان شغلنا وكدة
امير ب فهم : اااه ربنا معاكم .. انتوا قرايب ؟
شوهندة : اة ولاد عم
امير : اها .. بيتكم فين ؟
غادة ب ارتباك : ااااا .........
سهيلة : خليك ماشي واحنا هنوريك
امير : اوك
( يوصلوا قبل ال night club ب شوية )
سهيلة : هنا تمام عشان عمي لو شافك ممكن تحصل مشكلة
امير وهو بيركن : اوك
( ينزلوا البنات )
غادة : شكراً ي امير
امير : العفو
البنات : باي
امير : باي
( يوصلوا البنات night club ويقضوا يومهم كالعادة هناك ، يعدي اليوم ، البنات ف البيت قاعدين ف الأوضة بتاعتهم ، يتفتح الباب ويدخل اكرامي كالعادة من غير استأذان يخضهم ، يحدفلهم روزمات فلوس ع السرير )
اكرامي : فلوسكم 💵
( يحسوا البنات ب زل وأهانة ف كل مرة يديهم فيها الفلوس بالمنظر دة )
اكرامي : محتاجين اي حاجة ؟
غادة : شكراً
اكرامي : ماشي .. لو عوزتم حاجة بلغوني .. وياريت التأخير الي حصل انهاردة دة ميتكررش تاني تمام ⁦☝️⁩
( يمشي اكرامي ، تعدي فترة والبنات بيشتغلوا ف المطعم وnight club ، يخلصوا البنات اولى كليه منزلي ، البنات ف البيت قاعدين مع مروة )
شاهندا : مروة متعرفيش اكرامي عملنا ايه ف حكاية مرواحنا الجامعة ؟
مروة : اه كلم واحد بيقول قدملكم الورق
غادة : طب متعرفيش هننزل امتى ؟
مروة : لا معرفش امتى 🤷
شاهندا : طب والدراسة الي بدأت من شهرين دي مفيهاش مشكلة ؟!
مروة : لا خالص م انتوا هتخشوا بواسطة واهي كوسة ي اوختشي 😏
البنات : هههههه 😄
مروة : يلا قوموا البسوا عشان منتأخرش ع الشغل
( يلبسوا البنات ويمشوا مع مروة ينزلوا الشغل ، ييجي وقت رقص شاهندا ، تطلع ترقص وتنزل ، البنات معاها ف اوضة اللبس ، يدخل اكرامي )
اكرامي : ايه الاخبار ؟
شاهندا : تمام
اكرامي : مروة قالتلكم ع حوار الجامعة ؟
غادة : اه بس مقالتش هننزل امتى
اكرامي : تنزلوا اي وقت خلاص ورقكم دخل
شاهندا ب فرحة : بجد !!
غادة ب حماس : ايوووه مش مصدقة اخيراً هندخل الكلية بقا 😃
مروة وهي داخلة : ع ايه يعني هما الي دخلوها عملوا ايه .. حسرة ع شبابك ي مصر 🙄
سهيلة : بس ي فقرية متعقديهمش
( يعدي الوقت ، البنات ف البيت )
شاهندا : انا هدخل انام احسن مسقطة خالص 😞
سهيلة : ومين سمعك بس انا لازم استعشى الاول ☝
شاهندا وهي بتقوم : طب هخلع انا
غادة وهي بتقوم : وانا كمان تصبحي ع خير
سهيلة : وانتي بخير
( تنام غادة وشاهندا ، تدخل سهيلة المطبخ تعمل ساندوتش وتقعد ع ترابيزة تاكل ، يدخل اكرامي ، تتوتر سهيلة ، يقعد قصادها ع الترابيزة ، لسة هتقوم يمسك ايدها يقعدها )
اكرامي : عاوز اتكلم معاكي
سهيلة ب قلق : نعم ؟!
اكرامي : انا عارف انكم كارهني
سهيلة : لماح انت ما شاء الله !
اكرامي : بس انا عملت كدة عشان ..........
سهيلة : متقولش مصلحتنا احنا مش صغيرين عشان تضحك علينا بالكلام دة ي اكرامي !
اكرامي : تعرفي احلى حاجة فيكي ايه ؟
( تتنهد وتضير وشها )
اكرامي : انك فهماني ودة الي خلاني احبك 🙂
( تبصله ب خضة )
سهيلة : تحبني !!!
اكرامي : اه بحبك ❤
سهيلة وهي بتقف : ايه الهبل دة !!
اكرامي وهو بيقف قصادها : هو الحب بقا هبل اليومين دول .. انا بحبك بجد 💁🏻‍♂
سهيلة : تصبح ع خير !
( لسة هتمشي يمسك ايدها )
اكرامي : انا بكلمك 😐
سهيلة وهي بتشد ايدها منه : وانا مش عاجبني كلامك لاني مش مصدقاك وحتى لو بجد .. انت اخر انسان انا ممكن اقبل حبه دة واحبه انا كمان ⁦☝️⁩
اكرامي : طب عاوز اتجوزك
سهيلة ب خضة : تتجوزني !!
اكرامي : اها .. عرفي 💁🏻‍♂
سهيلة : انت فاكرني بت جايبها وانت جاي من ع الدائري ؟!
اكرامي : لأ انتي مش كدة فعلاً .. ع الاقل الي ع الدائري دول ليهم اهل وليهم بيت ومسيرهم هيرجعوله ف يوم .. لكن انتي مين اهلك ؟ فين بيتك ؟
( تسكت سهيلة ب حزن )
اكرامي : انا اهلك وانا بيتك .. فكري فيها ب مزاجك ي سهيلة بدل م اخليكي تفكري فيها غصب عنك 🙂
( يمشي اكرامي وسايب سهيلة جواها الخوف ، يعدي يومين ، البنات نايمين ، يرن المنبه ، يصحوا ، شاهندا وغادة قايمين ب كل حماس بيتنططوا م الفرحة عشان رايحين الجامعة اول يوم )
شوهندة : مش كنتي زمانك معانا بدل م انتي قاعدة كدة 🤷
( تحط سهيلة الغطا ع وشها )
سهيلة ب زهق : خلاص بقاااا 😞
غادة ب استغراب : سيبيها شكلها تعبانة !!
شاهندا : طيب !
( يدخلوا ياخده دش ويلبسوا وينزلوا م الأوضة ، اكرامي قاعد بيفطر )
اكرامي : صباح الخير
البنات : صباح النور
اكرامي : رايحين الكلية ؟
شاهندا ب فرحة : اهااا 😃
اكرامي : هتلاقوا العربية والسواق مستنيكم برة عشان متروحوش ف مواصلات ولما تخلصوا هيجيبكم البيت
غادة : شكراً ي اكرامي
اكرامي : have A nice time 🙂
( يمشوا البنات ، يوصلهم السواق للكلية ، يدخلوا يقفوا ع جنب ماسكين ورقة محتارين يروحوا فين ولا يعملوا ايه ، شلة بنات وشباب واقفين سوا )
نبيل وهو بيبصلهم ب اعجاب : ايه المزز الي هلت دي الجامعة نضفت اوي 😍
اكرم وهو بيبصلهم : دي بينها احلوت ع الاخر 👏
الاء ب غيظ : م تتلم منك ليه مش واقفين مع بنات انتوا 😠
عمرو : يما اركني شوية خلينا نشوف الجديد !
شكران ب انتباه : نعم نعم بتقول حاجة سمعني !

*( ملحوظة .. شكران بنت جميلة ، بشرتها بيضة ، عيونها عسلي ، شعرها كيرلي بني ، عندها ١٩ سنة ، ف تانية كلية ، اهلها ناس اغنية وعمرو يبقا حبيبها )*

عمرو : بهزر ي قلبي 😅
شكران : اه بحسب 😐
الاء : شكلهم بنات شمال اصلاً !
شكران ب استغراب : ليه ؟!
الاء : مش شايفة منظرهم .. كأنهم جايين كباريه مش جامعة 🤷
شكران : عادي يعني شكل لبسهم كويس ومهتمين ب نفسهم متفهميش حد غلط من منظره
نبيل ب ضحك : ايوة ي شكران م انتي الي يشوف شعرك دة يقول عليكي من تنظيم القاعدة 😆
الكل : هههههههه 😆
شكران : وانت الي يشوفك يقول ابن بياع الترمس الي بيقف قدام باب الجامعة 💁
الكل : ههههههههه 😂
( شاهندا وغادة واقفين )
غادة ب حيرة : مش فاهمة حاجة م الورق دة !!
شاهندا ب تريقة : وانتي من امتى بتفهمي 🙄
غادة وهي بتذغدها ف كتفها : اتلمي 👊
شاهندا ب وجع : ااااه ايدك تقيلة 😠
غادة : احسن 😜

( متنسوش اللايك ورأيكم .. 🤍✨ )

#قصة_ضياع_الروح_ل_سهيلة_سعيد

#sohila_sa3ed