قصة : ( ضياع الروح ) ل سهيلة سعيد المنجي

الحلقة ٢٤

الحلقة الرابعة والعشرون { ٢٤ } 🥀

( يمشي اكرامي )
مروة وهي بتقرب ع سهيلة : لما تعوزي تيشحبي ف الموبايل ي اوختشي .. ميبقاشي ع الملا كدة ماشي 😉
( تتخض سهيلة والبنات )
مروة : عشان لو بس حاجة جت كدة ولا كدة ف ودن اكرامي
( تحط ايدها ع رقبة سهيلة )
مروة : الرقبة الحلوة دي هتشير فيها ورقبة فارس الاحلام كمان .. ماشي ي اوختشي ؟
( تمشي مروة )
غادة ب استغراب : هي سمعتك وانتي بتكلمي كريم ؟!
سهيلة ب خوف : شكلها كدة 🤦🏻‍♀
شاهندا وهي بتقعد ب تعب : طب خلي بالك والنبي مش ناقصين 😑
( تعدي الايام ، سهيلة ف المطعم الي شغالة فيه بتكلم كريم برة ، كريم واقف شايفها بس هي مش شيفاه )
كريم ب عدم فهم : مش فاهم حاجة !!
سهيلة : مش محتاجة فهم ي كريم .. بقولك متتصلش بيا تاني .. مينفعش نبقا مع بعض 😐
كريم ب استغراب : طب فهميني انا عملت ايه ؟!
سهيلة : بسببك حصل مشاكل بيني وبين اهلي .. انا اصلاً مينفعش ابقا معاك دة غلط م الاول 😟
كريم : حرام عليكي بعد م خلتيني احبك جاية تقوليلي كدة ؟!
( تتخض سهيلة )
سهيلة : بتحبني !!
كريم : ايوة بحبك ❤
( تتوتر متبقاش عارفة تقول ايه )
كريم : لو فعلاً هسببلك مشكلة مع اهلك انا مستعد اجي واطلب ايدك منهم .. بس متقوليش مينفعش نبقا مع بعض .. انا مقدرش اسيبك ي سهيلة 😟
سهيلة ودموعها بتنزل : كريم انت كدة بتصعب عليا الموضوع اكتر 😥
كريم : بالله عليكي انا ..........
سهيلة : لا خلاص انا قلتلك متكلمنيش تاني يعني متكلمنيش تاني لو بتحبني بجد ابعد عني 💔
( تقفل ف وشه بسرعه وتقفل الفون خالص وتدخل جوة تعيط ، كريم واقف عينه مدمعة ، يمشي ، مازن قاعد ف كافيه ، يقرب عليه نادر )
نادر وهو بيقعد قصاده : موضوع ايه ي بني الي عاوزني فيه قلقتني !!
مازن : مش عرفتلك مواضيع المزز
نادر ب تشويش : مزز مين ؟؟
مازن : البنات بتوع الملجئ 😉
نارد ب خضة : لا ي شيخ بتهزر !!
مازن : وربنا .. اخويا ابن الموكوس هيخطب واحدة منهم
نادر : مين فيهم ؟
مازن : غادة الي كنت انا متجوزها
نادر : ويعرف ان انت كنت متجوزها ؟!
مازن : لا ميعرفش طبعاً 🤷🏻‍♂
نارد : هتقوله ؟
مازن : مش عارف 😕
نادر : وشاهندا ؟
مازن : لا معرفش عنها حاجة
نادر : انا بروح هناك بس مبلغين الامن ميدخلونيش
مازن : بس انا لأ .. دة انت لو تشوف شكلهم دلوقتي بقا عامل ازاي تضرب نفسك بالجزمة انهم فلتوا من تحت ايدنا 👌
نادر ب ضيق : كله من امي .. لو كانت وافقت م الاول مكانش كل دة حصل وكان زماني بقيت معاها 😒
مازن : ملحوقة 🙂
( سارة قاعدة مع اخوها )
عبد الرحمن : وهتعملي ايه دلوقتي .. م توريه الڤيديو وخلاص 🤷🏻‍♂️
سارة : لا هصبر شوية كفاية الي حصلها .. دة هخليه لما احتاجه بجد
( ييجي الليل ، البنات ف night club ، شاهندا بتحط طلبات ع ترابيزة ، يمسك ايدها مازن ، تتخض )
شاهندا ب صدمة : مازن .. انت ازاي دخلت هنا 😳
مازن : زي الناس .. كان لسة والله من شوية بيسألني عنك
شاهندا : مين دة ؟!
مازن : نادر 😏
( تترعب شاهندا )
شاهندا : طب قوم امشي بدل م اندهلك الامن حالاً ⁦☝️⁩
مازن : لا انتي هتندهيلي غادة مش الامن
شاهندا ب انفعال : غادة ايه الي اندهالك انت اتهبلت 😠
مازن ب برود : هتندهيها ولا اتصل ب امير يندها ؟
( تتخض شاهندا وتمشي ، تقرب ع غادة )
شاهندا : غادة
غادة : نعم ؟
شاهندا : كلمي 💁🏻
غادة : مين ؟
شاهندا : مازن 😐
( تتخض غادة )
غادة : هو هنا ؟!
شاهندا : ايوة .. بيقولك كلميه او يتصل ب امير
غادة : يادي النيلة عليا انا كنت نقصاه ياربي 🤦🏻‍♀
شاهندا ب قلق : شوفيه ل يتصل بيه بجد 😕
( تمشي غادة تقرب عليه وهي مرعوبة )
غادة : عاوز ايه ؟
مازن : ايه القفش دة مفيش وحشتني اشتقتلك !
غادة ب نفاذ صبر : خلصنيييي
مازن وهو بيشد ايدها يقعدها : اقعدي طيب 👋
( تبص غادة حواليها ب خوف حاسة ان امير شايفها )
مازن : عاملة ايه ؟
( متردش ، بصاله وبتفتكر كل الي حصل ، تنزل دموعها ، يمسحهلها )
غادة وهي بتزق ايده : مش هتيجي دلوقتي تمسحهالي ✋
مازن : م تفكيها بقا 🙄
غادة : افكها !!!!
مازن : ايوة م انتي زي الفل اهو 🤷🏻‍♂
غادة : من برة بس .. شوفتني من جوايا ؟؟
( ميردش )
غادة : ولا عمرك هتشوفني 😒
( تقوم غادة ويقوم مازن )
مازن : ابقي اشبعي من امير بقا
غادة ب استغراب : يعني ايه ؟؟
مازن : سلام ✋
( يمشي مازن ، تعدي الايام ، قبل خطوبة غادة ب يوم ، سهيلة ف الاوضة ف البيت ، تدخل شاهندا )
شاهندا : يا سو
( سهيلة سرحانة )
شاهندا : يا زفتة !!!
سهيلة ب انتباه : ايه !!
شاهندا : سرحانة كدة ليه ؟!!
سهيلة : عادي 😒
شاهندا : عليا بردوا اعترفي ⁦☝️⁩
( تسكت سهيلة وتنزل دمعة منها )
شاهندا : كريم مش كدة ؟
سهيلة ب اشتياق : وحشني اوي 😥
شاهندا : سيبتيه ليه طيب ؟
سهيلة : انتي مشوفتيش مروة وهي بتهددني 💁🏻
شاهندا ب استغراب : ومن امتى كان بيهمنا كلامها ؟؟
سهيلة : لما تهددك بالي بتحبيه هيهمك كلامها
شاهندا : يعني انتى بتحبيه ؟؟
( متردش )
شاهندا : يبقى بتحبيه 😐
( تعيط سهيلة ، تاخدها شاهندا ف حضنها ، يوم خطوبة غادة وامير ، غادة والبنات وصحابها ف اوضة ف الفندق الي فيه القاعة ، فرحانين ومبسوطين والكوافير بيظبط شعرها )
سهيلة : هنزل اشوف الناس تحت
البنات : اوك
( تنزل سهيلة ، تشوف كريم ويشوفها ، ترجع تاني يروح وراها يشدها من دراعها يوقفها )
كريم : للدرجة دي مش عاوزة تشوفيني !!!!
سهيلة ب توتر : لا انا بس نسيت ال ..........
كريم : نسيتيني 💁🏻‍♂
سهيلة وعيونها بتدمع : ياريت .. ياريت اقدر 😐💔
كريم : انا نفسي افهمك بس .. كل حاجة ليها سبب وانا مش فاهم ايه السبب الي قلبك عليا كدة !!!
سهيلة : عشان خايفة عليك 😕
كريم ب استغراب : من ايه ؟!!!
سهيلة : اكرامي لو عرف ان في حاجة بينا مش هيكفيه رقبتك
كريم ب فهم : اه هي الحكاية كدة !!!
سهيلة : ايوة 🤦🏻‍♀
( يقرب عليها )
كريم : وانا مش خايف منه .. ولا عايزك انتى كمان تخافي
سهيلة : كريم انا حصلي مصايب كتير ف حياتى اكرامي الي نجدني منها .. وف المقابل مسك عليا زلة .. عشان افضل ليه هو لوحده 💔
كريم ب عدم فهم : مش فاهم !!
سهيلة : دة موضوع طويل
كريم : عاوز اسمعه لو سمحتي 😕
( تحكيله سهيلة ع كل حاجة ، امير ف اوضة مع صحابه )
نبيل : هههههه مالك ي عم دي خطوبة لسة متقلقش 😂
امير ب توتر : ي سيدي اول مرة اخطب وخايف اعك الدنيا 🤦
اكرم : لا متقلقش احنا وراك 💪
( يدخل مازن )
نبيل : اخو العريس شرف 👏
مازن : ممكن تسيبونا لوحدنا 😒
( يستغرب الكل ويمشوا )
امير ب قلق : في حاجة ولا ايه ؟!
مازن : عاوزك ف موضوع يخص غادة
امير ب استغراب : غادة خطيبتي ؟
مازن : اه 😐

( متنسوش اللايك ورأيكم .. 🤍✨ )

#قصة_ضياع_الروح_ل_سهيلة_سعيد

#sohila_sa3ed