قصة : ( ضياع الروح ) ل سهيلة سعيد المنجي

الحلقة ٢٦

الحلقة السادسة والعشرون { ٢٦ } 🕊

( تشتغل اغاني ، تقوم سارة ترقص وتجر شكران مترضاش شكران ترقص تجر عمرو وشوية بنات وشباب ويرقصوا واحمد واقف بيسقف ، تشده سارة وترقص معاه عشان تغيظ شاهندا بس احمد ميرضاش يرقص ، تقرب الاء ع شاهندا )
الاء : شكلها بتستفزك 🤔
شاهندا : هبلة .. متعرفش ان دة ملعبي 🙂
( تقوم شاهندا تقرب ع شكران )
شاهندا : قومي نرقص
شكران ب ضيق : لا مش ف المود خالص ✋
شاهندا : قومي بقا بلاش بواخة
شكران : سبيني والنبي ي شوشو 😑
شاهندا وهي بتشدها : لا قومي والله هزعل منك دة فرحك يلااااا
( تاخدها ف حتة فاضية ويرقصوا ، تركز عليهم الكاميرا وطبعاً شاهندا متتوصاش ف الرقص ، رقاصة 😊👌 )
ابو احمد وهو بيبص ل شاهندة : مؤدبة هااا دي ولا الرقاصين 🤷🏻‍♂
ام احمد : الله مش فرح صاحبتها 🙄
( يشوفوهم الناس ف شاشات العرض ، يبدأ الكل يقربوا يرقصوا معاهم وخصوصاً الشباب واقفين يسقفوا ، تتغاظ سارة لما تشوفها ، يشوفها احمد يتضايق ، تقرب عليه سارة وتحط ايدها ع كتفه )
سارة ب استفزاز : ايام م كنت متجوزاك مكنتش اقدر اقوم من ع الكرسي الي انا قاعدة عليه .. مشاء الله عليها .. رقاصة 😏
( يزق ايدها من ع كتفه ب غيظ ، يعدي الوقت ويخلص الفرح ، شاهندا واقفة قدام القاعة بتدور ع احمد )
شاهندا : الاء مشوفتيش احمد ؟
الاء : شوفته واقف مع شكران عمالة تعيط مش عاوزة تروح مع عمرو 🤷
شاهندا : ههههه لا والله !!
الاء : اه والله ههههه 😄
( احمد واقف مع شكران وعمرو جنب العربيات )
احمد : طب اركبي دلوقتي وبعدين نتكلم
شكران : لا قلت هروح بيتنا ⁦☝️⁩
عمرو : ي شكران انتي محسساني اني متجوزك غصب عنك !!
شكران ب خوف : مش حكاية كدة حكاية اني مش هدخل معاك بيت لوحدينا وابات معاك كمان لاااا لأ 😧
احمد : اومال اتجوزتيه ليه ؟!
شكران : معرفش بقا انا عاوزة اروح 🙄
احمد ب انفعال : م بلاش ام الدلع دة بقا وغوري اركبي مع جوزك 😠
( تتخض شكران )
شكران ودموعها بتنزل : انت متعصب عليا ليه 😥
احمد ب ضيق : عشان انا ع اخري اتفضلي اركبي 👈
( تركب شكران مع عمرو وهي بتعيط ويمشوا ، تقرب شاهندا ع احمد )
شاهندا ب استغراب : مالك ي احمد ؟!
احمد : يعني مش عارفة مالي ؟!
شاهندا : لا في ايه !!
احمد : ايه المسخرة الي كنتي عملاها جوة دي ؟!
شاهندا : عشان رقصت ؟
احمد : بتسمي دة رقص دة انا لو كنت جبت صافيناز الفرح مكانتش هترقص كدة 🤷🏻‍♂️
شاهندا : هههههه كنت عاوزة افرفش شكران بس لقيتها زعلانة 😄
احمد وهو بيسقف : لا براڤو عليكي فرفشتي الفرح كله 👏
شاهندا : بتغير يعني 😌
احمد : اه بغير عندك اعتراض ؟
شاهندا وهي بتقرب عليه : لا ي روحي مش عندي اعتراض بس هدي حالك كدة 🥺
احمد : ابعدي كدة بلاش تماحيك مازلت زعلان 😒✋
شاهندا ب دلع وهي بتحط ايدها ع كتفه : لااااا متزعلش ي قلبي 🥺
احمد وهو بيحط ايده ف وسطها : حيث كدة بقا تعالي اعزمك ع العشا ف مكان رومانسي 😉
شاهندا : اشطااا 😁
( شكران ف العربية مع عمرو )
عمرو : ممكن تبطلي عياط 🙄
( تمسح دموعها )
عمرو : مش دة الي كنتي عوزاه اننا نتجوز .. زعلانة ليه دلوقتي ؟!
شكران : مش زعلانة انا بس .. لسة مخدتش عليك 😔
عمرو : اعرفك بقالي سنتين ولسة مختيش عليا !
شكران : لا قصدي اننا نبقا ف بيت واحد كدة 😟
عمرو : متخافيش انا والله مش بكهرب
شكران : ههههه 😄
عمرو : فكيها بقا 😉
شكران : اوك
( يبوس ايدها )
شكران : دة اخرك انهاردة ⁦☝️⁩
عمرو : باينها ليلة زي الفل 😊
شكران : ههههه 🤭
( سهيلة قاعدة ف جنينة الڤيلا بتكلم كريم ف الفون )
كريم : بتعملي ايه دلوقتي ؟
سهيلة : قاعدة 🙆
كريم : قاعدة .. قومي ابت اقفي وانتب بتكلميني
سهيلة : لا والله انت هتشتغلي دور سي السيد من دلوقتي !
( يقرب اكرامي يقف وراها سامعها )
كريم : طبعاً ي قلبي عندك اعتراض ؟
سهيلة : بالزمة بعد قلبي دي هعترض 😍
كريم : هههههه اقنعتك 😂
سهيلة : ههههههه رخم 🤭
( ياخد اكرامي الفون من ع ودنها ، تتخض سهيلة وتقوم تقف )
اكرامي : الو .. الووووو !
( يتخض كريم ويقفل ، سهيله واقفة مرعوبة )
اكرامي : بتكلمي مين ؟
سهيله ب خوف : ولا حد 😐
اكرامي ب زعيق وهو بيمسكها من دراعها ب عنف : هتسبهبلي اهلي 😠
سهيله ب وجع : ااااي 😦
( تقرب مروة ، يفتح اكرامي الفون ويرن ع كريم ، ميردش كريم )
اكرامي : مين كريم ده ؟!
( متردش )
اكرامي ب زعيق : انطقيي 😡
سهيله وهي بتشد ايدها منه : وانت مالك اصلاً !!
مروه : لا ماله ي حبيبتشي دة انتي ف حكم المخطوباله 💁🏻
سهيله : مخطوبه لمين انا موافقتش 🤷
اكرامي : هتوافقي ⁦☝️
سهليه : انت بتحلم !
اكرامي ب غيظ : طب ماشي ي سهيلة .. انا هعرفك اذا كنت بحلم ولا صاحي 😐
( يمسك اكرامي الفون وينقل رقم كريم عنده ويتصل ب وليد )
اكرامي : انت فين ياط وليد .. عايزك ف حوار تعلالي
( يمشي اكرامي وهو بيتكلم وياخد فون سهيلة معاه )
مروة : م قلتلك خليكي ف الدرى كان لازم تسيحي يعني .. ادي دقني ان طلع عليه نهار ⁦🙂
( تتخض سهيلة ، يرجع اكرامي يجرجر سهيلة من شعرها )
سهيلة ب صريخ : ااااااه اوعاا سيبنيييييي !!
( تطلع غادة ع الصوت وتوصل شاهندا )
شاهندا ب قلق : في ايه ؟!
( يجرجرها ع جوة )
غادة ب خوف : في ايه ي اكرامي سيبهااا !!
شاهندا ب خضة : عملتلك ايييه ؟!
( يدخلها اوضة ويقفل عليها )
سهيلة وهي بتهبد ع الباب : افتااااااح 🙌🏻
شاهندا : عملتلك ايه !
اكرامي : ملكوش دعوة ✋
( يمشي اكرامي )
سهيلة ودموعها بتنزل : افتح بقااا
( يكلموها البنات من برة )
غادة : اهدي استني
سهيلة : خليه يفتحلي 😟
شاهندا ب استغراب : عملتيله ايه طيب ؟!
سهيلة ب عياط : سمعني وانا بكلم كريم 😥
( يتخضوا البنات )
شاهندا : يلهوي 🤦🏻‍♀
غادة : يادي المصيبة !!
( بعد شوية ، ييجي وليد )
وليد : خير في ايه ؟!
اكرامي : شوفلي الرقم دة مكانه فين
وليد : اوك
اكرامي : دلوقتي ☝️
وليد ب استغراب : دلوقتي !!
اكرامي ب اصرار : دلوقتي 😠
وليد : اوك دلوقتي 🤷🏻‍♂
( يمشي وليد ، يوصل عمرو وشكران البيت ، شكران واقفة ع باب الشقة )
عمرو : ادخلي ي بنتي
( تدخل شكران متوترة ، تجري ع اوضة النوم )
عمرو : مستعجلة ليه كدة ؟!
( تدخل شكران الاوضة وتقفل عليها بالمفتاح )
عمرو ب خضة : ايه دة .. شكران مفيناش من كدة افتحي الباب 👊👊👊
شكران : هنام شوية وبكرة افتحلك
عمرو : طب وانا انام فين ؟!
شكران : محدش قالك تجيب شقة واسعة 😌
عمرو ب عصبية : ايوة انتي اخرك حماااام 😠

( متنسوش اللايك ورأيكم .. 🤍✨ )

#قصة_ضياع_الروح_ل_سهيلة_سعيد

#sohila_sa3ed