قصة : ( ضياع الروح ) ل سهيلة سعيد المنجي

الحلقة ١٧

قصة : { #ضياع_الروح } ✂️🥀

الحلقة السابعة عشر { ١٧ } 🕊️

كريم : ماشي لو معنديش شغل هاجي
رودي : لا هتيجي حتى لو عندك
كريم : والله لسة مطلعوش مني نسخة تانية 🤷🏻‍♂
رودي ب تحايل : بليز ي كريم ابقا خد يوم اجازة ولا حتى ساعتين تغني فيهم وترجع الشغل تاني .. وبعدين نسيت اقولك ان الخطوبة بالنهار اصلاً وانت شغلك بالليل يعني معندكش حجة ✋
كريم : خلاص حاضر
رودي ب فرحة : اشطاااا 😃
( ف الكلية ، تقرب شكران ع البنات تقعد معاهم )
شكران : وربنا واطيين ايه الي مشاكم امبارح ؟
شاهندا : مرات اخوكي الي هزقتني 💁🏻
شكران : فكك منها هي كدة متزعليش
شاهندا ب ابتسامة : مش زعلانة حصل خير 😊
شكران : وبعدين هو احمد مصالحكيش امبارح ولا ايه 😉
غادة : هههههههه 😆
شاهندا ب انفعال : اتلمي ي كلبة منك ليها احنا صحاب وبس ماشي 🙅🏻‍♀️
شكران ب ضحك : ماشي ماشي هدي حالك ههههههه 😂✋
( يقرب امير )
امير وهو بيقعد : صباح الخير
الكل : صباح النور
امير : عاملين ايه ؟
البنات : الحمدلله كويسين
امير : غادة ابقي قولي ل عمك يحددلي ميعاد عشان هاجي انا واهلي نتقدملك
( تتخض غادة وشاهندا ويبصوا لبعض )
غادة : تتقدملي 😳
امير : ايوة
غادة ب ارتباك : بس عمي ا ........
شاهندا : هنقوله اكيد اوك 😀
( تبصلها غادة )
امير ل غادة : طب تمام ابقي ردي عليا
( متردش غادة مصدومة )
امير ب استغراب : غادة !!
شاهندا : بت !
غادة ب انتباه : ايوة !
شاهندا : امير بيكلمك 😐
امير : متنسيش تردي عليا
غادة : اه حاضر حاضر
( ف بيت اكرامي ، قاعد مع مروة )
مروة ب انفعال : جواز رسمي ايه الي طلبته منها حتيش البيتش المصدية دي 😠
اكرامي : وانتي زعلانة ليه .. وبعدين انا بحبها ♥️
مروة : انت بتشهرج ي اكرامي انت بتشحبها بجد ؟!
اكرامي : ايوة اومال بهزار
مروة : لا انت اجننتش رسمي 😑
اكرامي : خليكي ف حالك انتي بس وكل حاجة هتبقا فل ✋
مروة ب يأس : ماشي ي اكرامي براحتك يخويا انت حر 🤷
( البنات واقفين قدام الكلية مستنيين السواق )
غادة : اكيد زعلانة طبعاً هييجي يقابل مين .. ولا اب ولا ام وفين عمى دة 😟
شاهندا : هنتصرف متعقديش الموضوع بس
غادة ب حزن : متعقد لوحده ي شاهندا 😔
شاهندا : متقلقيش
( يوصل السواق ياخدهم ويمشوا ، تخلص سهيلة شغل ، تطلع تركب تاكسي وتمشي ، ف الطريق ، بتتكلم ف الفون )
سهيلة : اظن كفاية دلع بقا انا معكوكة ف الشغل بدالكم متروحوش البيت تناموا تيجوا ع الشغل ع طول عشان كمان اكرامي مشتكي منكم ل مروة وانا مش عاوزة حد يضايقكم بالكلام
شاهندا : لا هنروح نغير ونييجي ع طول عشان كمان عاوزينك ف موضوع ضروري
سهيلة : موضوع ايه ؟
شاهندا : لما نوصل هنقولك
سهيلة : خلاص اوك .. باي
( تقفل سهيلة ، وفجأة )
سهيلة ب صريخ : حاسبببب 😨
( يفرمل السواق مرة واحدة ع شاب معدي الطريق ب موتوسيكل عشان ميخبطوش يطلع ع الرصيف يخبط ف عامود يافطة كبيرة وتتخبط سهيلة ف راسها ، تقرب الناس تحاول تخرج السواق م العربية مغمى عليه ، تفتح سهيلة باب العربية وتنزل منها دماغها متعورة ودايخة مادة ايدها عاوزة حاجة تسند عليها وقبل م تقع ، تلاقي نفسها بتسند ع كريم ماسك ايدها )
كريم ب قلق : انتي كويسة حصلك حاجة ؟؟
( يبعد شعرها يلاقيها متعورة ف دماغها )
كريم ب قلق : انتي متعورة حاسة ب أيه !
سهيلة وهي مغمضة عيونها : دايخة .. حاسة اني هقع .. متخلنيش اقع والنبي 😔
كريم وهو ماسك ايدها : متخافيش انا ساندك 👋
( كل دة وسهيلة مش شايفة دة مين لانها دايخة ، يطلبوا الاسعاف والناس تطلع السواق م العربية ويفوقوه ، توصل الاسعاف تاخدهم ، كريم يقول انه عارفها ويركب معاهم ، يوصلوا المستشفى ، يدخلوا ع الطوارئ ، البنات وصلوا ال night club )
غادة : مروة هي سهيلة لسة مجاتش ؟
مروة : لا لسة
شاهندا ب استغراب : لسة ازاي دي ماشية قبلينا واحنا رحنا البيت كمان وجينا !!
مروة : م تتصلوا بيها ايه الذكاء دة ي اوختشي 🤷
( تمسك غادة الفون ، ف المستشفى ، تقرب الممرضة ع كريم )
الممرضة : دة موبايل الانسة بيرن بقاله ياما
( تديهوله )
كريم : اوك
( يرد كريم )
كريم : الو
غادة ب استغراب : مين معايا ؟!
شاهندا : في ايه ؟!
غادة : استني ✋
كريم : انا حد متعرفهوش بس صاحبة الموبايل عاملة حادثة وهي ف المستشفى
غادة ب خضة : احيييه سهيلة !!
شاهندا ب خضة : م تنطقي في ايه مالها سهيلة ؟!
غادة : عملت حادثة 😧
شاهندا ومروة : يلهوووي !!
كريم : متقلقوش هي كويسة متعورة بس بسيطة .. السواق هو الي متدمر
شاهندا : في انهي مستشفى ؟؟
غادة : مستشفى ايه ؟
كريم : مستشفى ال ******
( تقفل غادة )
مروة : هي كويسة ولا ايه ؟
غادة : بيقول تعويرة بسيطة السواق هو الي متدمر 😧
مروة : ينهار اسوح استنوا هروح اقول ل اكرامي
شاهندا : مع حالكم انتوا احنا ماشيين يلا ي غادة 🏃🏻‍♀️
( تمشي شاهندا وغادة ، تجري مروة ع مكتب اكرامي )
مروة : اكرامي الحق
اكرامي ب قلق : في ايه ؟!
مروة : البيتش سهيلة عاملة حادثة
اكرامي وهو بيقوم ب خضة : ايه !!
( ف المستشفى ، سهيلة ف اوضة لافين دماغها والدكتور معاها بيقيسلها الضغط وبيطمن عليها ، كريم واقف قصاد الاوضة عمال يفرك ف صوابعه متوتر كأنه يعرفها )
الدكتور : هتقعدي معانا انهاردة وان شاء الله بكرة نطمن عليكي
سهيلة : شكراً ي دكتور
الدكتور : العفو
( يطلع الدكتور )
كريم ب قلق : هي كويسة ؟؟
الدكتور : اه كويسة الحمدلله
كريم ب ارتياح : الحمدلله
( يمشي الدكتور ، كريم واقف متردد يدخلها ، يدخل كريم ، تشوفه سهيلة تستغرب )
كريم : انتي كويسة ؟
( تفتكر صوته )
سهيلة ب استغراب : هو انت الي سندتني ف الشارع ؟!
كريم : اه انا .. بقيتي احسن دلوقتي ؟
سهيلة : اه الحمدلله .. مع اني مش طيقاك .. بس شكراً انك وقفت جنبي 🙂
كريم ب ابتسامة : العفو .. وانا بعتذرلك ع الي حصل قبل كدة .. طيش شباب بقا انتي عارفة 😅
سهيلة : اها عارفة 🙄
كريم وهو بيديها الفون : موبايلك 🤳
كريم : في بنت اتصلت اسمها غادة وانا قلتلها انك هنا وجاية
سهيلة ب خضة : يلهوي زمانهم قلقانين اوي !!
كريم : لا انا فهمتهم انها حاجة بسيطة .. بس اكيد قلقانين اه 😐
سهيلة : متعرفش السواق حصله ايه ؟
كريم : عنده جروح كتيرة مطرح الازاز الي اتكسر
سهيلة : ربنا يشفيه
( يدخلوا البنات )
شاهندا ب قلق : انتي كويسة ؟
غادة : حصل ايه !!
( يحضنوها ويقعدوا جنبها )
سهيلة : انا كويسة متقلقوش
( يشوفوا كريم )
شاهندا ب استغراب : ايه الي جاب دة هنا ؟!
كريم : انا .........
غادة ل سهيلة : ايه الي جابه ؟!
سهيلة : اهدوا بس دة فضل معايا لما طلعت م العربية كنت دايخة سندني لحد الاسعاف م جت
شاهندا : لا والله !!
كريم : اولاً انا كريم ثانياً انا اسف اذا كنت ضايقتكم قبل كدة
غادة : حصل خير ومتشكرين ع الي عملته معاها
كريم : العفو
( يدخل اكرامي ومروة )
اكرامي ب لهفة : انتي كويسة ؟؟
سهيلة : اه الحمدلله
اكرامي وهو بيبص ل كريم ب استغراب : مش دة الي بيغني ف المطعم ؟!
سهيلة : اه 😐
اكرامي : ايه الي جابه هنا ؟!