قصة : ( ضياع الروح ) ل سهيلة سعيد المنجي

الحلقة ٢٢

الحلقة الثانية والعشرون { ٢٢ } 🕊

سارة : انتي ممكن تكوني مستغرباني .. بس انا بحب احمد اوي هو كل حاجة ليا .. بس اكيد هحب انه يكون فرحان .. وهو شكله فرحان معاكي ف انا مش هعارض دة .. خلي بالك منه اوك 🙂
شاهندا : اوك 🙂
سارة : ثواني اشوف الدادة جابت ادم ولا لسة
شاهندا : ادم ابنك ؟
سارة : اها .. هتشوفيه دلوقتي هتحبيه اوي
شاهندا : اها 😊
سارة وهي بتمسك الفون : الو .. ايوة ي دادة .. وصلتي .. طيب نزلالك
( تقفل سارة )
سارة : معلش هستأذنك دقتين بس عشان الدادة جابت ادم ومستنية تحت اصلها ست كبيرة ومبتقدرش تطلع السلم وبتخاف من الاليڤيتور
شاهندا : طب اجي معاكي ؟
سارة : لا لا خليكي هنا انا دقتين بالظبط هجيبه بس ✋
شاهندا : اوك !
( تاخد سارة فونها وتنزل وتقفل الباب وراها )
سارة : سهرة حمرا ي حلوة 😏
( تنزل سارة م العمارة وتركب عربيتها ، تمسك الفون )
سارة : خلاص اطلعوا
( تقفل وتمشي ، شاهندا قاعدة محروجة )
شاهندا ب استغراب : في واحدة تسيب حد متعرفهوش ف بيتها وتمشي 🙄
( يطلع من جوة اوضة شابين ، تستغرب شاهندا ، يقربوا عليها )
شاهندا ب توتر وهي بتقف : سارة نزلت تجيب ادم 😐
شاب ١ : سارة مين ؟!
( يقربوا عليها اكتر وهي تبعد )
شاهندا ب خضة : هو في ايه 😦
شاب ٢ : لا بصي م انتي خليكي ريلاكس كدة عشان منتعبش مع بعض ماشي 😉
شاهندا ب توتر : ريلاكس ايه انا عاوزة امشي !!
( تمشي شاهندا يروح واحد منهم وراها يشيلها من ضهرها ، تتخض )
شاهندا ب صريخ : اوعااااااا 😨
شاب ١ : بطلي صويت محدش ف العمارة عشان يسمعك
شاهندا ب صريخ وعياط : حرام عليكوا عاوزين مني ايييييه 😣
( يدخلوها اوضة يرموها ع السرير ويقربوا عليها واحد يكتفها والتاني يقطع هدومها وهي تصوت مش قادرة عليهم ، عبدالرحمن ف القسم ، يرن فونه )
عبد الرحمن : ايه الاخبار ؟
سارة : زمانهم بدؤا يادوب تروح
عبد الرحمن : اوك نازل
( يقفل عبد الرحمن وينزل من مكتبه ، يقابل احمد )
احمد : رايح فين ؟
عبد الرحمن : في طالعة كدة هخلصها واجي
احمد : اوك لما تيجي تعلالي عشان كنت عاوز اكلمك ف الي حصل 😒
عبد الرحمن : فكك م الي حصل اختي وانا عارفها ✋
احمد : ماشي .. ابقا عدي عليا بردوا
عبد الرحمن : اوك سلام ✋
( ف الشقة ، شاهندا ف الاوضة واخدين هدومها ومغطينها وهما قالعين وواحد منهم مكتف ايدها وهي عمالة تصوت وتعيط )
شاب ٢ : يلا اديهالها انجز
شاهندا : حرام عليكم بقا بااااااس 😖
( يديها ابرة ف دراعها ، يغمى عليها )
شاب ٢ ب ارتياح : يخربيت صوتها طرشتني 😑
شاب ١ : بقولك ايه هما لسة مجوش م تيجي .........
شاب ٢ : انسى ✋
شاب ١ : ليه بس 🙄
شاب ٢ : متفقناش معاهم ع كدة
شاب ١ : وهما هيعرفوا منين ي عم دي فرصة قدامنا 🤷🏻‍♂️
شاب ٢ : بقولك ايه متجبلناش مصيبة مش هنلمسها واهدى بقا
شاب ١ ب يأس : طيب .. هو المخدر دة بيقعد اد ايه ؟
شاب ٢ : نص ساعة وبتكمل نوم عادي .. زمانهم جايين
( يناموا جنبها ، ف ال night club )
سهيلة ب استغراب : هي شاهندا اتاخرت كدة ليه ؟!
غادة : راحت تقابل مرات احمد
سهيلة ب خضة : لا ي شيخة !!
( بعد شوية ، يوصل عبد الرحمن العمارة هو وعساكر ، يطلعوا الشقة ، يكسروا الباب ويدخلوا ، يفتحوا باب الاوضة ، تفتح شوهندة عينها مخضوضة ع الصوت )
عبد الرحمن : هاتوهم 👋
( تقوم شاهندا تلف الملاية عليه ب خوف وخضة ، ياخده الشباب ويجرجروها معاهم ويطلعوا من اوضة تانية واحد وواحدة تانيين )
شاهندا ب خضة : والله انا كنت جاية ل سارة 😧
عبد الرحمن ب زعيق : سارة مين ي روح امك دي شقة مشبوهه هتستهبلي ي بت 😠
شاهندا ب عياط : والله م اعرفهم والله 😣
عبد الرحمن وهو بيزقها : انزليييي 👋
( ياخدوهم ع القسم )
عبد الرحمن : مروان
مروان : ايوة ي باشا ؟
عبد الرحمن : خد الشلة دي ع الحجز .. ووصيهم ع ام شعر بني دي 👈
مروان : حاضر ي باشا .. خدهم ي بني
( ياخدوهم العساكر ، شاهندا عمالة تعيط )
عبد الرحمن : اه وبعدين دخلهم ل احمد باشا 🙂
مروان : امرك ي باشا ✋
( يدخلوا شاهندا الحجز هي والبنت التانية ، تقعد شاهندا ع جنب تعيط )
ست ١ : بس ياط حلوة بطلي تزييق 🙄
شاهندا : خليكي ف حالك !
ست ١ ب انفعال : انتي بتردي عليا ي بنت الكلاب 😡
( يتلموا عليها ٣ ستات يضربوها وهي تصوت ، احمد ف مكتبه ، يخبط الباب )
احمد : ادخل
العسكري : ادخل يلا منك ليها
( يدخلوا ٣ شباب وشاهندا والبنت التانية وراهم )
احمد ب تنهيدة : شكلكوا اداب 😒
( تتخض شاهندا اما تسمع صوت احمد وتقول ف سرها اكيد شبهه لانها واقفة وراهم مش شيفاه ولا هو شايفها )
العسكري : ايوة ي باشا اداب
( يجرها العسكري من دراعها قدام احمد )
العسكري : ودي مع اتنين ⁦✌️⁩
( يتخض احمد وشاهندا كمان )
احمد : روح انت !!
العسكري : تحت أمرك
احمد : استنى وخدهم معاك دلوقتي
( ياخدهم العسكري )
احمد وهو بيشاور ع شاهندا : سيب دي 👉
العسكري : امرك ي باشا
( يسيب شاهندا وياخد الباقي ، شاهندا تحط وشها ف الارض دموعها بتنزل محروجة منه ، يقوم احمد يقرب عليها )
احمد ب استغراب : ايه الي جابك هنا .. وايه المنظر دة !!
( تعيط شاهندا اكتر )
احمد ب زعيق : انطقييي .. انتي كنتي معاهم ؟؟
( متردش بتعيط )
احمد وهو بيمسكها من دراعها ب عنف : ردي ع الي جابوني 😡👋
شاهندا ب عياط : مراتك الي ودتني هناك 😥
احمد ب استغراب : مراتي !!
شاهندا : طليقتك 
احمد ب عدم فهم : ازاي ؟!
شاهندا ب عياط : اتصلت بيا وقالت عاوزة تقابلني عشان تعتذرلي عن اي حاجة فاتت .. رحتلها وبعدين قالتلي هتنزل تجيب ادم م الدادة .. سابتني ف الشقة ومشيت .. وطلعوا عليا شابين م الاوضة 😥
احمد ب زهول : سارة عملت كدة ؟!!
شاهندا : ايوه
احمد : وفين هدومك ؟؟
شاهندا ب عياط : خدوها مني الاتنين الي كانوا واقفين غصب عني .. مقدرتش عليهم .. وبعدها ادوني ابرة منوم ومعرفش عملوا فيا ايه .. قمت ع صوت زعيق الظباط لما جم خدونا .. مراتك بهدلتني 😣💔
( ياخدها ف حضنه ، تعيط اكتر )
احمد : بس اهدي !
شاهندا ب انهيار : حرام عليها انا مأذتهاش بالطريقة دي .. معملتش فيها حاجة .. حرام عليها 😣
احمد وهو بيمسح دموعها : اهدي انتي بس وانا هتصرف
شاهندا : انا عاوزة اروح .. بالله عليك روحني من هنا ي احمد انا خايفة 😥
احمد : هروحك
( يقلع احمد القميص الي لابسه ويلبسهولها )
احمد : اقعدي
( يقعدها )
احمد : خليكي هنا هجيبلك هدوم وبعدين اروحك اوك
شاهندا ب خوف : متسيبنيش لوحدي 😦
احمد : متخافيش محدش هيقدر يلمسك هنا .. انا مش هغيب بس عشان اعرف اخرجك .. مش هعرف اخرجك كدة 😕
شاهندا : اوك 😔
( يبوس دماغها ويطلع م الاوضة )
احمد : محدش يدخل هنا لو ولع القسم فاهم ⁦☝️⁩
العسكري : فاهم ي باشا ✋
( يمشي احمد ، الكل ف القسم مستغربه عمالين يبصوله ماشي عريان ، يقرب ع الحجز )
احمد : افتح
( يفتح العسكري الحجز ، يقلع احمد ساعته ويديها للعسكري ويدخل ع اخره ، المساجين يقوموا يقفوا )
احمد : اقفل 😒

( متنسوش اللايك ورأيكم .. 🤍✨ )

#قصة_ضياع_الروح_ل_سهيلة_سعيد

#sohila_sa3ed