34.
Raising the white flag
Third Person's POV
“Curt sigurado ka ba dito?” Nag-aalalang sambit ni Erin nang dahan-dahang bumaba si Curt papunta sa ilalim ng isang madilim na lagusan.
“Wala na akong ibang maisip na paraan papunta sa monitoring rooms. Hindi na tayo ligtas. You have to trust me with this.” Wika ni Curt at inabot ang kamay kay Erin.
Nag-aalangan man, dahan-dahang napahawak si Erin sa kamay ni Curt at humakbang narin patungo sa lagusan.
Biglang dumaan sa harap ni Erin ang isang malaki at galising daga bagay na muntikang nagpatili sa dalaga, mabuti nalang at agad itong napatakip sa kanyang bibig.
“Erin close your eyes at humawak ka lang sa paa ko.” Wika ni Curt kaya tumango-tango si Erin at napapikit. Humawak siya ng mahigpit sa putikang sapatos ni Curt at nagsimulang gumapang sa napakadilim at maalikabok na lagusan.
Gapang lamang ng gapang ang dalawa sa masikip at at maruming lagusan. Kapwa nila hindi alam saan pupunta pero pilit silang nagpapakatatag.
“Curt?” Tanong ni Erin nang bigla na lamang huminto si Curt sa paggapang nang malapit na sa isang palikong parte ng lagusan.
“May naririnig ako..” Mahinang sambit ni Curt at sinenyasan si Erin na wag gumawa ng ingay.
Huminga ng malalim si Curt at muling nagsimulang gumapang. “Erin if something happens—Ahhh!”
Nakakailang hakbang pa lamang siya nang bigla na lamang siyang may makabangga.
Gulat na gulat silang lahat sa nangyari kaya lahat sila nagsigawan ng ubod ng lakas. Nang tingnan kung sino ang nakabangga, nagulat sina Curt at Erin nang makita si Robbie, nakapikit habang sumisigaw ng ubod ng lakas at paulit-ulit na nauuntog kasi pilit itong tumatakbo palayo dahil sa matinding gulat.
Hindi nakapagpigil si Curt at agad na binatukan ang kaibigang takot na takot.
“Robbie kalma! Ako to!” Sigaw ni Curt kaya natigil si Robbie sa pagsigaw.
Hingal na hingal man, dahan-dahang idinilat ni Robbie ang mga mata.
“Curtis? Nyeta.” Mahinang sambit ni Robbie na mistulang nabunutan ng napakalaking tinik.
“Curtis?! Curtis si Erin?!” Umalingawngaw ang sigaw ni Ria na nasa likuran ni Robbie.
“Ria!” Napahagulgol si Erin nang marinig ang boses ng kaibigan.
“Erin!” Sigaw naman ni Dominic na nasa likod din nila Ria.
“Kuya Dominic?!” Bulalas ni Erin at lalo pang naiyak sa boses ng pinsan.
“Robbie!” Sigaw naman ni Robbie kaya si Ria naman ang nambatok sa kanya.
Muli, nagsimulang gumapang ang anim sa pangunguna ni Robbie. Lahat sila walang kaedi-ediya saan pupunta lalong-lalo na’t maraming paliko-likong parte sa lagusan, nagbabakasakali lamang sila sa bawat dinadaanan.
“Shhh!” Biglang senyas ni Robbie kaya natigil silang lahat sa paggapang.
“Robbie bakit?” Tanong ni Erin.
“May tao.” Bulong ni Robbie sabay turo sa ibabaw at sinenyasan ang mga kaibigang mag dahan-dahan.
Habang gumagapang ay may kung anong narinig si Erin dahilan bakit siya biglang napatingala, laking gulat ng dalaga nang bigla na lamang nagliwanag ang ibawbaw niya, napasigaw na lamang siya nang biglang may humugot sa kanya mula sa lagusan.
BINABASA MO ANG
Slaughter High 2 : Terror Never Dies
Horror[REVISED] They thought it was over, little do they know, it was only the beginning.
