هااااي ، وش رااكم ؟؟ ما تنساوش الفوت وتبارطاطيو الكرونيك 😘 لاااف يووو
الحلقة 33 ::
جازو قريب ثلاث ايام ..
ماكاش جديد ، الروتين القديم غير هو ، وكنزة تحاول تبعد على ادهم الماكس وهو العكس يحاول يقرب منها الماكس .. ورجعت تصلي صلاوتها كلهم ف الوقت وتقرا القرآن كل يوم قبل ما ترقد، حتى ادهم روماركا التغير هذا ...اييه ، لحق اليوم لي رح نسميه "المشؤوم" ...
ناضو ادهم وكنزة .. وراحو يشربو القهوة ..كنزة : تخدم ؟
ادهم : ايه كي العادة
كنزة (قلبها مزير) : لوكان نقعدو فالدار اليوم ماشي خير ، نحس روحي تعبانة !
ادهم : مانقدرش لازم نخدم اليوم ..
كنزة : حابة نقولك حاجة
ادهم : وشنو؟
كنزة : ماعلاباليش كيفاش ولا علاش، بصح حاسة روحي حابة نتحجب
خزر فيها مشوكي ..
ادهم : صح؟؟؟
كنزة : ايه
ادهم : ماتفهمينيش غالط ولا بصح حاس صرالك تغير فهاد اليامات اللخرين
كنزة : اممم ... حاجة تبدلت فيا الداخل خطرة وحدة
ادهم (تبسم) : مادام راكي تروحي للاحسن معنتها هادي حاجة من عند ربي
سكتت كنزة مشي عارفة سبب التغير هذا، مي الفترة لي جوزتها مع سوسن بدلت بزاف صوالح فيها، كانت يوم ف الليل تحكيلها على الحجاب وتنصحها، وهي كانت تتشرب النصائح هادوك، ويستقرو داخل عقلها، واقتنعت بيهم بلاما تفيق ..
كملو الفطور ، وخملت كنزة الكوزينة وراحت لبست جينز وسويت شارت ودارت كوتشوفال ، وخرجو بين زوج ..
حبطت كنزة فدار فريد .. قبل ما تغلق باب الطونوبيل حبسها ادهم ..ادهم : كنزة ..
كنزة (خزرت فيه) : وشنو ؟
ادهم : كيما فهمتك ما تخرجيش من الدار ..
كنزة : ايه ..
ادهم : اذا حبيتي ديري الحجاب رايح نكون فخور بيك فوق ما تتصوري، خطوة كيما هادي رايحة تخليك تطلعي درجات عند ربي سبحانو
تبسمت كنزة ...
ادهم : اومبعد نخرجو كيف كيف نشرو لي حبيتي باش تلبسي الحجاب
دارت ب راسها وحبطت بلا ما ترد عليه وادهم راح لعند وحيد على جال مهمات كان يستناو فيه .. يعني رح يجوز كامل النهار مع جماعة وحيد ..
دخلت كنزة ، سلمت عليهم وقعدت معاهم فالصالون ..
سهام : سمحيلي نسقسيك كنزة
كنزة : وي
سهام : طونوبيل تاعك وين راهي ؟
كنزة (متلبكة) : اا.. اامم.. اه صح ، وليد خالي دار بيها اكسيدون وفسدت كامل ..
YOU ARE READING
أخبرني الحقيقة (باللهجة الجزائرية)
Romanceفتاة من اغنى العايلات ، يتيمة الوالدين ، عاشت تحت سلطة وسيطرة جدتها ، تتعرف على شاب فقير وترجع تحبو .. وش راح يصرا وهل رح يقدرو يبنيو قصة حبهم ولا القدر يوقف فطريقهم ؟💥💥 اول كرونيك ننشرها ، باللهجة الجزائرية، من قلمي 💗💗 نتمنا تقراوها وتعطوني راي...